2 Tìmɔ̀té 4

Kpɔ́lù wà wí afɔ̀-ìkã́ã̀nyì‐ɛ̀ ŋa fú Tìmɔ̀té

1Báàyí#ɛ́, ǹ wà wíi fɛ́ɛ, tsí wà le oŋù si ńnɛ̀ nódzú-Ɔ̀ɖáyé òŋu nódzú-Yèésù Kírísítò ní o tse iŋɛ́ yèé ǹ bòkó fɔ̀ fɛ́ɛ#ɛ́. Yèésù, òŋu ní bòkó wáa kpɛdzɔ́ fú ɛnɛ yèé nákó wà náàyɛ̀ si ŋa òŋu ɛnɛ yèé nákó ti kú lɔ ŋa#á gbo#ɛ́. Tsí kíbí ó dzɛ́ ní nákó wá ńǹtalɛ̀ bí nódzú-ɔ̀nyà kpó, tsí nákó dzoyè#ɛ́, ǹ wà wíi fɛ́ɛ, tsí wà le oŋù si ńnɛ̀ ní: 2Nà dzíkɔ̀-afɔ̀-Ɔ̀ɖáyé fú ɔ̀nyà ŋa. Bí ìwèrè#ɛ́ sã̀ gbo, bí kò sã̀ gbo, ìwɔ òŋu nà wà dzɛ́ɛ fú ŋa làkóò gé. Bí à tse iŋɛ́-kã̀ sé, nà nyàá ɖíre fú ŋa ní à tse sé, tsí o kɔ̀ɔ́ fú ŋa, tsí ɖáàmí le ŋá gbo. Tsí nà tsɛ̀kɔ́ fú ŋa òŋu inɔ́ tútù. 3Ó ɖi, àsòkò-kã̀ nákó wáa wá, tsí ɔ̀nyà ŋa kàkó dzɛ́ ní ká tsɛ̀kɔ́-ire#ɛ́ fú àŋa ró. Awù-ŋa nákó dzɛ́ íbàɖí tsítse, tsí à nákó kpérí akɔ́nɛ ɛ̀gbɛ̀lɛ́ɛ̀gbɛ̀-kã̀, tsí akɔ́nɛ ŋa#á kó wà wí iŋɛ́ yèé nákó ɖíi gbɔ́ fú etí fú ŋa gé#ɛ́. 4À nákó mú etí ìgbɔ̃́ɔ̃̀rã̀ tsoɖi ní àŋa kó máa rɛ̃tígbè-ɛ̀kɔ́-òtítɔ́#ɛ́, tsí à nákó nyí, tsí tɛ̀ náànyì-ɛ̀rɔ́-òɖòbò ŋa.

5Ńbɛ̀ɛ́, ìwɔ òŋu, kíbí ò dzɛ́ àtsìtsɛ́-Ɔ̀ɖáyé#ɛ́, nà tsitsɛ́-ɛ̀ɛ ŋa kpó. Iŋɛ́ ɔ̀kã̀lɔ́ɔ̀kã̀ yèé ò wà tse#ɛ́, nà wà mú ara-ɛ̀ɛ rere, tsí nà dzɛ́ ní o réré, tsí nà tsitsɛ́-adzíkɔ̀ ɖíɖɔ̃̀ fúnɛ wérí gbo.

6Èmi òŋu, ǹ wà kíbí ɔtí bɛ́, tsí à ti wà mú mi ɖà ńǹtá-ìdzɛ̀bɔ-Ɔ̀ɖáyé. Ɔdzɔ́-ɖíǹɖe-mi náyé yèé ti tó. 7Ó ɖi, ǹ múgírí kũkũ, tsí dzìdzà-òtítɔ́#ɛ́, tsí ǹ gbódzú títí lɔ ńǹtã̀ntã́‐ɛ̀. Tsí ǹ tse òtítɔ́-itsɛ́-ikɔ̀ ɖíɖɔ̃̀#ɛ́ dzálɛ̀ kpó. Tsí ǹ sã àlé yèé ǹ ta fú Ɔ̀ɖáyé#ɛ́ gbo. 8Báàyí#ɛ́, ɔ̀yà yèé Ɔ̀ɖáyé ń gbeɖè mí si#ɛ́ ní bɔ̀, tsí n gbà#á. Ɔlá-wa nákó fú mi nɔ́ɔ̀yà#á, iŋɛ́ yèé tse#ɛ́, mà tse òtítɔ́-Ɔ̀ɖáyé. Òŋu ní náa kpɛdzɔ́-òtítɔ́#ɛ́, tsí nákó ń fú mi nɔ́dzɔ́-ɔdzɔ́ nyɛ̀ŋɛ̀. Tsí kò tsi èmi níìkã̀ntso gé ní nákó gba ɔ̀yà#á. Ɔ̀nyà ɔ̀kã̀lɔ́ɔ̀kã̀, bí wíwá-Ɔlá-wa kí ńǹsérè si fúu si, nákó fú òŋu gbo.

