لِمْلٜ 17

تَاسَاجٜ عُورٛرْطٜ

1جَوْمِرَاوٛ وِعِ مُوسَى‏: 2«عُمْرُ عٜلِعَزَارُ ࢡِي هَـٰرُونَ لِمَنْجٛ، عٛسَنغْکِتَ يِيتٜ حَا دَايِيطُمْ، عٛوُرْتِنَ ݠٜحٜ غٛ دِغَ ندٛونْدِ، نغَمْ طٜ شٜنَاطٜ؞ 3کٛوعٜ ݠٜحٜ وٛرْࢡٜ ࢡٜعٜ، مبَرَاࢡٜ دَلِيلَ حَکّٜىٰجِ مُوطُمْعٜنْ، تَݠّٜ طٜ، نغَرْتِرٜ طٜ بٜطِ شٜوْطِ، شُدّٜ حِرْسِرْدٜ بٜى مَاجِ، نغَمْ طٜ لِيعَامَ يٜىٰسٛ جَوْمِرَاوٛ، طٜ لَاتَکٜ شٜنَاطٜ؞ طٜ لَاتَنْتٛ إِسْرَاءِيلَعٜنْ عَلَامَ؞» 4عٜلِعَزَارُ لِمَنْجٛ حٛوعِ ݠٜحٜ نجَمْندِ مبٛطٜىٰرِ طٜ وُلَاࢡٜ نغَدُّنٛ؞ ࢡٜتَݠِّ طٜ، ࢡٜشُدِّ حِرْسِرْدٜ بٜى مَاجٜ؞ 5طُمْ رٜىٰنْتِنِ#17‏:5 رٜىٰنْتِنِ مَلَّ بٛو بَرِّ؞ إِسْرَاءِيلَعٜنْ نغَمْ تَا غٛطّٛ مٛ عِوَايْ دَࢩْغٛلْ هَـٰرُونَ ࢡَدِتٛ حِرْسِرْدٜ نغَمْ لِيعَنَاغٛ جَوْمِرَاوٛ عُورٜتٜىٰطُمْ، نغَمْ تَا عٛحَلْکَ بَنَ کٛورَ عٜ مٛوࢡْرٜ مُمْ؞ طُمْ ڢُو طُمْ لَاتِ بَنَ جَوْمِرَاوٛ عُمْرُنٛ مُوسَى؞

هَـٰرُونَ حِسْنِ يِمْࢡٜ

6جَنغٛ مَنْ عُمَّاتٛورٜ ڢُو نغُرْنغُرْتِ دٛوْ مُوسَى عٜ هَـٰرُونَ، وِعِ‏: «عٛنٛنْ مبَرِ جَمَعَارٜ جَوْمِرَاوٛ؞» 7يِمْࢡٜ مٛوࢡِ دٛوْ مُوسَى عٜ هَـٰرُونَ؞ ندٜ ࢡٜکُوشِتِ حٜىٰدِ لَيْمَارُ ڢٛتِّرْدٜ، ࢡٜنغِعِ رُولْدٜ طٛنْ سُدَّ ندُ، تٜدُّنغَلْ جَوْمِرَاوٛ وَنغِ؞ 8مُوسَى عٜ هَـٰرُونَ نجٜحِ، ندَرِ يٜىٰسٛ لَيْمَارُ ڢٛتِّرْدٜ؞ 9جَوْمِرَاوٛ وِعِ مُوسَى‏: 10«شٜنْدٜ بٜى عُمَّاتٛورٜ ندٜعٜ، حَا مِحَلْکَ ندٜ جٛنْتَ نِي‏!» ندٜنْ ࢡٜشُجِدِ؞ 11مُوسَى وِعِ هَـٰرُونَ‏: «حٛوعُ ڢٜحٛ عُورٛرْغٛ، وَطْ ࢨُلْࢡٜ يِيتٜ طٜ عَحٛوشِ حَا حِرْسِرْدٜ عٜ عُورْلٜ دٛوْ مَاغٛ؞ ندٜنْ يَاوْطَ، نَسْتُ شَکَ عُمَّاتٛورٜ، کٜࢡْنَ ندٜ يَاڢُيٜ نغَمْ تِکّٜرٜ جَوْمِرَاوٛ عُمَّکٜ، مَسِيبٛ بٛو ڢُطِّ‏!» 12هَـٰرُونَ وَطِ بَنَ نٛ مُوسَى وِعِمٛ؞ عٛدٛغِّ حَا شَکَ مٛوࢡْتٛرْدٜ؞ ندٜ عٛيِعِ مَسِيبٛ ڢُطِّ شَکَ يِمْࢡٜ، عٛوَطِ عُورْلٜ دٛوْ ࢨُلْࢡٜ يِيتٜ نغَمْ عٛحٜࢡَنَ جَمَعَارٜ يَاڢُيٜ؞ 13هَـٰرُونَ دَرِ حَکُّندٜ يٜىٰطْࢡٜ عٜ مَايْࢡٜ، ندٜنْ مَسِيبٛ بٛو جِنِّ؞ 14مَسِيبٛ مبَرِ يِمْࢡٜ عُجِنٜ سَݠّٛ عٜ نَيٛ عٜ تٜىٰمٜطّٜ نجٛوٜىٰطِطٛ (14,700)، مبَرَاࢡٜ دَلِيلَ تُورْتٛلْ کٛورَ لِمَاکَ؞ 15ندٜ مَسِيبٛ جِنِّ، هَـٰرُونَ لٛرْتِ حَا مُوسَى حَا دَمُّغَلْ لَيْمَارُ ڢٛتِّرْدٜ؞

