Masmur 105
105
Allah Taala Enggau Bala Nembiak Iya
(1 Bansa Israel 16.8-22)
1Beri terima kasih ngagai TUHAN.
Padahka pemesai kuasa Iya.
Tusui ngagai semua bansa utai ti udah dikereja Iya.
2Belagu muji TUHAN.
Tusui pasal utai ti badas ti udah dikereja Iya.
3Gaga ati meh kitai ke enggi Iya.
Awakka semua orang ke nyembah Iya rami gaga magang.
4Mansang meh kitai ngagai TUHAN minta Iya nulung,
lalu sembah Iya berari.
5-6Kita peturun Abraham ke nembiak Iya
kita peturun Jakop ti udah dipilih Iya:
Kingatka kereja ajih ti udah dikereja Allah Taala
enggau ukum ti udah diletak Iya.
7 TUHAN endang Allah Taala kitai.
Pesan Iya endang ke semua dunya.
8Iya deka ingatka sempekat Iya belama iya,
semaya ti diberi Iya ngagai seribu serak.
9 #
P-kal 12.7; 17.8;
P-kal 26.3. Iya deka ingatka sempekat ti udah digaga Iya enggau Abraham
enggau semaya ti digaga Iya enggau Isak.
10 #
P-kal 28.13. TUHAN ngaga sempekat enggau Jakop,
sempekat ti deka meruan belama iya.
11Ku Iya bejaku, “Aku deka meri menua Kanaan ngagai nuan.
Menua nya deka nyadika pesaka nuan.”
12Lebuh sida agi mimit tubuh,
nadai dipedulika orang, lalu diau nyadi orang kampar,
13bejalai segau-segau ari menua siti ngagai menua siti,
ari perintah siti ngagai perintah siti,
14 #
P-kal 20.3-7. Iya enggai nejuka orang nekanka sida.
Kena Iya nyaga sida, Iya meri jaku tangkan ngagai bala raja:
15“Anang negu bala nembiak ti udah dipilih Aku.
Anang ngemediska bala nabi Aku”
16 #
P-kal 41.53-57. Lebuh TUHAN ngasuh lapar pungkang nyadi di menua nya
lalu ngerampas semua pemakai sida,
17 #
P-kal 37.28; 45.5. Iya ngirumka siku orang bejalai dulu ari sida,
orang ke benama Josep, ti udah dijual nyadi ulun.
18 #
P-kal 39.20—40.23. Kaki iya ditanchang ngena rantai,
lalu rekung iya dikungkung ngena besi,
19nyentuk ngagai maya utai ti udah ditujum iya, dikamatka,
nyentuk ngagai maya Jaku Allah Taala madahka Josep endang madahka utai ti bendar.
20 #
P-kal 41.14. Udah nya raja menua Ejip ke merintah mayuh bengkah bansa
ngasuh orang ngelepaska iya.
21 #
P-kal 41.39-41. Iya ngeletak Josep nyadi tuai megai perintah
lalu ngasuh iya merintah semua menua nya,
22bekuasa atas bala pemesai raja
lalu diberi kuasa meri atur ngagai bala penyanding penemu raja.
23 #
P-kal 46.6;
P-kal 47.11. Udah nya Jakop mansang ngagai menua Ejip
lalu ngentapka diri di menua nya.
24 #
P-sut 1.7-14. TUHAN meri mayuh anak ngagai bala nembiak Iya
lalu ngasuh sida kering agi ari bala munsuh sida.
25Iya ngasuh orang Ejip begedika bala nembiak Iya
lalu nipu bala nembiak Iya.
26 #
P-sut 3.1—4.17. Udah nya Iya ngirumka nembiak Iya Moses,
enggau Aron, ti udah dipilih Iya.
27Sida ngereja kereja ti nyelai
enggau kereja ajih Allah Taala di menua Ejip.
28 #
P-sut 10.21-23. Allah Taala ngasuh menua Ejip dibalut pemetang,
tang orang Ejip ngelaban jaku Iya.#105.28 ngelaban jaku Iya; Hebrew: enda ngelaban jaku Iya
29 #
P-sut 7.17-21. Iya ngasuh sungai sida bebali nyadi darah
lalu munuh semua ikan.
30 #
P-sut 8.1-6. Menua sida penuh laban engkatak.
Indah istana raja deh penuh laban engkatak.
31 #
P-sut 8.20-24;
P-sut 8.16-17. Allah Taala bejaku, lalu lalat enggau kerengit
malut semua menua nya.
32 #
P-sut 9.22-25. Iya ngasuh ujan batu enggau kilat nyadi di menua nya
kena nganti ujan.
33Iya ngerusak batang anggur enggau kayu ara sida
lalu matahka semua kayu.
34 #
P-sut 10.12-15. Iya bejaku, lalu bejuta-juta iku buntak datai.
35Bala buntak nya makai semua utai ti tumbuh di menua nya,
makai semua utai ti ditanam.
36 #
P-sut 12.29. Iya munuh anak tuai ti lelaki
ari semua ruang bilik orang Ejip.
37 #
P-sut 12.33-36. Udah nya Iya nguluka orang Israel pansut.
Sida mai pirak enggau emas,
lalu semua sida bela bepengerai sereta regas magang.
38Orang Ejip takutka sida
lalu gaga ati lebuh sida angkat.
39 #
P-sut 13.21-22. Allah Taala ngengkahka siti mua hari atas bala nembiak Iya
enggau daun api ti meri sida penampak lebuh malam hari.
40 #
P-sut 16.2-15. Sida minta, lalu Iya ngirumka burung empitu.
Iya meri sida pemakai ari serega kena ngenyangka sida.
41 #
P-sut 17.1-7; P-pau 20.2-13. Iya malu batu, ai lalu pansut,
lalu rarat nengah menua puang baka sungai.
42Iya ingatka semaya Iya ti kudus, ti udah digaga Iya
enggau nembiak Iya Abraham.
43Nya alai Iya nguluka bala nembiak Iya pansut,
lalu sida belagu sereta manjung gaga ati.
44 #
Jos 11.16-23. Iya meri sida menua orang bansa bukai
lalu ngasuh sida ngerampas umai orang nya,
45ngambika bala nembiak Iya ngasika Adat Iya
lalu nitihka semua pesan Iya.
Puji TUHAN!
Currently Selected:
Masmur 105: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
