مِکَ 3

ڢٜلٛورٜ دٛوْ عَرْدِيࢡٜ إِسْرَاءِيلَ

1مِنْ مِکَ مِوِعِ‏: نَنٜ، عٛنٛنْ مَوْࢡٜ ندٜرْ يِمْࢡٜ يَعْقُوبُ، عٛنٛنْ عَلْکَالِعٜنْ إِسْرَاءِيلَ؞ نَا عَنْدُغٛ حَالَ کِيتَ نغٛونغْطُکَ وٛنِ کُوغَلْ مٛوطٛنْ نَ؟ 2عَمَّا عٛنْ طٛنْ نغَࢩَ کٛ وٛوطِ، عٛنْ نغِطِ کٛ حَلِّ؞ عٛنْ طٛنْ عِتَّ لَرَلْ عٜ کُسٜلْ دٛوْ عِعٜ يِمْࢡٜ عُمَّاتٛورٜ عَمْ؞ 3عٛنْ طٛنْ ࢩَامَ ࢡٜ، عٛنْ طٛنْ عِتَّ لَرٜ مَࢡّٜ، عٛنْ طٛنْ نغٜوَ عِعٜ مَࢡّٜ، عٛنْ طٛنْ نجٛعِّنَ ࢡٜتَࢨٜ تَࢨٜ بَنَ ࢩَانْشَاطُمْ ندٜرْ سِکَارٜ، بَنَ کُسٜلْ ندٜرْ ڢَيَنْدٜ؞ 4ندٜنْ عٛنْ تٛرٛتٛ جَوْمِرَاوٛ، عَمَّا عٛجَابَتَاکٛ عٛنْ؞ ࢩَلَادٜ مَنْ عٛسُوطَنْ عٛنْ يٜىٰسٛ مَاکٛ دَلِيلَ کُوطٜ مٛوطٛنْ کَلُّطٜ؞

5ندَا نِي جَوْمِرَاوٛ وِعِ دٛوْ اَلنَّبِعٜنْ مَجِّنْࢡٜ عُمَّاتٛورٜ مُوطُمْ‏: «تٛ عٛنْ نغٛودِ کٛ عٛنْ ࢨَکَّ، عٛنْ طٛنْ نغٛويْنَ‏: جَمْ سَلَامَنْ‏! عَمَّا مٛ حٛکَّايْ عٛنْ کٛ عٛنْ ࢨَکَّ، عٛنْ طٛنْ تَاسْکٛ حٛنُغٛ طُمْ؞ 6نغَمْ مَنْ جٜمَّ وَطَنْ، عٛنْ کٜࢡَتَا وَحَيُوجِ؞ ࢩِࢡْرٜ وَطَنْ، عٛنْ مبَطَتَا حَتِّ؞ نَانغٜ مُتَنْ، ࢩَلَوْمَ ࢩِࢡَّنْ دٛوْ اَلنَّبِعٜنْ ࢡٜعٜ؞ 7يِعٛوࢡٜ تٛسْکٛتٛ، وَطٛوࢡٜ حَتِّ شٜمْتَنْ؞ ࢡٜ ڢُو ࢡٜشُدَّنْ غٜىٰسٜ مَࢡّٜ، نغَمْ جَوْمِرَاوٛ جَابَتَاکٛ ࢡٜ؞» 8عَمَّا مِنْ، رُوحُ جَوْمِرَاوٛ حٜبِّنِ يَمْ بَاوْطٜ عٜ غٛونغَاکُ عٜ شُوسَلْ، حَا مِعَنْدِنَ يِمْࢡٜ يَعْقُوبُ تُورْتٛلْ مُوطُمْعٜنْ، مِعَنْدِنَ إِسْرَاءِيلَعٜنْ حَکّٜ مُوطُمْعٜنْ؞

9سٜيْ عٛنْ نَنَ، عٛنٛنْ مَوْࢡٜ ندٜرْ يِمْࢡٜ يَعْقُوبُ، عٛنٛنْ عَلْکَالِعٜنْ إِسْرَاءِيلَ‏! عٛنْ طٛنْ نغَࢩَ کِيتَ نغٛونغْطُکَ، عٛنْ طٛنْ لٜلْنَ کٛ لَاتِ دَرْنُطُمْ ڢُو؞ 10عٛنْ طٛنْ ࢩِࢡَ سِيٛنَ بٜى رُڢُغٛ ࢨِيࢨَمْ، عُرُسَلِيمَ بٛو بٜى سٛويْندٜ عَدِلَاکُ؞ 11حِيتٛوࢡٜ عُرُسَلِيمَ طٛنْ نجَࢡَ رُسِيَ ندٜرْ کِيتَ؞ لِمَنْعٜنْ طٛنْ نجَنغِنَ نغَمْ حٜࢡُغٛ نغٜىٰنَارِ؞ اَلنَّبِعٜنْ بٛو طٛنْ مبَطَ حَتِّ نغَمْ حٜࢡُغٛ شٜىٰدٜ؞ بٜى نٛنْ ڢُو، ࢡٜطٛنْ تُوغٛ دٛوْ جَوْمِرَاوٛ، ࢡٜطٛنْ مبِعَ‏: «نَا جَوْمِرَاوٛ طٛنْ شَکَ مٜىٰطٜنْ؟ سَرُّ حٜࢡَتَا عٜنْ‏!» 12نغَمْ مَاجُمْ، دَلِيلَ مٛوطٛنْ ࢡٜندٜمَنْ سِيٛنَ بَنَ نغٜسَ، عُرُسَلِيمَ لَاتٛتٛ بِلّٜ، حٛوسٜىٰرٜ حَا حَيْکَلِيرُ وٛنِ لَاتٛتٛ تٛوْندِيرٜ غُوࢡٜ#يٜرٜمِيَ 26‏:18؞؞

Currently Selected:

مِکَ 3: داَ

Highlight

Copy