Masmur 47
47
Raja Ti Bekuasa Atas Semua#47.0 TAJUK DALAM HEBREW: Masmur ditulis bala raban peturun Korah
1Tempapka jari kita enggau ati ti gaga, kita semua bansa!
Puji meh Allah Taala ngena lagu ti inggar!
2Nangi meh kita ke TUHAN ti Pemadu Bekuasa.
Iya Raja ke besai, ke merintah semua dunya.
3Iya ngalahka semua mensia ke kitai,
lalu ngengkahka semua bansa di baruh kaki kitai.
4Iya milih menua alai kitai diau,
nyadi pesaka bala nembiak Iya, ke dikerinduka Iya.
5Allah Taala niki ngagai kerusi diraja Iya.
Munyi panjung gaga ati, enggau munyi terumpit bisi didinga,
lebuh TUHAN niki.
6Belagu muji Allah Taala.
Belagu muji Raja kitai!
7Allah Taala nya Raja ke semua dunya.
Puji Iya ngena lagu!
8Allah Taala duduk ba kerusi diraja Iya ti kudus.
Iya merintah semua bansa.
9Bala orang ke merintah semua bansa begempuru
enggau bala nembiak Allah Taala ke disembah Abraham.#47.9 enggau bala nembiak Allah Taala ke disembah Abraham; Hebrew: orang mayuh
Laban Allah Taala bekuasa agi ari semua bala soldadu,
nya alai Iya merintah semua.
Currently Selected:
Masmur 47: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
