Isaiah 8
8
1 Ro‑innis Isaiah sgrios Dhamascuis agus Shamaria le rìgh Asiria. 9 Seasaidh rùn Dhè gu sìorraidh. 11 Bithidh aoibhneas orrasan a chuireas an dòigh agus an earbsa ann an Dia.
1Agus thubhairt an Tighearna rium, Gabh clàr mòr, agus sgrìobh air le inneal‐sgrìobhaidh duine mu Mhaler‐salal‐has‐bas#8:1 is e sin, greas a chreach, luathaich a’ chobhartach..
2Agus thug mi leam, a‑chum dearbhaidh, fianaisean fìrinneach Uriah an sagart#2 Rìgh 16:10, agus Sechariah mac Ieberechiah.
3Agus dhlùthaich mi ris a’ bhan‐fhàidh; agus dh’fhàs i torrach, agus rug i mac: agus thubhairt an Tighearna rium, Thoir mar ainm air Maher‐salal‐has‐bas:
4Oir mun aithne don leanabh#Isa 7:16 M’athair agus Mo mhàthair a ràdh, togar air falbh saoibhreas Dhamascais#Isa 17:3; 2 Rìgh 15:29; 16:9 agus creach Shamaria ro rìgh Asiria.
5Agus labhair an Tighearna fhathast rium, ag ràdh,
6A chionn gun do chuir an sluagh seo cùl ri uisgeachan Shilòah#Neh 3:15; Eòin 9:7, a ruitheas gu sèimh; agus gu bheil iad a’ gabhail tlachd ann an Resin agus ann am mac Remaliah:
7Uime sin, feuch, bheir an Tighearna a‑nìos orra uisgeachan na h‑aibhne#8:7 is e sin, Euphrates., làidir agus lìonmhor, eadhon rìgh Asiria#Isa 7:16, 17 agus a uile ghreadhnachas; agus èiridh e os cionn a chlaisean uile, agus thèid e thar a uile bhruachan.
8Agus gabhaidh e roimhe air feadh Iùdah, a’ ruith thairis agus a’ sgaoileadh; eadhon gus am muineal ruigidh e; agus lìonaidh sgaoileadh a sgiathan leud do thìre‐sa#Isa 36:1, etc., O Imanueil.
9Cruinnichibh ri chèile, a chinneacha, agus brisear sibh nur bloighdean#Isa 37:36: èisdibh, sibhse uile a tha anns na dùthchannan fad as; crioslaichibh sibh fhèin, agus brisear sibh nur bloighdean; crioslaichibh sibh fhèin, agus brisear sibh nur bloighdean.
10Cuiribh ur comhairle ri chèile, agus thig i gu neo‐bhrìgh; labhraibh am facal, agus cha seas e; oir tha Dia leinne#Salm 46:1, 7.
11Oir thubhairt an Tighearna rium, le làimh làidir, agus theagasg e mi, a‑chum nach siùbhlainn ann an slighe an t‑sluaigh seo#Gnà 1:15, ag ràdh,
12Na abraibh‐sa co‑bhainn ris gach nì ris an abair an sluagh seo co‑bhainn; agus na gabhaibh eagal ron uamhas‐san#1 Pead 3:14, 15, agus na biodh geilt oirbh.
13Tighearna nan sluagh, naomhaichibh esan fhèin; agus biodh esan dhuibh na chùis‐eagail#Lùc 12:5, agus biodh esan dhuibh na adhbhar ball‐chrith.
14Agus bidh e na ionad naomh#Esec 11:16; ach na chloich‐thuislidh#Lùc 2:34; Ròm 9:32; 1 Pead 2:8, agus na charraig‐oilbheim#Mat 13:57 do dhà thaigh Israeil, na lìon agus na ribe do luchd‐àiteachaidh Ierusaleim.
15Agus gheibh mòran nam measg tuisleadh#Lùc 20:17, 18, agus tuitidh iad, agus brisear iad, agus ribear agus glacar iad.
16Ceangail suas an fhianais, seulaich an lagh#Tais 5:1, 5 am measg mo dheisciobal‐sa#Gnà 8:8, 9; Mat 13:11.
17Ach feithidh mise ris an Tighearna#Isa 50:10; 54:8 a tha a’ falach a ghnùise o thaigh Iàcoib#Hab 2:3, agus bidh sùil agam ris.
18Feuch, tha mise agus a’ chlann a thug an Tighearna dhomh#Eabh 2:13 nar comharraidhean agus nar n‑iongantasan ann an Israel, o Thighearna nan sluagh a tha na chòmhnaidh ann an sliabh Shioin.
19Agus nuair a their iad ribh, Iarraibh a‑chum nam ban‐fhiosaichean, agus a‑chum nan draoidhean, muinntir a nì bìdeil agus borbhanaich; nach bu chòir do shluagh iarraidh a‑chum an Dè? An ann a dh’iarradh iad a‑chum nam marbh, an àite nam beò?
20Iarradh iad a‑chum an lagha agus a‑chum na fianais#Lùc 16:29; Eòin 5:39: mura labhair iad a rèir an fhacail seo, is ann a chionn nach eil solas annta.
21Agus siùbhlaidh gach aon da thrìd, ann an teinn agus ann an gorta; agus tàrlaidh, nuair a bhios e ann an gorta, gum bi corraich air ris fhèin#Gnà 19:3, agus mallaichidh e a rìgh agus a Dhia#Tais 16:11, agus e a’ sealltainn suas.
22Agus seallaidh e air an talamh, agus feuch teanntachd agus doilleireachd; dubhar an àmhghair, agus tiugh‐dhorchadas.
Currently Selected:
Isaiah 8: ABIG
Highlight
Copy
Compare
Share
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
