مِکَ 4
4
لَامُ جَوْمِرَاوٛ دٛوْ دُنِيَارُ
(عٜسَايَ 2:1-4)
1حَا ࢩَلْطٜ رَغَرٜىٰجٜ، جَوْمِرَاوٛ تَبِتِنَنْ حٛوسٜىٰرٜ حَيْکَلِيرُ مُمْ، ندٜ تٛوْتَنْ دٛوْ غٜىٰرٜىٰجٜ کٛوسٜىٰجٜ، ندٜ ࢡَنغٛتٛ دٛوْ تٛوْندِيجٜ؞ ندٜنْ عُمَّاتٛوجٜ ڢُو تٛکّٛتٛ وَرْغٛ حَا مَارٜ؞ 2جَمَعَاجٜ طُوطّٜ نجَحَنْ تٛنْ، مبِعَنْ: «نغَرٜ، مبَعّٛوطٜنْ دٛوْ حٛوسٜىٰرٜ جَوْمِرَاوٛ، حَا حَيْکَلِيرُ اَللَّه يَعْقُوبُ، نغَمْ حَا عٛعٜکِّتِنَ عٜنْ لَابِ مَاکٛ، عٜنٜنْ بٛو عٜنْ تٛکّٛ طِ؞» نغَمْ حَا سِيٛنَ تَوْرٜىٰتَ عِوِ، وٛلْدٜ جَوْمِرَاوٛ بٛو حَا عُرُسَلِيمَ؞ 3عٛلَاتٛتٛ کِيتٛووٛ حَکُّندٜ جَمَعَاجٜ طُوطّٜ، عٛتَعَنَنْ عُمَّاتٛوجٜ شٜمْبِطّٜ دَايِيطٜ کِيتَ؞ کَاڢَاجٜ مَࢡّٜ، ࢡٜتَݠِّرَنْ بَانٜىٰجٜ، لَبّٜ مَࢡّٜ بٛو بَڢْطِ؞ عُمَّاتٛورٜ ࢡَنغْتَتَا کَاڢَحِ دٛوْ عُمَّاتٛورٜ وٛطْندٜ؞ ࢡٜمٜىٰتَتَا عٜکِّتَاغٛ حَࢡْرٜ#يٛوعٜلْ 4:10؞؞ 4کٛو مٛيْ جٛوطٛتٛ لٜسْ عِنَبٛحِ مُوطُمْ عٜ عِبِّ مُوطُمْ، وَلَا مٛ ࢡِلَّتَ طُمْ؞ طُمْ کٛنغٛلْ جَوْمِرَاوٛ حٛنٛوࢡٜ عَسَمَ#جٜکَرِيَ 3:10؞؞ 5عُمَّاتٛورٜ کٛو ندٜيٜ ڢُو طٛنْ تٛکّٛ طٛوَنْتٜىٰطٛ مُوطُمْ؞ عَمَّا عٜنٜنْ، عٜنْ تٛکّٛتٛ جَوْمِرَاوٛ اَللَّه مٜىٰطٜنْ حَا عَبَدَ عَبَدِنْ!