9Ńbɛ̀ɛ́, nà tsikpá, tsí o wáa bá mi nára-ɔdzɔ́, 10iŋɛ́ yèé tse#ɛ́, Ɖèmásì kɔ̀ mí dzɔ̀ɔ́. Iŋɛ́-ìtalɛ̀ bí ŋa kpã́dzú fúu lárè, tsí ó sá kɔ̀ mí dzɔ̀ɔ́ lɔ ńTɛ̀sàlòníkì. Tsí Kìrɛ́sì gbo lɔ nérè-Gàlátì, tsí Títò òŋu lɔ nérè-Ɖàlìmátì. 11Lúkà òŋu níìkã̀ gé ní wà ńɖɔ̀-mi si#ɛ́. Ńbɛ̀ɛ́, bí ò bàa, nà gbà ńɖi-Mákò, tsí gbɛ̃́ɛ̃ wá fú mi. Nákó nyáa mɔ́wɔ́ gbè fú mi ńtsɛ́-mi ŋa. 12Ǹ bɛ Tùtsìkɔ́sì òŋu lɔ ńǹlú-Èfɛ́sì.

13Ńǹwèrè yèé ǹ lɔ ńǹlú-Tòrásì#ɛ́, ǹ kɔ ìwɔ̀ra-mi dzɔ̀ɔ́ ńɖi-Kàrúfù. Bí ò bàa ná, nà kɛ́ɛ wá fú mi. Nà kɛ́ ìwé ŋa gbo wá fú mi. Nà kɛ́ ìwé yèé à mú awɔ-ɛrã tse ŋa#á, àŋa ní kpã́dzú lárè#ɛ́.

14Fee, Àlɛ̀kìsã́nɖè àgbɛ̀ɖɛ tse íbàɖí kpíkpɔ̀ nára-mi góró. Ó ɖi, Ɔlá-wa nákó sɛ̃ŋɛ̀‐ɛ̀ fúu. 15Tsí ìwɔ gbo, nà wà sá nára‐ɛ̀, iŋɛ́ yèé tse#ɛ́, ó lásì, tsí kɔ afɔ̀ yèé àa wà fɔ̀ fú ɔ̀nyà ŋa#á.

16Náàtsɛ̃̀tsɛ̃̀ yèé ǹ fɔ̀ afɔ̀-arũ-ara-mi nódzú-àkpɛ̀dzɔ́#ɛ́, ɔ̀nyà-kã̀ kpókpó kò gbé nára-mi. Àŋa kpó, à sá kɔ̀ mí dzɔ̀ɔ́. Ó ɖi, Ɔ̀ɖáyé kó máa wò ŋá. 17Ɔlá-wa òŋu gbé nára-mi, tsí ɖáàmí le mí, tsí ǹ nyáa dzíkɔ̀‐ɛ̀ fú ɛnɛ yèé kò dzɛ́ ɔma-Ìyúɖà ŋa#á kpó, tsí à gbɔ́. Tsí ó gbà mí nárũ-dzàntá gbo. 18Tsí ǹ mà ní Ɔlá-wa nákó nyà mí nárũ-íbàɖí ɔ̀kã̀lɔ́ɔ̀kã̀, tsí nákó kɛ́ mi lɔ nɔ́ɔ̀rɔ̃ ńbí ó wà dzoyè#ɛ́. Ɔkpɛ́ kɔ́kpɛ́ ni ɔkpɛ́‐ɛ̀ ni títí lɔ náàrìtã́. Ɛ̀tsɛ.

19Nà kí Kpìsílà òŋu Àkílà fú mi. Tsí nà kí ɛnɛ-kpáfɛ-Ònɛ̀sìfɔ́rì ŋa gbo fú mi. 20Èràsítò òŋu kí ńǹlú-Kòríntì si. Tsí Tìrófì wà rɔ̃̀, tsí ǹ kɔ̀ɔ́ dzɔ̀ɔ́ ńǹlú-Mìlɛ́tì. 21Ó ɖi, nà ɖìgírí, tsí o wá tã́ná ìwèrè-òdzò-awu kó tó. Èbúlù òŋu Kpùɖɛ́sì má nára-Lìnɔ́sì gbo wà kíɛ. Ìɖá-wa Kòlóɖì òŋu olí-Yèésù yèé bɔ̀ ŋa kpó#ɛ́ gbo wà kíɛ.

22Ɔlá-wa kó wà náànyì-ɛ̀ɛ si. Ɔ̀ɖáyé kó tse ore-ɔ̀fɛ́ fú ŋɛ́.

Currently Selected:

2 Tìmɔ̀té 4: ngl

Highlight

Copy

Compare