Masmur 104
104
1O TUHAN Allah Taala aku,
naka meh pemesai kuasa Nuan!
Nuan ngerasukka mulia raja.
2Nuan nyerayung Diri ngena penampak.
Nuan udah mintarka langit baka langkau kain
3lalu ngaga rumah Nuan ba atas ai ti di langit#104.3 ba atas ai ti di langit; peda P-kal 1.6-7
Nuan ngaga mua hari nyadika kerita perang Nuan
lalu nepan ba sayap ribut.
4 #
Heb 1.7. Nuan mai pesan Nuan ngena ribut
lalu kilat ti nyelar nyadi ulun Nuan.
5Nuan udah ngengkahka dunya tegap ba pugu iya,
lalu iya enda dikinsitka.
6Nuan udah ngengkahka tasik ba atas pugu dunya baka baju panjai,
lalu ai ngelamun bukit.
7Lebuh Nuan ngerara ai, sida rari.
Sida beterudus rari, lebuh Nuan merakka nyawa Nuan ngagai sida.
8Sida rarat nurun bukit ngagai lebak,
ngagai endur ti udah disediaka Nuan ke sida.
9Nuan udah ngeletak garis ti enda tau dilanggar sida,
ngambika sida enda ngelamun semua dunya baru.
10Nuan ngasuh mata ai mansutka ai ba lebak,
lalu sungai rarat ba entara bukit.
11Jelu babas ngirup ai ari sida.
Dia meh endur alai keledai kampung ngirup lalu enda agi aus.
12Ba kayu ti semak nya,
burung ngaga sarang lalu belagu.
13Ari langit Nuan ngasuh ai ujan labuh ninggang bukit,
lalu dunya penuh laban berekat Nuan.
14Nuan ngasuh rumput tumbuh ngambika bisi diempa jelu sapi,
lalu meri kami utai ngambika bisi ditanam kami,
ngambika kami bulih asil ari tanah,
15enggau wain kena kami ngelantangka diri,
minyak kana kena kami ngasuh mua kami beperenching,
enggau roti ti meri kami pengering.
16Kayu sidar di Lebanon ditinggang ujan ti bangat,
kayu ti ditanam TUHAN Empu.
17Dia meh endur alai burung ngaga sarang sida.
Burung undan ngaga sarang ba puchuk kayu ru.
18Kambin babas diau ba bukit ti tinggi,
lalu jelu dumbang belalai ba sebelah tingkah.
19Nuan udah ngaga bulan kena ngelai musin.
Mata panas nemu maya diri padam.
20Nuan udah ngaga malam, lalu lebuh hari nyau petang
semua jelu babas pansut magang.
21Singa ti agi biak negung lebuh sida ngiga pemakai,
begigaka pemakai ti diberi Allah Taala.
22Lebuh mata hari tumbuh, sida pulai baru
lalu gali dalam lubang sida.
23Nya baru mensia nurun gawa
lalu majak gawa datai ke lemai.
24 TUHAN, Nuan udah ngaga mayuh macham utai!
Naka meh pemintar Nuan ngaga semua utai nya!
Dunya nyau penuh laban utai ti idup ti digaga Nuan.
25Tasik ti luas sereta besai pen bisi,
endur alai utai ti idup diau,
ti besai enggau ti mit,
ti enda ulih diitung.
26 #
Jop 41.1; Mas 74.14; Isa 27.1. Kapal belayar ba tasik, lalu jelu ti besai bemain dalam iya,
iya nya naga tasik ti udah ditempa Nuan,#104.26 bemain dalam iya…ditempa Nuan; Tauka: Jelu tasik bisi dia, iya nya naga tasik ti udah ditempa Nuan, kena Nuan merindang Diri
27Semua sida ngarapka Nuan
meri sida pemakai nitihka musin.
28Nuan meri pemakai ngagai sida, lalu sida makai.
Nuan meri sida pemakai, lalu sida kenyang.
29Lebuh Nuan nguing kebukai, sida tusah ati.
Lebuh Nuan ngambi seput ti meri pengidup, sida mati
lalu pulai nyadi amau baru.
30Tang lebuh Nuan meri sida seput,#104.30 meri sida seput; Tauka: ngirumka Roh Nuan sida idup.
Nuan meri pengidup ti baru ngagai dunya.
31Awakka mulia TUHAN meruan belama iya!
Awakka TUHAN gaga ati ke utai ti udah digaga Iya!
32Iya merening ngagai dunya, lalu dunya begetar.
Iya negu bukit, lalu bukit berasap.
33Aku deka belagu ke TUHAN seumur idup.
Seagi-agi aku idup, aku deka belagu muji Allah Taala aku.
34Awakka Iya gaga ati ke lagu aku,
laban Iya ngasuh ati aku gaga.
35Awakka orang ke bedosa dibuai ari dunya.
Awakka orang ke jai abis lengis.
Puji meh TUHAN, O semengat aku!
Puji meh TUHAN!
Currently Selected:
Masmur 104: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
