Mapinda 3
3
Umpandamano wakupeela ance
1Mwanane utailila vino nkukusambilizya,
lelo lyonsi sile uwaiusya vino nakunena ukucita.
2Pano vilalenga kuti umi wako utantalile muno nsi nga ulaya nu longo.
3Utaleka ukuyela kwako nu kutaila kwako vikusye.
Vivyo uvinyepelele umu nsingo yako, uvilembe nu mu mwenzo wako.
4 #
Luk 2:52
Ndi wacita vivyo, lyene Leza alakusansamusya,
na antu kwene nayo yamakusansamusyanga pe.
5Uwataila muli Yawe nu mwenzo wako onsi,
utaezya ukutaila amano yako foo.
6Waiusya Yawe muli vyonsi vino ukucita,
nga nawe amakulanganga muno ungacitila pe.
7 #
Lom 12:16
Utaezya ukwelenganya ukuti wacenjela ukuluta pali vino waya,
wemo uwakwatila Yawe icoopo, uwaleuka iviipe.
8Ndi wacita vivyo, awe lyene ale ulakwata umulembo wa mpomvu,
uwakupozezya icilonda cako, nu kutonsya ivikuwaya umu mwili wako.
9Uwacindika Yawe umu kumutuula icuma cako, ni vizao vyako ivyankolelo.
10Alino lyene inkoma zyako zilazulamo ivyakulya,
ni nkolo zyakwe waini nazyo zilasambela icakuti nu mwakwika muluula.
11 #
Yob 5:17
#Aye 12:5, 6 Mwanane, uwasumbako amano, Yawe ndi akukusunda utasoka foo.
12 #
Umb 3:19
Pano Yawe akasunda yano watemwa,
ndi vino umukwasi akasunda umwanakwe umonsi wino watemwa.
13Uwalongo umuntu uwakwata amano nu wamanya ukwiluka ivintu,
14pano amano yakaletela umuntu ivisuma ukuluta vino zaabu angamukwilila.
15Usuma wa mano waluta pa tumawe twamutengo,
na pa vintu vino umuntu angakumbwa,
patangepaye nanti cimwi icingalingana na mano.
16Amano yakalenga ukuti umuntu alengele pano nsi,
yakalenga nu kuti aye umukama, nga nu kumucindamika.
17Amano yakaletela umuntu uluzango umu wikazi wakwe,
yakalenga nu kuti aikala mu mutende.
18Amano yakoline wa muti uno ukapeela umi kuli yao akayazengela,
yao akalemelela kweneko ali yano amano yakalenga ukuti yaikala ningo.
19Ukufuma uku mano akuno Yawe wapanzile umufula wa nsi,
nu kutungilila iyulu ukwaula ulucesi.
20Uku mano yakwe walenzile ukuti inguzi zyapita,
nu kuti amakumbi yatonyezya imvula pano nsi.
21Mwanane uwaika umwenzo uku mano nu ku kucenjela,
utaleka vifume kunuli.
22Ivintu vii vilalenga kuti uwaikala uwikalo usuma nupya uwaluzango.
23Lyene ulikala ukwaula icakukusakamika,
nu kuluvyanya utalatala uluvyanye foo.
24Utalaoopa cimwi nga waya uku kulala,
nupya ulailalila sile usiku onsi.
25Wemo utalaoopa amasyamo yano yakapumikizya antu,
nanti yano yakaponela antu aipe.
26Pano Yawe aliwe alakuwaka,
nu kusunga ingazo zyako uku viteyo.
27Utakana ukucita ivisuma kuli wino wakulenga,
uwamupeela uwila ndi cakuti watukwata.
28Utanena umwinipamba uti,
“Pitanga, ukize mutondo alino ndakupeela,”
lino ukweti ivya kumupeela lilyo kwene.
29Utapanga ukucitila umwinipamba iviipe,
wino akaikala pipi nawe nupya uwakutaila.
30Utalemanizya umuntu atakweti umulandu,
wino atatala wakucitilapo iciipe icili consi.
31Utacitila uzuwa umuntu wa luzazwe,
nupya utakolanya imiyele yakwe,
32pano Yawe wapata umuntu akaifya uku mufulo,
lelo aololoke ali yakundwe yakwe.
33Intipu zyakwe Yawe zyaya apa ng'anda yakwe kaifya,
lelo wene akapolelela icifulo ca muntu akacita vyaololoke.
34 #
Yak 4:6; 1Pet 5:5 Wene akasuula antu ya munyambo,
lelo yayo aicefya yene akayuvwila amizu.
35Antu yamano yalapeelwa ucindami,
lelo iviwelewele insonyi zilavilema.
Mambwe-Lungu Bible © The Bible Society of Zambia, 2013