دِمْطِنٜىٰکِ إِسْرَاءِيلَ
6جَوْمِرَاوٛ وِعِ: «ࢩَنْدٜ مَنْ مِمٛوࢡْتَنْ وٛوسْࢡٜ ڢُو، مِحَوْتَنْ دَحَاࢡٜ#4:6 دَحَاࢡٜ يِطِ وِعْغٛ عٜغِّنَاࢡٜ بٜى دٛولٜ؞، کٛو ࢡٜيٜ ࢡٜ نجَرْنُمِ بٛنٜ؞ 7وٛوسْࢡٜ، مِلَاتِنَنْ ࢡٜ يِمْࢡٜ لُتُّࢡٜ، مِوَرْتِرَنْ سَنغْکِتِيࢡٜ عُمَّاتٛورٜ مَوْندٜ؞ مِنْ جَوْمِرَاوٛ مِلَامَنْتٛ ࢡٜ دٛوْ حٛوسٜىٰرٜ سِيٛنَ، دِغَ جٛنْتَ حَا ڢٛرٛيْ؞»
8عَنْ بٛو، تٛوْندِيرٜ عُرُسَلِيمَ، عَطٛنْ عَيْنَ عُمَّاتٛورٜ مَ بَنَ نٛ غَيْنَاکٛ عَيْنِرْتَ تٛکّٜ مُمْ دِغَ سُودُ تٛوْندُ، لَامُ نَانٜ وَرْتَنْتٜ؞ عَلَاتٛتٛ لَامٛرْدٜ إِسْرَاءِيلَ ڢَحِنْ؞ 9عَمَّا جٛنْتَ، کٛنِ مبَطٛتٛنْ غٛوکَالِ طِعِ؟ وَلَا لَامِيطٛ شَکَ مٛوطٛنْ نَ؟ شَرْوٛووٛ مٛنْ حَلْکِ حَا نَاوْرٜىٰنغَ نَنغِ عٛنْ بَنَ لُووٜ ࢡٜسْنَنْطٛ نَ؟ 10نجَنغِتٜ، عُومٜ بَنَ ࢡٜسْنَنْطٛ، عٛنٛنْ يِمْࢡٜ عُرُسَلِيمَ؞ نغَمْ جٛنْتَ عٛنْ نغُرْتٛتٛ بٜرْنِوٛلْ، عٛنْ نجٛوطٛتٛ حَا لَدّٜ، عٛنْ نجَحَنْ حَا بَابِلَ؞ حَا تٛنْ جَوْمِرَاوٛ تَمِّ حِسْنُغٛ عٛنْ عٜ رِمْطِنْغٛ عٛنْ عٜ جُوطٜ کٛنّٜعٜنْ مٛوطٛنْ؞
11ندٜنْ عُمَّاتٛوجٜ طُوطّٜ مٛوࢡٛتٛ دٛوْ مَاطَ، طٜ مبِعَنْ: «سٜيْ عُرُسَلِيمَ سٛࢡَ، غِتٜ مٜىٰطٜنْ شٜيٛرٛ نَتّٜرٜ سِيٛنَ!» 12عَمَّا ࢡٜعَنْدَا نُمٛوجِ جَوْمِرَاوٛ، ࢡٜݠَامَتَا مُويٛ مَاکٛ؞ نغَمْ کَنغْکٛ عٛمٛوࢡْتِ ࢡٜ بَنَ ࢨٛمْبٜ حَا لَارّٜ؞ 13جَوْمِرَاوٛ وِعِ: «عُمَّ، ڢِيْ، عَنْ عُمَّاتٛورٜ عُرُسَلِيمَ! مِحٛکّٜتٜ لُوٜ نجَمْندِ عٜ کٛلٛنغِ نجَمْندِ مبٛطٜىٰرِ، حَا عَنَمَ عُمَّاتٛوجٜ طُوطّٜ؞ سٜيْ عَلِيعَنٛ يَمْ کٜࢡَلْ مَاجٜ، عَحٛکَّ جَوْمُ دُنِيَارُ جَوْدِ مَاجٜ؞»
14عَمَّا جٛنْتَ، ࢨَرٜ ࢡَلِّ مٛنْ#4:14 ࢨَرٜ ࢡَلِّ مٛنْ مَلَّ مٛوࢡْتٜ مٛوࢡٜ کٛنُ مٛنْ؞، عٛنٛنْ يِمْࢡٜ عُرُسَلِيمَ؞ کٛنّٜعٜنْ کِݠَّکٜ عٜنْ، ࢡٜطٛنْ ݠِيَ دٛوْ غَلَنغَلْ عَرْدِيطٛ إِسْرَاءِيلَ بٜى سَوْرُ؞
Currently Selected:
مِکَ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
