لِمْلٜ 18

کٛ جَوْمِرَاوٛ حَلْڢِنِ لِمَنْعٜنْ عٜ لٜوِعٜنْ

1جَوْمِرَاوٛ وِعِ هَـٰرُونَ‏: «عَنْ عٜ ࢡِࢡّٜ مَ عٜ يِمْࢡٜ سَارٜ مَ ڢُو، عٛنْ ندٛونْدٛتٛ عَيْبٜىٰجِ بَطَاطِ دٛوْ نٛکُّورٜ سٜنِيندٜ؞ عٛنْ ندٛونْدٛتٛ بٛو عَيْبٜىٰجِ بَطَاطِ ندٜرْ کُوغَلْ لِمَنْکُ مٛنْ؞ 2وَدُّ بَنْدِرَاࢡٜ مَ لٜوِعٜنْ، لٜࢩٛلْ کَاکَ مَ، ࢡٜکُووْدَ بٜى مَاطَ، ࢡٜمبَلّٜ؞ عَنْ عٜ ࢡِࢡّٜ مَ بٛو عٛنْ کُووَنْ يٜىٰسٛ لَيْمَارُ سٜىٰدَمْکُ؞ 3ࢡٜکُووْدَنْ بٜى مَ ندٜرْ لَيْمَارُ؞ عَمَّا تَا ࢡٜࢡَدِتٛ کُوجٜ شٜنِيطٜ مَلَّ حِرْسِرْدٜ، نغَمْ تَا عٛنْ مَايْدَ عٛنْ ڢُو؞ 4ࢡٜمبَلّٜتٜ، ࢡٜکُووْدَنْ بٜى مَاطَ ندٜرْ لَيْمَارُ ڢٛتِّرْدٜ، عَمَّا تَا غٛطّٛ ڢٜىٰرٜ ࢡَدِتٛ عٛنْ؞ 5عٛنْ کُووَنْ حَا نٛکُّورٜ سٜنِيندٜ عٜ حِرْسِرْدٜ، نغَمْ تَا تِکّٜرٜ عَمْ عُکَّنٛ إِسْرَاءِيلَعٜنْ ڢَحِنْ؞ 6مِنْ مِسُࢡِ بَنْدِرَاࢡٜ مٛنْ لٜوِعٜنْ ندٜرْ إِسْرَاءِيلَعٜنْ ڢُو، ࢡٜلَاتَنٛ عٛنْ دٛکَّلْ، ࢡٜ سٜنَاࢡٜ نغَمْ عَمْ حَا ࢡٜکُووَ حَا لَيْمَارُ ڢٛتِّرْدٜ؞ 7عَمَّا عَنْ عٜ ࢡِࢡّٜ مَ، عٛنْ کُووَنْ کُوغَلْ لِمَنْکُ حَا حِرْسِرْدٜ عٜ حَا ࢡَاوٛ وِيرْندَلّٛ بٛو؞ مِحَلْڢِنِ عٛنْ کُوطٜ طٜعٜ؞ لِمَنْکُ وٛنِ دٛکَّلْ نغَلْ ندٛکُّمِ عٛنْ؞ تٛ غٛطّٛ ڢٜىٰرٜ ࢡَدِتَکٜ عٛنْ، عٛ مبَرٜتٜىٰطٛ؞»

غٜطَلْ لِمَنْعٜنْ

8جَوْمِرَاوٛ وِعِ هَـٰرُونَ‏: «ندَا، مِحَلْڢِنِ مَ دٛکّٜ کُوجٜ شٜنِيطٜ طٜ إِسْرَاءِيلَعٜنْ عِتَّنِ يَمْ ڢُو؞ طٜ لَاتٛ غٜطَلْ مَ عٜ غٜطَلْ دَࢩْغٛلْ مَ حَا ڢٛرٛيْ، تَبِتِنَاطُمْ بٜى ڢَرِلَّ ندُومِيکَ؞ 9ندَا کٛ لَاتَنْتٛ مَ ندٜرْ دٛکّٜ ࢡُرْطٜ سٜنَاغٛ، طٜ نغُلَتَاکٜ دٛوْ حِرْسِرْدٜ‏: دٛکّٜ ࢩَامْدُ عٜ کِرْسٜتٜىٰطِ نغَمْ عِتُّکِ حَکّٜىٰجِ عٜ کِرْسٜتٜىٰطِ نغَمْ جٛࢡْکِ عَيْبٜىٰجِ؞ کُوجٜ شٜنِيطٜ طٜ إِسْرَاءِيلَعٜنْ لِيعَنْتٛ يَمْ ڢُو، طٜ لَاتَنْتٛ مَ، عَنْ عٜ دَࢩْغٛلْ مَ؞ 10عَࢩَامَنْ کٛ لَاتَنِ مَ ندٜرْ کُوجٜ ࢡُرْطٜ سٜنَاغٛ؞ عَمَّا سٜيْ وٛرْࢡٜ تَنْ ࢩَامَتَ طٜ؞ طُمْ لَاتَنْتٛ عٛنْ حُوندٜ سٜنِيندٜ؞

