Masmur 138
138
Sampi Terima Kasih#138.0 TAJUK DALAM HEBREW: Ulih David
1Aku meri terima kasih ngagai Nuan, O TUHAN, enggau pengabis ati aku.
Aku belagu muji Nuan di mua bala petara.
2Aku meremi ngadap ngagai Rumah Nuan ti kudus,
lalu meri terima kasih ngagai nama Nuan
ketegal pengerindu enggau penetap ati Nuan ti meruan belama iya,
laban Nuan udah mandangka Diri enggau pesan Nuan
endang tinggi ari semua.#138.2 nama enggau pesan Nuan endang tinggi ari semua; Hebrew: pesan Nuan endang besai agi ari semua nama Nuan
3Nuan nyaut aku, lebuh aku ngangauka Nuan.
Ngena pengering Nuan, Nuan ngeringka aku.
4Semua raja di dunya deka muji Nuan, O TUHAN,
laban sida udah ninga semaya Nuan,
5lalu sida deka belagu ngenang utai ti dikereja Nuan,
laban mulia Nuan amat besai.
6Laban taja pen Nuan diau tinggi di atas,
tang Nuan ngintu orang ke baruh pendiau,
lalu orang ke sumbung enda ulih belalai ari Nuan.
7Taja pen aku dikelingi penusah,
Nuan nyaga nyawa aku;
Nuan ngunjurka jari Nuan ngelaban bala munsuh aku
lalu jari kanan Nuan ngelepaska aku.
8Nuan deka ngamatka semua utai ti udah disemaya Nuan ngagai aku;
Pengerindu Nuan endang meruan belama iya, O TUHAN.
Anang ninggalka nembiak Nuan Israel.
Currently Selected:
Masmur 138: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
