لِمْلٜ 16
16
تُورْتٛلْ کٛورَ عٜ دَتَنْ عٜ عَبِرَمْ
1کٛورَ ࢡِي يِشٜحَرْ ࢡِي کٜحَتْ ࢡِي لٜوِ بٜى دَتَنْ عٜ عَبِرَمْ، ࢡِࢡّٜ عٜلِيَبُ عٜ عٛونْ ࢡِي ݠٜلٜتْ 2تُورْتَنِ مُوسَى، وٛرْࢡٜ تٜىٰمٜطّٜ طِطٛ عٜ شَݠَّنْطٜ نجٛوٛ، عَرْدِيࢡٜ إِسْرَاءِيلَ عٜوْنَاࢡٜ، مَنَاࢡٜ ندٜرْ عُمَّاتٛورٜ ڢُو کَوْتَنِ ࢡٜ؞ 3ࢡٜکَوْتِ دٛوْ مُوسَى عٜ هَـٰرُونَ، ࢡٜمبِعِ: «عٛنْ ࢨَࢡِّ کٜىٰرٛلْ بَاوْطٜ مٛنْ؞ يِمْࢡٜ عُمَّاتٛورٜ ڢُو ࢡٜ سٜنَاࢡٜ، جَوْمِرَاوٛ بٛو طٛنْ شَکَ مَࢡّٜ؞ کٛنِ ࢡُرْنٛتٛنْ کٛعٜ مٛنْ دٛوْ مٛوࢡْتٛرْدٜ جَوْمِرَاوٛ؟»
4ندٜ مُوسَى نَنِ طُمْ، عٛسُجِدِ؞ 5ندٜنْ عٛوِعِ کٛورَ عٜ تٛکِّيࢡٜ طُمْ ڢُو: «جَنغٛ ڢَجِرِ جَوْمِرَاوٛ عَنْدِنَنْ عٜنْ مٛيْ وٛنِ مٛ مُوطُمْ، مٛيْ لَاتِ شٜنَاطٛ؞ عٛࢡَدِنَنْ مٛ يٜىٰسٛ مَاکٛ، عٛࢡَدِنَنْ مٛ عٛسُࢡَتَ طُمْ يٜىٰسٛ مَاکٛ؞ 6عَنْ عٜ عُمَّاتٛورٜ مَ ڢُو، مبَطٜ طُعُمْ: کٛوعٜ ݠٜحٜ عُورٛرْطٜ؞ 7جَنغٛ ڢَجِرِ مبَاتٜ ࢨُلْࢡٜ يِيتٜ عٜ عُورْلٜ ندٜرْ مَاجٜ، نجَحْرٜ طُمْ يٜىٰسٛ جَوْمِرَاوٛ؞ ندٜنْ کَمْ عٜنْ نغِعَنْ مٛ جَوْمِرَاوٛ سُࢡَتَ، لَاتِيطٛ شٜنَاطٛ بٛو؞ عٛنٛنْ لٜوِعٜنْ عٛنْ ࢨَࢡَّکٜ کٜىٰرٛلْ بَاوْطٜ مٛوطٛنْ!»