11«بَنَ نٛنْ بٛو دٛکّٜ غٛطّٜ طٜ إِسْرَاءِيلَعٜنْ عِتَّنْتَمِّ مَلَّ لِيعَنْتٛ يَمْ ڢُو، طٜ لَاتَنْتٛ مَ، عَنْ عٜ ࢡِࢡّٜ مَ وٛرْࢡٜ عٜ رٜوْࢡٜ حَا ڢٛرٛيْ، تَبِتِنَاطُمْ بٜى ڢَرِلَّ ندُومِيکَ؞ کٛو مٛيْ ندٜرْ سَارٜ مَ، تٛ سٛࢡَايْ، ࢩَامَنْ طٜ؞

12‏-13«مِحٛکِّ مَ کُوجٜ ࢡُرْطٜ وٛوطُغٛ عٜ کُوجٜ نغٜسَ عَرَنٜ وَاتٛ نٜبَّمْ عٜ عِنَبٛوجَمْ عٜ عَلْکَمَارِ؞ طُمْ ڢُو طُمْ لَاتَنْتٛ مَ؞ کٛو مٛيْ ندٜرْ سَارٜ مَ، تٛ سٛࢡَايْ، ࢩَامَنْ طُمْ؞

14«کٛ إِسْرَاءِيلَعٜنْ لِيعَنْتٛ يَمْ حَا ڢٛرٛيْ ڢُو، طُمْ لَاتَنْتٛ مَ حَا ڢٛرٛيْ؞

15«تٛ غٛطّٛ لِيعَنَکٜ يَمْ ࢡِطّٛ مُمْ عَڢٛ مَلَّ عَڢِ دَبَّاجِ مُمْ، طُمْ لَاتَنْتٛ مَ بٛو؞ عَمَّا سٜيْ عَجَࢡَ شٛوتَّارِ نغَمْ ࢡِࢡّٜ عَڢْࢡٜ عٜ عَڢِ دَبَّاجِ کَرْمِنَاطِ ڢُو؞ 16عَشُّ يِمْࢡٜ شٛوتَّ ࢡِࢡّٜ مُوطُمْعٜنْ عَڢْࢡٜ ندٜرْ لٜوْرُ دَࢩٜىٰکِ مَࢡّٜ؞ سَمَنْ مَࢡّٜ وٛنِ شٜىٰدٜ شَرْدِ جٛوِ، ڢٛدّٜ عٜتِرْغَلْ سُودُ سٜنِيندُ، سُلٜيْجٜ تٜىٰمٜرّٜ ڢُو وَطَنْ بَاکِنْ کِلٛ غٛوتٜلْ؞ 17عَمَّا عَڢِ نَعِ عٜ بَالِ عٜ بٜعِ شٛوتَّتَاکٜ، طِ شٜنَاطِ نغَمْ عَمْ؞ سٜيْ عَرُڢَ ࢨِيࢨَمْ مَاجِ دٛوْ حِرْسِرْدٜ، عَوُلَ ࢡٜلّٜرٜ مَاجِ بٜى يِيتٜ حَا طُمْ لَاتَنٛ يَمْ عُورٜىٰنغٛلْ بٜلْنغٛلْ ݠٛتُّنغٛلْ؞ 18کُسٜلْ مَاجِ لَاتَنْتٛ مَ، وَاتٛ بِيوٛلْ ࢡَنغْتَانغٛلْ عٜ دَنغٛ ࢩَامٛ حَا کِرْسٜتٜىٰطِ بٛو؞

19«دٛکّٜ شٜنِيطٜ طٜ إِسْرَاءِيلَعٜنْ عِتَّنْتَمِّ ڢُو، مِحٛکِّ مَ طٜ، عَنْ عٜ ࢡِࢡّٜ مَ وٛرْࢡٜ عٜ رٜوْࢡٜ حَا ڢٛرٛيْ؞ طُمْ تَبِتِنَامَ بٜى ڢَرِلَّ ندُومِيکَ؞ کَنْجُمْ وٛنِ عَلْکَوَلْ دُومِينغَلْ نغَلْ کَࢡُّمِ بٜى مَاطَ عٜ دَࢩْغٛلْ مَ، نغَلْ تَبِتِنَامَ بٜى مَاطَ؞»

