Oze 11
11
Masaba ben'a ka dimi bɔ
1 #
Bɔk 4.22; Mat 2.15 Masaba y'a fɔ ko:
«Isirayɛlidenw daminɛtuma na,
u koo tun ka di ne ye.
Ne ye n deenw wele ka bɔ Ezipiti jamana na.
2Ne mana u wele,
u b'u yɔrɔ jaɲa n na.
U ye *Baali sɔn yɔrɔ caaman na,
ka wusulan jɛni jaaw ye.
3K'a sɔrɔ, ne le y'u dɛmɛ u ka taama na,
k'u minɛ u bolo ma.
Nga, u m'a lɔn ko ne tun be janto u la.
4Ne y'u dɛmɛdɛmɛ adamadenya la,
kanuya juru barika la.
Ne tun y'u la n gaman kan
i ko mɔgɔ be denɲɛnin kɛ cogo min na.
Ne tun be dumuni d'u ma.
5U tena kɔsegi Ezipiti jamana na tugu,
nga, Asirikaw le bena u mara.
Bari, u banna, u ma sɔn ka kɔsegi ne ma.
6Murujan bena cɛnni kɛ u ka dugubabaw kɔnɔ,
u juguw bena u ka dugu dondaw bɛɛ halaki.
U bena cɛnni kɛ,
u ka ŋaniyaw tali kosɔn.
7Ne ka mɔgɔw nɔrɔnin be u ka janfa la dɔrɔn.
O b'u wele ka kɔsegi ne Fɛɛn bɛɛ kuntigi fɛ,
nga u si te wili.
Ala ka kanuya
8 #
Sad 29.22
«Ne be se k'aw bila wa, Efarayimu kɔmɔgɔw?
Ne be se k'aw don aw juguw bolo wa, Isirayɛlidenw?
Ne be se k'aw kɛ i ko Aduma dugu wa?
Ne be se k'aw kɛ i ko Seboyimu dugu wa?#11.8 Aduma ni Seboyimu tun ye dugu dɔw ye Sodɔmu ni Gɔmɔri mara la. U be miiri ko Sodɔmu ni Gɔmɔri halakira tuma min na, ko Aduma ni Seboyimu fana halakira o waati kelen na.
Ne hakili ɲagaminin lo,
aw makari ye ne minɛ kosɔbɛ.
9Ne tena ta n dimikojugu fɛ,
ne tena Efarayimu kɔmɔgɔw halaki tugu.
Bari, ne ye Ala ye, ne te adamaden ye.
Ne saniyanin lo aw cɛma,
ne tena na ni dimi ye.
10U bena na tugu ne Masaba kɔ,
n bena ŋunan i ko jara.
Ni n ŋunanna,
n deenw bena boli minɛ
ka bɔ tileben fɛ ka na.
11U bena bɔ Ezipiti ka na i ko kɔnɔw,
ka bɔ Asiri i ko tubaninw.
Ne bena sigiyɔrɔ d'u ma u ka soo.»
Masaba le ko ten.
Currently Selected:
Oze 11: AKKDC08
Highlight
Copy
Compare
Share
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