8مُوسَى تٛکِّ وِعُغٛ کٛورَ: «نَنٜ، عٛنٛنْ لٜوِعٜنْ! 9اَللَّه إِسْرَاءِيلَ سُࢡِ عٛنْ شَکَ عُمَّاتٛورٜ مُوطُمْ ڢُو، ࢡَدِتِنِ عٛنْ بٜى مُوطُمْ، حَا عٛنْ نجَغَّنٛ مٛ حَا جٛوطٛرْدٜ مَاکٛ؞ عٛدَرْنِ عٛنْ يٜىٰسٛ إِسْرَاءِيلَعٜنْ حَا عٛنْ کُووَ يٜىٰسٛ مَࢡّٜ بٛو؞ طُمْ حٜعَايْ عٛنْ نَ؟ 10عٛࢡَدِتِنِ عٛنْ بٜى مَاکٛ، عَنْ بٜى بَنْدِرَاࢡٜ مَ لٜوِعٜنْ ڢُو؞ ندٜنْ نِي عٛنْ طٛنْ طَࢡَّ بٛو کُوغَلْ لِمَنْکُ! 11ڢَکَتْ، عَنْ بٜى مٛوࢡْرٜ مَ ڢُو، عٛنْ طٛنْ تُورْتَنَ جَوْمِرَاوٛ؞ هَـٰرُونَ عٛ مٛيْ حَا عٛنْ نغُرْنغُرْتَ دٛوْ مَاکٛ؟»
12ندٜنْ مُوسَى نٜلِ، عٜوْنِ دَتَنْ عٜ عَبِرَمْ، ࢡِࢡّٜ عٜلِيَبُ، عَمَّا ࢡٜمبِعِ: «مِنْ نغَرَتَا! 13عَوُرْتِنِ مِنْ دِغَ لٜسْدِ کٜىٰوْندِ کٛسَمْ عٜ نجُمْرِ، نغَمْ مبَرُغٛ مِنْ ندٜرْ لَدّٜ ندٜعٜ؞ طُمْ حٜعَايْ نَ؟ عَيِطِ بٛو لَامَنَاغٛ مِنْ نَ؟ 14کَيَّ! عَيَحْرَايْ مِنْ ندٜرْ لٜسْدِ کٜىٰوْندِ کٛسَمْ عٜ نجُمْرِ، عَمَرْنَايْ مِنْ غٜسٜ عٜ عِنَبٛوجٜ؞ عَيِطِ بِلْکِطِنغٛ مِنْ نَ؟ مِنْ نغَرَتَا!» 15مُوسَى تِکِّ مَسِنْ، وِعِ جَوْمِرَاوٛ: «تَا جَࢡْ دٛکّٜ مَࢡّٜ! مِجَࢡَايْ کٛو وَمْندٜ وٛورٜ حَا مَࢡّٜ؞ مِوَطَايْ کٛو غٛوتٛ مَࢡّٜ کَلُّطُمْ بٛو!»
16مُوسَى وِعِ کٛورَ: «عَنْ، مٛوࢡْرٜ مَ ڢُو عٜ هَـٰرُونَ، مبَنغٜ جَنغٛ يٜىٰسٛ جَوْمِرَاوٛ؞ 17کٛو مٛيْ مٛوطٛنْ حٛوعَ ڢٜحٛ عُورٛرْغٛ، وَطَ عُورْلٜ ندٜرْ مَاغٛ، يَحْرَ طُمْ يٜىٰسٛ جَوْمِرَاوٛ، وَاتٛ ݠٜحٜ تٜىٰمٜطّٜ طِطِ عٜ شَݠَّنْطٜ جٛوِ؞ عَنْ عٜ هَـٰرُونَ، عٛنٛنْ بٛو کٛوعٜ طٜ مٛوطٛنْ؞» 18ࢡٜمبَطِ بَنَ نٛنْ؞ کٛو مٛيْ حٛوعِ ڢٜحٛ مُمْ، وَطِ ࢨُلْࢡٜ يِيتٜ عٜ عُورْلٜ ندٜرْ مَاغٛ، دَرِ حَا نَسْتِرْدٜ لَيْمَارُ ڢٛتِّرْدٜ، حَوْتَادٜ بٜى مُوسَى عٜ هَـٰرُونَ؞ 19کٛورَ مٛوࢡْتِ جَمَعَارٜ ڢُو يٜىٰسٛ نَسْتِرْدٜ لَيْمَارُ ڢٛتِّرْدٜ؞
