Masmur 137
137
Sabak Ngenang Orang Israel Ke Udah Kena Buai
1Kami duduk ba tebing sungai di menua Babilon.
Dia kami nyabak,
lebuh kami ingatka Sion.
2Ba kayu willow dia
kami ngantung belikan kami.
3Laban orang ke nangkap kami
ngasuh kami belagu,
lalu orang ke merinsaka kami
ngasuh kami merindang sida, ku sida,
“Nyanyi ke kami lagu nengeri Sion.”
4Baka ni ku kami ulih nyanyi lagu TUHAN
di menua orang?
5Enti aku enda ingatka nuan, O Jerusalem,
awakka jari kanan aku lupis!
6Awakka aku enda ulih belagu agi
enti aku enda ingatka nuan,
enti aku enda ngumbai nuan nengeri
ti pemadu dikegagaka aku!
7O TUHAN, kingatka utai ti udah dikereja orang Edom
lebuh Jerusalem alah.
Kingatka sida ke majak nyebut,
“Runtuhka nengeri nya!”
8 #
Pem 18.6. Babilon, nuan deka dirusak.
Beberekat meh orang ke malas nuan
ketegal utai ti udah dikereja nuan ngagai kami,
9ngambi anak nuan,
lalu mangkaka sida ngagai batu.
Currently Selected:
Masmur 137: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