سَوْرُ هَـٰرُونَ

16جَوْمِرَاوٛ وِعِ مُوسَى‏: 17«عُمْرُ إِسْرَاءِيلَعٜنْ نغَدَّ شَبِّ سَݠّٛ عٜ طِطِ، سَوْرُ وٛورُ نغَمْ کٛو مٛيْ عَرْدِيطٛ لٜࢩٛلْ ڢُو؞ وِنْدُ عِنْدٜ کٛو مٛيْ دٛوْ سَوْرُ مُمْ؞ 18ندٜنْ وِنْدُ عِنْدٜ هَـٰرُونَ دٛوْ سَوْرُ لٜࢩٛلْ لٜوِ، نغَمْ عَرْدِيطٛ لٜࢩٛلْ ڢُو مَرَ سَوْرُ وٛورُ؞ 19ندٜنْ وَلِّنْ شَبِّ مَنْ ندٜرْ لَيْمَارُ ڢٛتِّرْدٜ يٜىٰسٛ سُنْدُکْرُ سٜىٰدَمْکُ، نٛکُّورٜ ندٜ ݠٛتَّنْمِ بٜى مٛوطٛنْ؞ 20سَوْرُ غٛرْکٛ مٛ شُࢡْمِ، ڢِنَّنْ؞ بَنَ نٛنْ ندٜعِّتِرَنْمِ نغُرْنغُرْتٛلْ إِسْرَاءِيلَعٜنْ دٛوْ مٛوطٛنْ؞»

21مُوسَى يٜشِّ طُمْ إِسْرَاءِيلَعٜنْ؞ عَرْدِيࢡٜ لٜعِ مَࢡّٜ ڢُو ندٛکِّمٛ شَبِّ مُوطُمْعٜنْ، شَبِّ سَݠّٛ عٜ طِطِ؞ سَوْرُ هَـٰرُونَ طٛنْ حَا شَکَ شَࢡِّ مَࢡّٜ؞ 22مُوسَى وَلِّنِ طِ يٜىٰسٛ جَوْمِرَاوٛ ندٜرْ لَيْمَارُ سٜىٰدَمْکُ؞

23جَنغٛ مَنْ مُوسَى نَسْتِ لَيْمَارُ سٜىٰدَمْکُ؞ ندَا، سَوْرُ هَـٰرُونَ مٛ لٜࢩٛلْ لٜوِ وِلِتِ، وَطِ ݠِنْدِ، لَوْجَاجٜ#17‏:23 لَوْجَاجٜ طُمْ ࢡِࢡّٜ لَوْجَحِ؞ لَوْجَحِ، طُمْ لٜکِّ کِ ݠِنْدِ مُمْ عَارْتَنْ حَاکٛوجِ وَنغُغٛ؞ لَارْ يٜرٜمِيَ 1‏:11‏-12؞ بٛو ࢡٜنْدِ؞ 24مُوسَى حٛوشِتِ شَبِّ ڢُو دِغَ يٜىٰسٛ جَوْمِرَاوٛ، وُرْتِنِ طِ حَا إِسْرَاءِيلَعٜنْ؞ ࢡٜنغِعِ کٛ لَاتِ؞ ندٜنْ عَرْدِيطٛ ڢُو حٛوسِتِ سَوْرُ مُمْ؞ 25جَوْمِرَاوٛ وِعِ مُوسَى‏: «لٛرْنُ سَوْرُ هَـٰرُونَ يٜىٰسٛ سُنْدُکْرُ عَلْکَوَلْ؞ شِغٜ ندُ تٛنْ، ندُ لَاتَنٛ تُورْتَنْࢡٜ عَلَامَ؞ سٜيْ ࢡٜعَشَّ نغُرْنغُرْتُغٛ دٛوْ عَمْ، نغَمْ تَا ࢡٜمَايَ؞» 26مُوسَى وَطِ بَنَ کٛ جَوْمِرَاوٛ عُمْرُنٛ طُمْ؞

27إِسْرَاءِيلَعٜنْ مبِعِ مُوسَى‏: «ڢَکَتْ مِنْ مَايَنْ؞ مِنِنْ ڢُو مِنْ کَلْکَنْ‏! 28تٛ غٛطّٛ ࢡَدِتَکٜ جٛوطٛرْدٜ جَوْمِرَاوٛ، عٛمَايَنْ؞ تٛ نٛنْ کَمْ، مِنِنْ ڢُو مِنْ مَايْࢡٜ‏!»

Currently Selected:

لِمْلٜ 17: داَ

Highlight

Copy