Masmur 48
48
Sion, Nengeri Allah Taala#48.0 TAJUK DALAM HEBREW: Masmur ditulis bala raban peturun Korah; Pantun
1 TUHAN endang besai lalu patut dipuji
dalam nengeri Allah Taala kitai, ba bukit Iya ti kudus.#48.1 bukit Iya ti kudus: Peda 2.6
2 #
Mat 5.35. Sion, bukit Allah Taala, endang tinggi sereta manah.
Nengeri Raja Ti Besai mai pengaga ngagai semua dunya.
3Allah Taala udah nunjukka pengelikun endang bisi ba Iya
dalam kuta nengeri nya.
4Bala raja begempuru
lalu datai nyerang Bukit Sion.
5Tang lebuh sida meda nengeri nya, sida tekejut.
Sida panik,#48.5 panik; Reti nya: begau abis ati lalu rari.
6Sida takut, sereta tusah ati,
baka indu ke radai deka beranak,
7baka kapal ti dipangkaka biaubalai.
8Kami bisi ninga pasal utai ti udah dikereja Allah Taala,
lalu diatu kami udah meda utai nya
ba nengeri Allah Taala, TUHAN ti Pemadu Bekuasa.
Iya deka ngibun nengeri nya enggau likun belama iya.
9Dalam Rumah Sembiang Nuan, O Allah Taala,
kami belematika pengerindu Nuan ti meruan belama iya.
10Nuan dipuji orang di semua endur,
lalu penampak nama Nuan ngelekai di serata dunya.
Nuan merintah enggau lurus.
11Awakka orang Sion gaga!
Awakka orang dalam nengeri di menua Judah rami gaga
laban Nuan meri atur ti lurus.
12Bejalai meh kita ngelingi Sion
lalu itung semua menara iya.
13Peratika dinding, lalu peresa kuta,
ngambika kita ulih nusui ngagai serak ti nangkanka kita:
14“Tu meh Allah Taala ti Allah Taala kitai belama lama iya.
Iya deka ngiring kitai belama iya.”
Currently Selected:
Masmur 48: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
