Oze 12
12
Galon barika be boɲa
1Efarayimu kɔmɔgɔw be galon dama le tigɛra ne ye.
Isirayɛlidenw ta ye namara le ye.
Zuda mara mɔgɔw murutinin be ne Ala ma tuma bɛɛ,
ne Ala kantigi ma.#12.1 Yan yɔrɔ fana be se ka yɛlɛma ko: «Zuda mara mɔgɔw kɔni be taamana ni Ala ye. U tora kantigiya la ni Ala ye.»
2Efarayimu kɔmɔgɔw kɔni be fɛnfu le fɛ,
u be tile fɛnfu gwanninman yaala la
ka bɔ kɔrɔn fɛ.
U be dɔ fara u ka galonw,
n'u ka fariyakow kan dɔrɔn.
U be bɛn ni Asirikaw ye,
ani ka to ka taga tulu di Ezipitikaw ma.
Yakuba ka namarakow
3Masaba be Zuda mara mɔgɔw jalakira.
A bena Yakuba ka soo tɔɔrɔ u ka kɛwaliw kosɔn.
U ye minw kɛ,
a bena u sara ka kɛɲɛ n'o ye.
4 #
Kod 25.26
Ka Yakuba to a baa kɔnɔ,
a ye bondori kɛ n'a baden ye.
A nana kɔgɔ, a ye bondori kɛ ni Ala ye.
5 #
Kod 32.25-26
A ye bondori kɛ ni mɛlɛkɛ ye,
a sera ale kɔrɔ!
A kasira, k'ale daali,
a ye Ala kunbɛn Betɛli,
Ala kuman'a fɛ o yɔrɔ la. #Kod 28.10-22
6Ɔnhɔn, Masaba, Setigi Ala lo,
a tɔgɔ ye Masaba ye.
7Yakuba kɔmɔgɔw, aw ka kɔsegi aw ka Ala fɛ,
aw ka to aw ka kantigiya n'aw ka hɔrɔnya la,
k'aw jigi lanin to aw ka Ala kan kudayi.
8Efarayimu kɔmɔgɔw be i ko jagokɛla
min be namara don kilo la.
Namara le ka di u ye.
9Efarayimu kɔmɔgɔw ko:
«An kɛra nafolotigiw ye,
an ye nafoloba sɔrɔ.
O bɛɛ ye an ka baara tɔnɔ ye,
u tena hakɛ si sɔrɔ yen an fɛ.»
10 #
Sar 23.42-43
O la, Masaba ko:
«Ne le ye Masaba ye, aw ka Ala,
kabini Ezipiti jamana na.
Ne ben'a kɛ aw bena segi ka la fanibuguw kɔnɔ
i ko an ka ɲɔgɔn kunbɛnwaati tile la.
11Ne kumana kiraw fɛ
ka koyirata caaman yira u la.
Kiraw sababu la, ne ye talenw la.
12Galaadikaw kɛra kojugukɛlaw ye,
u bena halaki pewu.
U be sɔnni kɛ ni tura ye tuma bɛɛ Giligali.
U ka sɔnnikɛyɔrɔw bena kɛ
kabakurutonw dama ye forow kɔnɔ.»
13 #
Kod 29.1-20
Yakuba tun bolila ka taga Aramu jamana na
ka baara kɛ yen muso kama.
A ye begɛnw dɛndɛ muso kama.
14 #
Bɔk 12.50-51
Nga, Masaba ye Isirayɛlidenw bɔ Ezipiti jamana na kira sababu la.
Isirayɛlidenw kɔlɔsibaga tun ye kira ye.
15Efarayimu kɔmɔgɔw ye Ala dimi kosɔbɛ.
U ka Matigi bena o joli bɔnnin kunko la u kunna,
a bena u ka dɔgɔya sara u ma.
Currently Selected:
Oze 12: AKKDC08
Highlight
Copy
Compare
Share
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
