Kalatias Lug Tawqha
Lug Tawqha
Thaus muaj tuabneeg pib qhuabqha txug Txuj Moo Zoo kws yog has txug Yexus, cov tuabneeg kws tsi yog cov Yudais tau txais yuav Txuj Moo Zoo ntawd; tabsis muaj tuabneeg nug has tas tug ntseeg tseeb puas yuavtsum coj ua lawvle Mauxes txuj Kevcai? Paulus txhaj nrug puab siscaav has tas tsi taag yuav ua le ntawd, qhov tseemceeb nyob rua huv lub neej huv Khetos yog txuj kev ntseeg nkaus xwb, kws yog suavdlawg yuavtsum ua lub neej ncaajnceeg rua Vaajtswv. Tabsis ntau pawg ntseeg kws nyob huv Kalatias kws yog Loos le ib lub xeev nyob huv Esxias Yau, muaj tuabneeg tau tawmtsaam Paulus hab ntseeg tas tug tuabneeg kws ncaajnceeg rua Vaajtswv yuavtsum yog tug kws coj ua lawvle Mauxes txuj Kevcai hab.
Paulus sau tsaab ntawv nuav moog rua cov tuabneeg Kalatias kws tau raug ntxag moog ntseeg tej kev qha kws tsi tseeb nuav, kuas rovqaab lug ntseeg hab coj lawvle txuj kev ntseeg tseeb. Paulus pib qha has tas nwg yeej muaj cai hu nwg tugkheej ua Khetos ib tug timthawj. Nwg has tseeb-tseeb has tas Vaajtswv yog tug hu nwg lug ua ib tug timthawj, tsi yog ib tug tuabneeg nqajtawv kws muaj fwjchim ua tug hu nwg, hab qhov kws nwg qha Txuj Moo Zoo yog qha tshwjxeeb rua cov kws tsi yog tuabneeg Yudais. Nwg txhaj qha has tas, tsuas yog kev ntseeg nkaus xwb txhaj yuav ua tau rua tuabneeg kuas muaj kev phoojywg nrug rua Vaajtswv. Cov tshooj tom kawg Paulus txhaj qha has tas cov ntseeg Yexus coj tau tug cwjpwm kws muaj txuj kev hlub tub yog vim puab ntseeg Yexus ntaag.
Txheejtxheem
Lug tawqha (1:1-10)
Paulus lub fwjchim kws yog ib tug timthawj (1:11—2:21)
Txuj Moo Zoo kws yog Vaajtswv txuj moovhlub (3:1—4:31)
Cov Ntseeg txuj kev ywjpheej hab tegnum (5:1—6:10)
Cov lug xaus (6:11-18)
Currently Selected:
Kalatias Lug Tawqha: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.