Masmur 106
106
Pemanah TUHAN Enggau Bala Nembiak Iya
1 #
1 Ban 16.34; 2 Ban 5.13; 7.3; Esr 3.11; Mas 100.5; 107.1; 118.1; 136.1; Jer 33.11. Puji TUHAN!
Beri terima kasih ngagai TUHAN, laban Iya endang manah.
Pengerindu Iya meruan belama iya.
2Sapa ulih madahka pasal semua pengawa ti besai ti udah dikereja Iya?
Sapa ulih muji Iya enggau chukup?
3Beberekat meh orang ke ngasika pesan Iya,
ke seruran ngereja utai ti ngena.
4Kingatka aku, O TUHAN, lebuh Nuan nulung bala nembiak Nuan.
Tulung aku lebuh Nuan ngelepaska sida.
5Awakka aku meda pengaya bala nembiak Nuan,
lalu sama enggau ngasaika pengelantang bansa Nuan,
gaga ati temegah enggau sida ke diempu Nuan.
6Kami udah bedosa baka aki ini kami.
Kami udah bepenyalah sereta jai.
7 #
P-sut 14.10-12. Aki ini kami di menua Ejip enda meretika pemadas pengawa Allah Taala.
Sida enda ingatka penyuah Iya udah mandangka pengerindu Iya,
lalu sida angkat ngelaban Allah Taala ti Pemadu Bekuasa ba tasik.#106.7 tasik; Tauka: Tasik Mirah
8Tang Iya nyelamatka sida, munyi ti udah disemaya Iya,
kena Iya ngayanka pemesai kuasa Iya.
9 #
P-sut 14.21-31. Iya bejaku ngagai Tasik Mirah,
lalu tasik nya rangkai.
Iya nguluka bala nembiak Iya meraka nengah tanah ti rangkai.
10Iya ngelepaska sida ari jari orang ke begedika sida.
Iya ngelepaska sida ari kuasa bala munsuh sida.
11Tang ai ngelamun bala munsuh sida.
Nadai siku sida agi idup.
12 #
P-sut 15.1-21. Nya baru bala nembiak Iya arapka semaya Iya,
lalu belagu muji Iya.
13Tang sida jampat enda ingatka utai ti udah dikereja Iya
lalu ngereja utai enda nganti jaku lalau ari Iya.
14 #
P-pau 11.4-34. Sida balat tetengukka makai utai lebuh sida di menua puang
lalu sida nguji Allah Taala.
15Nya alai Iya meri sida utai ti dipinta sida,
tang Iya mega ngirumka penyakit ti balat ngagai sida.
16 #
P-pau 16.1-35. Menua puang nya meh endur alai sida ke kepapaska Moses
seduai Aron, nembiak TUHAN ti kudus.
17Udah nya tanah merangap lalu nelan Datan
lalu ngelamun Abiram enggau sida sebilik.
18Api nurun ngagai orang ke nitihka sida,
lalu nganguska orang ke jai nya.
19 #
P-sut 32.1-14. Sida ngaga siku anak sapi ari emas di Sinai
lalu nyembah engkeramba nya.
20Sida besilihka mulia Allah Taala
enggau engkeramba jelu ti makai rumput.
21Sida enda ingatka Allah Taala ti udah ngelepaska sida
ngena pengawa Iya ti besai di menua Ejip.
22Naka meh pemadas utai ti dikereja Iya dia!
Naka meh penyelai utai ti nyadi ba Tasik Mirah!
23Lebuh Allah Taala madahka Diri deka ngerusak bala nembiak Iya,
Moses, ulun ke dipilih Iya bediri nyakal Allah Taala
lalu nagang pengeringat Iya ngerusak sida.
24 #
P-pau 14.1-35. Udah nya sida nulak menua ti manah nya,
laban sida enda arapka semaya Allah Taala.
25Sida diau dalam langkau kain lalu mutap,
lalu enggai mendingka TUHAN.
26Nya alai Iya lalu nangkan sida enggau jaku
madahka Diri deka ngasuh sida mati di menua puang
27 #
Lew 26.33. lalu ngachirka peturun sida ba sebelah bansa orang kapir,
lalu nejuka sida mati di menua bukai.
28 #
P-pau 25.1-13. Udah nya, di Peor bala nembiak Allah Taala lalu enggau orang besembahka Baal
lalu makai piring ti udah diberi ngagai petara ti ukai petara ti idup.
29Sida nyungkak TUHAN ringat ketegal utai ti dikereja sida.
Penyakit ti balat lalu nyadi ba bala sida.
30Tang Pinehas angkat lalu ngukum orang ke udah salah,
lalu penyakit nya enda agi ngerampit.
31Lalu ketegal nya Iya dikumbai lurus
ari serak siti ngagai serak siti belama iya.
32 #
P-pau 20.2-13. Ba mata ai di Meribah, orang mayuh nyungkak TUHAN ringat,
lalu ngenusahka Moses.
33Sida nyungkak Moses balat amat ringat
datai ke nyau bejaku enda berunding.
34 #
P-ulu 2.1-3; 3.5-6. Sida enda ngasika jaku TUHAN
ti ngasuh sida munuh orang kapir,
35tang jadi enggau orang bansa bukai
lalu idup nitihka jalai orang kapir.
36Bala nembiak Allah Taala nyembah engkeramba,
lalu tu ngujungka sida dirusak.
37 #
2 Raj 17.17. Sida nyerahka anak lelaki enggau anak indu sida
nyadika piring ngagai engkeramba orang Kanaan.
38 #
P-pau 35.33. Sida munuh anak mit ti nadai penyalah,
lalu ngamahka menua laban sida bebunuhka anak mit nya.
39Sida ngaga diri enda tuchi ketegal utai ti dikereja sida
sereta enda tetap ati ngagai Allah Taala.
40 #
P-ulu 2.14-18. Nya alai TUHAN ringat ngagai bala nembiak Iya.
Iya nyau kejika sida.
41Iya nyerahka sida ngagai jari orang kapir,
lalu munsuh sida merintah sida.
42Sida ditekanka bala munsuh sida,
lalu sida nunduk ngagai munsuh sida.
43 TUHAN suah udah ngelepaska bala nembiak Iya,
tang sida rindu agi angkat ngelaban Iya
lalu dosa sida nambah-menambah.
44Tang taja pia, TUHAN ninga sida lebuh sida nyabak,
lalu Iya ibuhka penusah sida.
45Ketegal sida, Iya ingatka sempekat Iya,
lalu ketegal pemesai pengerindu Iya, Iya kasihka sida.
46Iya ngasuh semua orang ke nekanka sida
sinu ati ke sida.
47 #
1 Ban 16.35-36. Lepaska kami, O TUHAN Allah Taala kami,
lalu bai kami pulai ari semua bansa,
ngambika kami meri terima kasih
lalu muji nama Nuan ti kudus.
48Puji meh TUHAN Allah Taala ke disembah orang Israel.
Puji meh Iya diatu enggau ke belama iya!
Awakka semua orang nyebut, “Amin!”
Puji TUHAN!
Currently Selected:
Masmur 106: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
