Masmur 136
136
Pantun Terima Kasih
1 #
1 Ban 16.34; 2 Ban 5.13; 7.3; Esr 3.11; Mas 100.5; 106.1; 107.1; 118.1; Jer 33.11. Beri terima kasih ngagai TUHAN, laban Iya endang badas,
laban pengerindu Iya meruan belama iya.
2Beri terima kasih ngagai Allah Taala ti Pemadu Tinggi,
laban pengerindu Iya meruan belama iya.
3Beri terima kasih ngagai TUHAN ti besai agi ari semua tuhan,
laban pengerindu Iya meruan belama iya.
4Semina Iya siku aja ti ngereja kereja ajih.
Pengerindu Iya meruan belama iya.
5 #
P-kal 1.1. Ngena penemu Iya, Iya ngaga langit,
laban pengerindu Iya meruan belama iya.
6 #
P-kal 1.2. Iya ngaga dunya atas ai ti dalam,
laban pengerindu Iya meruan belama iya.
7 #
P-kal 1.16. Iya ngaga mata hari enggau bulan,
laban pengerindu Iya meruan belama iya.
8Iya ngaga mata hari ti manchar lebuh siang hari,
laban pengerindu Iya meruan belama iya.
9Iya ngaga bulan enggau bintang ti manchar lebuh malam hari,
laban pengerindu Iya meruan belama iya.
10 #
P-sut 12.29. Iya udah munuh anak tuai ti lelaki orang Ejip,
laban pengerindu Iya meruan belama iya.
11 #
P-sut 12.51. Iya udah nguluka orang Israel pansut ari menua Ejip,
laban pengerindu Iya meruan belama iya.
12Ngena jari Iya ti kering, lengan Iya ti bekuasa,
laban pengerindu Iya meruan belama iya.
13 #
P-sut 14.21-29. Iya ngasuh ai bebagi ba Tasik Mirah,
laban pengerindu Iya meruan belama iya.
14Iya mai bala nembiak Iya bejalai nengah tasik nya,
laban pengerindu Iya meruan belama iya.
15Tang Iya ngelemaska raja enggau bala soldadu menua Ejip,
laban pengerindu Iya meruan belama iya.
16Iya nguluka bala nembiak Iya bejalai nengah menua puang,
laban pengerindu Iya meruan belama iya.
17Iya munuh bala raja ti bekuasa,
laban pengerindu Iya meruan belama iya.
18Iya munuh bala raja ti tebilang nama,
laban pengerindu Iya meruan belama iya.
19 #
P-pau 21.21-30. Iya munuh Sihon, raja orang Amor,
laban pengerindu Iya meruan belama iya,
20 #
P-pau 21.31-35. enggau Og, raja nengeri Basan,
laban pengerindu Iya meruan belama iya.
21Iya meri menua sida ngagai nembiak Iya,
laban pengerindu Iya meruan belama iya.
22Iya meri menua nya ngagai orang Israel, ti nembiak Iya,
laban pengerindu Iya meruan belama iya.
23Iya nadai kala enda ingatka kitai lebuh kitai alah,
laban pengerindu Iya meruan belama iya.
24Iya ngelepaska kitai ari munsuh kitai,
laban pengerindu Iya meruan belama iya.
25Iya meri pemakai ngagai semua utai ti idup,
laban pengerindu Iya meruan belama iya.
26Beri terima kasih ngagai Allah Taala di serega,
laban pengerindu Iya meruan belama iya.
Currently Selected:
Masmur 136: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