20جَوْمِرَاوٛ وِعِ هَـٰرُونَ‏: «عَحٜࢡَتَا مَرَلْ ندٛنْنغُ، عَمَرَتَا غٜطَلْ لٜسْدِ شَکَ إِسْرَاءِيلَعٜنْ بٛو؞ مِنْ وٛنِ مَرَلْ مَاطَ؞»

غٜطَلْ لٜوِعٜنْ

21جَوْمِرَاوٛ وِعِ‏: «مِحٛکِّ لٜوِعٜنْ زَکَّ کَ إِسْرَاءِيلَعٜنْ نغَدَّنْتَمِّ ڢُو؞ کَنْجُمْ وٛنِ نغٜىٰنَارِ نغَمْ کُوغَلْ مَࢡّٜ حَا لَيْمَارُ ڢٛتِّرْدٜ؞ 22تَا إِسْرَاءِيلَعٜنْ ࢡَدِتٛ لَيْمَارُ ڢَحِنْ نغَمْ تَا ࢡٜندٛونْدٛ عَيْبٜ، ࢡٜمَايَ؞ 23لٜوِعٜنْ تَنْ کُووَتَ حَا لَيْمَارُ ڢٛتِّرْدٜ؞ تٛ ࢡٜمبَطِ عَيْبٜ ندٜرْ کُوغَلْ مَࢡّٜ، سٜيْ ࢡٜندٛونْدٛ طُمْ؞ کَنْجُمْ وٛنِ ڢَرِلَّ ندُومِيکَ حَا غِدٜ مٛنْ ڢُو؞ لٜوِعٜنْ کٜࢡَتَا مَرَلْ ندٛنْنغُ شَکَ إِسْرَاءِيلَعٜنْ، 24نغَمْ مِمَرْنِ ࢡٜزَکَّ#18‏:24 زَکَّ طُمْ يٜࢡْرٜ وٛورٜ ندٜرْ سَݠّٛ کٛ غٛطّٛ حٛکَّتَ اَللَّه؞ کَ إِسْرَاءِيلَعٜنْ عِتَّنْتَمِّ؞ نغَمْ مَاجُمْ مبِعْمِ ࢡٜ ࢡٜ کٜࢡَتَا مَرَلْ ندٛنْنغُ ندٜرْ إِسْرَاءِيلَ؞»

زَکَّ

25جَوْمِرَاوٛ عُمْرِ مُوسَى، 26عٛوِعَ لٜوِعٜنْ نِعِ‏: «تٛ عٛنْ نجَࢡِ زَکَّ إِسْرَاءِيلَعٜنْ کَ جَوْمِرَاوٛ مَرْنِ عٛنْ، عِتَّنٜ مٛ زَکَّ دِغَ زَکَّ کَ کٜࢡْطٛنْ؞ 27عٛلِمَنَنْ عٛنْ طُمْ بَنَ دٛکَّلْ عَلْکَمَارِ عٜ عِنَبٛوجَمْ؞ 28بَنَ نٛنْ عٛنٛنْ بٛو عٛنْ لِيعَنْتٛ جَوْمِرَاوٛ دٛکَّلْ حَا زَکَّ کَ کٜࢡٛتٛنْ حَا إِسْرَاءِيلَعٜنْ؞ دٛکَّلْ مَنْ، ندٛکّٜ نغَلْ هَـٰرُونَ لِمَنْجٛ؞ 29حَا کٛ کٜࢡٛتٛنْ ڢُو، عِتَّنٜ جَوْمِرَاوٛ ࢡُرْطُمْ وٛوطُغٛ بَنَ دٛکَّلْ شٜنِينغَلْ؞ 30وِعْ ࢡٜ بٛو‏: تٛ عٛنْ عِتَّنِ جَوْمِرَاوٛ ࢡُرْطُمْ وٛوطُغٛ، طُمْ لَاتِ کَلْ-کَلْ بٜى عَلْکَمَارِ عٜ عِنَبٛوجَمْ؞ 31عٛنٛنْ عٜ يِمْࢡٜ شِعٜ#18‏:31 شِعٜ مَلَّ شَلَاجٜ؞ مٛنْ ࢩَامَ طُمْ کٛو تٛيْ ڢُو، طُمْ نغٜىٰنَارِ کُوغَلْ مٛنْ ندٜرْ لَيْمَارُ ڢٛتِّرْدٜ؞ 32عٛنْ مبَطَايْ عَيْبٜ تٛ عٛنْ عِتَّنِ جَوْمِرَاوٛ ࢡُرْطُمْ وٛوطُغٛ، عٛنْ شٛࢡْنَتَا دٛکّٜ إِسْرَاءِيلَعٜنْ شٜنِيطٜ، عٛنْ مَايَتَا بٛو؞»

Currently Selected:

لِمْلٜ 18: داَ

Highlight

Copy