Isaiah 20

Fàidheadaireachd mu thimcheall braighdean na h‑Eiphit agus Etiopia.

1Anns a’ bhliadhna anns an tàinig Tartan gu Asdod#2 Rìgh 18:17, nuair a chuir Sargon rìgh Asiria a‑mach e, agus a chog e an aghaidh Asdoid agus a ghlac e e;

2Anns an àm sin labhair an Tighearna le Isaiah mac Amois, ag ràdh, Imich, agus fuasgail an t‑aodach‐saic od leasraidh, agus cuir dhìot do bhrògan bhàrr do chas; agus rinn e mar sin, ag imeachd lomnochd agus cas‐ruisgte.

3Agus thubhairt an Tighearna, Amhail a dh’imich m’òglach Isaiah lomnochd agus cas‐ruisgte trì bliadhna, na chomharradh agus na iongantas air an Eiphit agus air Etiopia;

4Mar sin bheir rìgh Asiria air falbh braighdean na h‑Eiphit, agus fògarraich Etiopia, òigridh agus seann daoine, len taobh‐cùil air a leigeadh ris, a‑chum nàire na h‑Eiphit.

5Agus bidh iad fo amhluadh, agus gabhaidh iad nàire de Etiopia a bu bhun‐dòchais dhaibh, agus den Eiphit a b’adhbhar uaill dhaibh.

6Agus their fear‐àiteachaidh na tìre seo anns an là sin: Feuch is amhail seo ar bun‐dòchais#Iob 6:20, gus#20:6 dh’ionnsaidh. an do theich sinn airson cobhair, a‑chum gum bitheamaid air ar saoradh o rìgh Asiria; cionnas, matà, a thèid sinn as?

Currently Selected:

Isaiah 20: ABIG

Highlight

Copy

Compare