RAGU 5
5
Dari
1Pingaten dayung ku adi aku siŭt,
aku mbŭh mŭrŭt ka darŭm teya ku.
Aku nguruk rapah ngga myrrh ku;
aku man ju#5.1 man ju: tingga di susud bang piminyu ngga rati-i di punok buk ati. banyis ngga mara banyis#5.1 mara banyis: tingga di susud bang piminyu ngga rati-i di punok buk ati. ku;
aku nok wain ngga sisuh ku.
Dayung
Man, angān adi biawang, ka nok
ndŭg ka angān mabuk ngga pinyiawang!
Ragu adi numbor Pat
Dayung
2Darŭm aku bŭŭs, atin ku burah.
Aku pŭmŭh dari adi aku awang nutok tiban.
Dari
Bada aku mŭrŭt, dayung ku,
manuk asang ku, buwa atin ku.
Ubak ku bisa bada sipot-abun,
ka ubok ku mirimet bada abun ngarŭm.
Dayung
3Aku mbŭh kadi piraka ku;
ani sah aku kibarui dinge?
Aku mbŭh ngu kaja ku;
ani sah aku bada-i kais dinge?
4Ayŭh adi aku awang na tangan-i di tiban,
atin ku simadup kan ayŭh mbŭh sindŭk.
5Aku makat an bada ayŭh mŭrŭt.
Tangan ku muko dog susen inyo myrrh dieh,
trinju ku bisa bada piin myrrh,
darŭm aku tama abŭt tiban.
6Aku kuka tiban yŭn dari adi aku awang,
pak ayŭh mbŭh bu.
Aku raru raan dingah sirŭŭn-i!
Aku jiroh ayŭh, pak dŭh tungang dapŭd ayŭh;
aku bagan ayŭh,
pak mating nam.
7Bara adi tukang jaga kupo bidapŭd ngga aku;
ngara mukong aku ka bada aku tawan;
ngara adi tukang jaga di sindung kupo sirapas jipo ku.
8Bijanji ngga aku, dayung Jerusalem;
kambŭi angān agi dapŭd dari adi aku awang, turung kidaan di ayŭh aku ati mbŭh raru sikirau pinyiawang.
Bara Dayung
9Dayung adi siabo ramus,
kana dŭ kah dari adi kuu awang so dari bŭkŭn?
Ani anŭ adi raru kana pasar ayŭh adi
yŭn ami patut bijanji ngga kuu?
Dayung
10Dari adi aku awang inŭh ramus buang bake;
ayŭh sadi adŭ di dupan simŭng ribu naan dari.
11Jawin-i keya ka timaga adi jarŭh;
ubok-i girumbang,
singŭt mun manuk kak.
12Batŭh-i ramus mun manuk asang
di bŭngŭn piin aman di sungi,
manuk asang dog mamuh ngga sisuh ka mijog di bŭngŭn anak sungi.#5.12 ka mijog di bŭngŭn anak sungi; Hebrew dŭh tarang.
13Paŭp-i ramus mun teya
adi puno ngga rapah ka wangi.
Bibis-i keya ka bunga lili, bisa ngga piin myrrh.
14Tangan-i ramus,
ka-i pakai sisin batuh grua.
Pŭrŭng ganan-i keya ka bŭbŭt gajah adi jarŭh,#5.14 keya ka bŭbŭt gajah adi jarŭh; Hebrew dŭh tarang.
ngga batuh nilam dog na dieh.
15Pŭŭh-i keya ka tiang bās alabasta
dog na di bangan mas.
Ayŭh bās keya ka Darŭd Lebanon
ngga tŭngŭn sedar-i adi ramus.
16Baba-i sidi dog sium;
sopŭrŭg kayuh pasar ayŭh piripong aku.
Mun anŭ inŭh dari adi aku awang,
bara dayung Jerusalem.
Currently Selected:
RAGU 5: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
