Oze 13
13
Isirayɛli mara benko
1Ni Efarayimu kɔmɔgɔw kumana,
bɛɛ tun be siran.
Mɔgɔbaw tun lo Isirayɛli mara la.
Nga kabini u ye *Baali sɔn,
jalaki sera u ma, u sara.
2Halibi, u b'a la ka hakɛ kɛ.
U be warigwɛw yeelen
k'u ka joow dilan ka ɲa.
O bɛɛ do ye mɔgɔw ka lalagafɛnw ye.
U b'a fɔ olu ma ko:
«Minw be saraka bɔ,
olu k'u kunbiri gwan
misiden jaa nunu seen kɔrɔ.»
3O kama, u bena kɛ i ko sɔgɔma kabaforoko,
i ko komiji min be tunu.
U bena kɛ i ko sumanɲaga,
min be ta fɔɲɔ fɛ
k'a yɔrɔ jaɲa sumanbugɔyɔrɔ la,
i ko sisi min be bɔra soo kɔnɔ.
4«K'a sɔrɔ ne le ye Masaba ye,
aw ka Ala,
kabini Ezipiti jamana na.
Ne niin ka bɔ a la,
aw te dɔ wɛrɛ lɔn.
Aw kisibaga te yen ni ne tɛ.
5 #
Sad 8.11-17
Ne y'aw lɔn kongokolon kɔnɔ le,
ne y'aw lɔn o yɔrɔ gwanninman na.
6Isirayɛlidenw nana dumuni sɔrɔ,
u ye dumuni kɛ ka fa.
U ye dumuni kɛ ka fa tuma min na,
u fara u yɛrɛ la dɔrɔn ka ɲinɛ ne kɔ.
7O la, ne bena kɛ i ko jara u kama,
ne be dɛn u ɲa sirada la i ko waraninkala.
8N'u ye wara deenw ta,
a be fariya cogo min na,
ne bena fariya u ma ten.
Ne bena u boso le,
k'u ɲimi i ko jara.
Kongosogo bena u faranfaran.
9Isirayɛli mara mɔgɔw,
aw halakira,
ne kelenpe dama le be se k'aw dɛmɛ.
10 #
Sam fɔlɔ 8.5-6
Aw ka masacɛ be min,
waasa a k'aw kisi?
Aw ka duguw ɲamɔgɔw bɛɛ be min?
Aw le tun y'a ɲini n fɛ
ko n ka masacɛ ni ɲamɔgɔw d'aw ma.
11 #
Sam fɔlɔ 10.17-24; 15.26 Ne diminin ye masacɛ d'aw ma.
Ne y'a bɔsi aw la ni dusu ye.
12Efarayimu kɔmɔgɔw ka fili maranin lo,
u ye hakɛ min kɛ, o be yen.
13U bena tɔɔrɔ i ko muso,
a ka jigiwaati la.
Nga deen hakilitanw lo.
U wolotuma sera,
nga u t'a fɛ ka bɔ u baa kɔnɔ.
14 #
Kor fɔlɔ 15.55
Ne ka kan ka Isirayɛlidenw bɔsi lahara bolo wa?
Ne ka kan k'u kisi saya ma wa?
Saya, e ka balawu be min?
Lahara, e ka cɛnni be min?
Ne tena makari fewu!
15Efarayimu kɔmɔgɔw ka koow mana yiriwa
cogo o cogo u badenw cɛma,
fɔɲɔ bena bɔ kɔrɔn fɛ ka na,
Masaba ka fɔɲɔ bena bɔ kongokolon faan na.
Jii bɔyɔrɔw ni kɔlɔnw bena ja.
U bena u ka nafolo n'u ka fɛnɲuman bɛɛ ta ka taga.»
Currently Selected:
Oze 13: AKKDC08
Highlight
Copy
Compare
Share
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
