Isaiah 52
52
Allah Taala Deka Ngelepaska Jerusalem
1 #
Pem 21.2, 27. Jerusalem, awakka nuan kering lalu beberita baru!
Nengeri Allah Taala ti kudus, rasukka gari nuan ti manah!
Orang kapir enda agi tama nengah pintu nuan.
2Lepaska diri empu, Jerusalem!
Angkat ari amau, lalu duduk ba kerusi diraja nuan!
Buka rantai ti nanchang kita,
kita orang Sion ti kena jil!
3Ku TUHAN ti Pemadu Tinggi bejaku ngagai bala nembiak Iya, “Lebuh kita nyadi ulun, kita ukai dibeli. Baka nya mega, kita ukai dilepaska ngena duit. 4Lebuh kita mansang ngagai menua Ejip nyadi orang kampar, kita kin nitihka peneka ati kita empu. Tang Asiria nabanka kita lalu nadai nyuaka rega. 5#Rom 2.24. Nyadi diatu, utai ti baka nya udah nyadi di menua Babilon: kita nyadi orang tangkap, lalu kita ukai dibeli. Orang ke merintah kita temegah sereta jegak-jegak, lalu seruran mechat Aku. 6Jemah ila, kita deka ngaku Aku Allah Taala, lalu ngaku Aku udah bejaku ngagai kita.”
7 #
Nah 1.15; Rom 10.15; Eps 6.15. Naka meh pengerindu meda
siku seruan ke datai ngelangkah bukit,
mai berita ti manah, berita pasal pemaik!
Iya madahka pasal pemenang, lalu nyebut ngagai Sion,
“Allah Taala nuan endang Raja!”
8Sida ke nyaga nengeri manjung,
sama sereta manjung gaga ati.
Sida ulih meda ngena mata sida empu
pemulai TUHAN ngagai Sion.
9Manjung gaga ati
meh kita tembawai Jerusalem.
TUHAN deka ngelepaska nengeri Iya Empu
lalu merindang bala nembiak Iya.
10 TUHAN deka ngena kuasa Iya ti kudus.
Iya deka ngelepaska bala nembiak Iya,
lalu semua dunya deka meda nya.
11 #
2 Kor 6.17. Kita enda tau enda angkat ari menua Babilon,
semua kita ke mai pekekas Rumah Sembiang.
Anang negu utai ti enda tuchi.#52.11 utai ti enda tuchi; sarang utai ti enda tau ditegu
Intu diri kudus lalu mupuk.
12Sekali tu kita enda ibuh berumban mupuk
laban kita ukai rari.
TUHAN Allah Taala kita deka nguluka kita
lalu nyaga kita.
Ulun Allah Taala Ke Merinsa
13Ku TUHAN bejaku,
“Nembiak Aku deka mujur ngereja pengawa iya.
Iya deka nerima basa ti besai.
14Mayuh orang tekenyit ati meda iya.
Gamal iya balat amat rusak datai ke nyau ukai gamal mensia agi.
15 #
Rom 15.21. Tang diatu mayuh bengkah bansa deka alit ati meda iya,
lalu bala raja enda tepansutka jaku laban alit ati.
Sida deka meda lalu meretika
utai ti nadai udah kala ditemu sida.”
Currently Selected:
Isaiah 52: BK
Highlight
Copy
Compare
Share
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