ندٜنْ تٜدُّنغَلْ جَوْمِرَاوٛ وَنغَنِ عُمَّاتٛورٜ ڢُو؞ 20جَوْمِرَاوٛ وِعِ مُوسَى عٜ هَـٰرُونَ: 21«ندَايٜ بٜى عُمَّاتٛورٜ ندٜعٜ، حَا مِحَلْکَ ندٜ جٛنْتَ نِي؞» 22عَمَّا مُوسَى عٜ هَـٰرُونَ شُجِدِ، مبِعِ: «يَا اَللَّه، عَنْ حٛکِّ مَرْطُمْ ࢡَنْدُ ڢُو يٛنغْکِ؞ تٛ غٛوتٛ وَطِ حَکّٜ، عَتِکَّنَنْ عُمَّاتٛورٜ ڢُو نَ؟» 23جَوْمِرَاوٛ جَابِ مُوسَى: 24«عُمْرُ يِمْࢡٜ ڢُو ندَايٛ نٛکُّورٜ حَا کٛورَ عٜ دَتَنْ عٜ عَبِرَمْ نجٛوطِ؞» 25مُوسَى عُمِّ، يَحْدِ بٜى ندٛتِّعٜنْ إِسْرَاءِيلَ حَا دَتَنْ عٜ عَبِرَمْ؞ 26ندٜنْ عٛوِعِ عُمَّاتٛورٜ: «ندَايٜ لَيْمَاجِ حَلُّࢡٜ ࢡٜعٜ، تَا مٜىٰمٜ کٛ ࢡٜمَرِ سَمْ، تٛ عٛنْ نغِطَا عٛنْ نَتِّدَ بٜى مَࢡّٜ دَلِيلَ حَکّٜىٰجِ مَࢡّٜ ڢُو!» 27يِمْࢡٜ ندَايِ نٛکُّورٜ حَا کٛورَ عٜ دَتَنْ عٜ عَبِرَمْ نجٛوطِ؞
دَتَنْ عٜ عَبِرَمْ نغُرْتِ، طٛنْ ندَرِ حَا دَمُّطٜ لَيْمَاجِ مُوطُمْعٜنْ، کَمْࢡٜ عٜ رٜوْࢡٜ مَࢡّٜ عٜ ࢡِکّٛيْ مَࢡّٜ عٜ تَانِرَاࢡٜ مَࢡّٜ؞ 28مُوسَى وِعِ يِمْࢡٜ: «ندَا بَنَ نِي عَنْدِرْتٛنْ جَوْمِرَاوٛ نٜلِ يَمْ حُووُغٛ کُوطٜ طٜعٜ ڢُو عٜ مِحُووَايْ طٜ بٜى عَنِّيَ عَمْ؞ 29تٛ وٛرْࢡٜ ࢡٜعٜ مَايِ بَنَ يِمْࢡٜ ڢُو مَايْرَتَ، تٛ بَلْطٜ مَࢡّٜ تِمِّ بَنَ بَلْطٜ يِمْࢡٜ ڢُو تِمِّرْتَ، ندٜنْ کَمْ نَا طُمْ جَوْمِرَاوٛ نٜلِ يَمْ؞ 30عَمَّا تٛ جَوْمِرَاوٛ وَطِ کٛ مٜىٰطَايْ لَاتَاغٛ، تٛ لٜسْدِ مَࢡِّتَکٜ، مٛطِ ࢡٜ، کَمْࢡٜ عٜ مَرَلْ مَࢡّٜ ڢُو، تٛ ࢡٜنجِݠَّکٜ حَا جٛوندٜ مَايْࢡٜ بٜى يٛنغْکِ، ندٜنْ کَمْ عٛنْ عَنْدَنْ ࢡٜنجَوِ جَوْمِرَاوٛ!»
31ندٜ مُوسَى تِمِّنِ وِعْغٛ طُمْ، لٜسْدِ سٜىٰکِ لٜسْ کٛسْطٜ دَتَنْ عٜ عَبِرَمْ، 32مَࢡِّتِ، مٛطِ ࢡٜ، کَمْࢡٜ عٜ شِعٜ مَࢡّٜ نٛنْ بٛو يِمْࢡٜ کٛورَ عٜ کٛ ࢡٜمَرِ ڢُو؞ 33ࢡٜنجِݠِّ بٜى يٛنغْکِ حَا جٛوندٜ مَايْࢡٜ، کَمْࢡٜ عٜ مَرَلْ مَࢡّٜ ڢُو؞ لٜسْدِ مَࢡِّ دٛوْ مَࢡّٜ، ࢡٜکَلْکِ شَکَ عُمَّاتٛورٜ#تٛوکْتَاکِ تَوْرٜىٰتَ 11:6؞؞ 34إِسْرَاءِيلَعٜنْ وٛنْࢡٜ کٛمْبِ مَࢡّٜ ڢُو نَنِ غٛوکَالِ مَࢡّٜ، ندٛغِّ، مبِعِ: «تَا لٜسْدِ مٛطَ عٜنْ، عٜنٜنْ بٛو!»
35يِيتٜ عِوِ حَا جَوْمِرَاوٛ، ࢩَامِ وٛرْࢡٜ تٜىٰمٜطّٜ طِطٛ عٜ شَݠَّنْطٜ نجٛوٛ، لِيعْنٛوࢡٜ عُورْلٜ غٛ؞
Currently Selected:
لِمْلٜ 16: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
