غُرْتَاکِ 35
35
عُمْرٛوجٜ دٛوْ ࢩَلَادٜ سِوْتٛرْدٜ
1مُوسَى مٛوࢡْتِ يِمْࢡٜ جَمَعَارٜ إِسْرَاءِيلَ ڢُو، وِعِ ࢡٜ: «ندَا کٛ جَوْمِرَاوٛ عُمْرِ عٛنْ وَطُغٛ: 2ࢩَلْطٜ جٛوٜىٰغٛ غٛطّٛ حُووَتَ کُوغَلْ؞ عَمَّا ࢩَلَادٜ جٛوٜىٰطِطَوْرٜ لَاتَنٛ عٛنْ ࢩَلَادٜ سٜنِيندٜ، ࢩَنْدٜ سِوْتٛرْدٜ نغَمْ جَوْمِرَاوٛ؞ کٛو مٛيْ حُووِ کُوغَلْ ندٜرْ مَارٜ، عٛ مبَرٜتٜىٰطٛ؞ 3تَا کُࢡّٜ يِيتٜ ندٜرْ جٛولٜ مٛوطٛنْ ڢُو ࢩَنْدٜ سِوْتٛرْدٜ؞»
دٛکّٜ نغَمْ جٛوطٛرْدٜ جَوْمِرَاوٛ
4مُوسَى وٛلْوَنِ يِمْࢡٜ جَمَعَارٜ إِسْرَاءِيلَ ڢُو، عٛوِعِ: «ندَا کٛ جَوْمِرَاوٛ عُمْرِ: 5کٛوعٜ حَا مٛوطٛنْ دٛکَّلْ نغَمْ جَوْمِرَاوٛ؞ کٛو مٛيْ مَرْطٛ ࢡٜرْندٜ سَاحِيندٜ#غُرْتَاکِ 25:2؞ ڢُو وَدَّ دٛکَّلْ مَاجُمْ: کَنغّٜىٰرِ عٜ شَرْدِ عٜ نجَمْندِ مبٛطٜىٰرِ 6عٜ غَارَاجِ لٜنغْ طِغُّطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ عٜ غَاسَ بٜعِ 7عٜ لَرٜ جَوْطِ بَالِ بٛوجِنَاطٜ عٜ لَرٜ لِطِّ مَوْطِ عٜ لٜغَّلْ غَوَرَلْ، 8نٜبَّمْ نغَمْ جٛعِّنِرْطُمْ ݠِتِّرْلَاجِ عٜ عُورْلٜ نغَمْ نٜبَّمْ شٜنِرْطَمْ عٜ عُورٜتٜىٰطُمْ، 9نٛنْ بٛو کَاعٜ عٛنِکِسْ عٜ کَاعٜ تَکُّغٛ حَا طَنْشِکِيرٜ عٜ جِيبَ وِࢡّٜرٜ نغَمْ لِمَنْجٛ؞»
کُوجٜ جٛوطٛرْدٜ
10«حُووٛوࢡٜ وَاوْࢡٜ شَکَ مٛوطٛنْ ڢُو نغَرَ نغَمْ ࢡٜکُووَ کٛ جَوْمِرَاوٛ عُمْرِ ڢُو: 11جٛوطٛرْدٜ سٜنَاندٜ بٜى لَيْمَارُ مَارٜ عٜ سُدَّارٜ مَارٜ عٜ جٛکِّنِرْطٜ مَارٜ عٜ کَاتَاکٛوجٜ مَارٜ عٜ غَاڢٛتٛوطٜ مَارٜ عٜ دَنغْرَنغٜ مَارٜ بٜى کٛسْطٜ مَاجٜ، 12سُنْدُکْرُ بٜى شَبِّ مَارُ عٜ جٛوطٛرْدٜ نغَمْ کٜڢٜرْغَلْ عٜ وِيرْندَلّٛ، 13تَابَلْ بٜى شَبِّ مَاغَلْ عٜ کُوجٜ مَاغَلْ ڢُو عٜ تَمْسٜىٰجٜ جٛعِّنْتٜىٰطٜ، 14جٛعِّنِرْطُمْ ݠِتِّرْلَاجِ عٜ کُوجٜ مَاجُمْ عٜ ݠِتِّرْلَاجِ مَاجُمْ عٜ نٜبَّمْ نغَمْ جَيْنُکِ ݠِتِّرْلَ، 15غُلْدُطُمْ عُورْلٜ بٜى شَبِّ مَنْ عٜ نٜبَّمْ شٜنِرْطَمْ عٜ عُورٜتٜىٰطُمْ عٜ وِيرْندَلّٛ نغَمْ دَمُّغَلْ جٛوطٛرْدٜ سٜنَاندٜ، 16حِرْسِرْدٜ نغَمْ غُلٜتٜىٰطِ عٜ کُووَاطُمْ بٜى غَاڢِيطٜ طٜ جَمْطٜ بٛطٜىٰجٜ حَا مَارٜ عٜ شَبِّ مَارٜ عٜ کُوجٜ مَارٜ ڢُو عٜ دَارٛ بٜى جٛعِّنِرْطُمْ مَاغٛ، 17وِيرْندَلّٛوجِ دَلْدَلْ عٜ دَنغْرَنغٜ مَاغَلْ عٜ کٛسْطٜ مَاغَلْ عٜ وِيرْندَلّٛ حَا نَسْتِرْدٜ دَلْدَلْ، 18تِغِّرْطٜ جٛوطٛرْدٜ سٜنَاندٜ عٜ تِغِّرْطٜ دَلْدَلْ بٜى ࢡٛغِّ مَاجٜ، 19لِمْشٜ دٜوَلْ نغَمْ کُوغَلْ ندٜرْ سُودُ سٜنِيندُ، وَاتٛ لِمْشٜ شٜنِيطٜ نغَمْ هَـٰرُونَ، لِمَنْجٛ عٜ لِمْشٜ ࢡِکّٛيْ مُوطُمْ نغَمْ حُووُغٛ کُوغَلْ لِمَنْکُ؞»
دٛکّٜ غَدَّاطٜ
20جَمَعَارٜ إِسْرَاءِيلَ ڢُو دِلِّ، عَشِّ مُوسَى؞ 21کٛو مٛيْ مٛ ࢡٜرْندٜ مُوطُمْ عُمِّنِ طُمْ عٜ کٛو مٛيْ مٛ رُوحُ مُوطُمْ سَاحِنِ طُمْ، وَرِ، وَدَّنِ جَوْمِرَاوٛ دٛکَّلْ نغَمْ وَطُغٛ لَيْمَارُ ڢٛتِّرْدٜ عٜ کُوغَلْ ندٜرْ مَارُ ڢُو، نٛنْ بٛو نغَمْ لِمْشٜ شٜنِيطٜ؞ 22وٛرْࢡٜ عٜ رٜوْࢡٜ نغَرِ، کٛو مٛيْ مَرْطٛ ࢡٜرْندٜ سَاحِيندٜ وَدِّ کَلَغَاجٜ کِنٜ عٜ کَلَغَاجٜ کٛولِ عٜ يٜرِحٛنْ عٜ کُوجٜ کَنغّٜىٰرِ ڢٜىٰرٜ ڢٜىٰرٜ؞ کٛو مٛيْ وَدِّ دٛکَّلْ کَنغّٜىٰرِ، لِيعِ نغَلْ يٜىٰسٛ جَوْمِرَاوٛ؞ 23کٛو مٛيْ مَرْطٛ غَارَاجِ لٜنغْ طِغُّطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ عٜ غَاسَ بٜعِ عٜ لَرٜ جَوْطِ بَالِ بٛوجِنَاطٜ عٜ لَرٜ لِطِّ مَوْطِ، وَدِّ طُمْ؞ 24کٛو مٛيْ حٛوعِ شَرْدِ مَلَّ نجَمْندِ مبٛطٜىٰرِ، وَدَّنِ جَوْمِرَاوٛ دٛکَّلْ مَنْ؞ کٛو مٛيْ مَرْطٛ لٜغَّلْ غَوَرَلْ نغَمْ کُوطٜ ڢٜىٰرٜ ڢٜىٰرٜ، وَدِّ نغَلْ؞ 25رٜوْࢡٜ مٛتّٛوࢡٜ وَاوْࢡٜ ڢُو مٛتِّ بٜى جُوطٜ مُوطُمْعٜنْ، ࢡٜنغَدِّ مٛتَّاطُمْ: غَارَاجِ لٜنغْ طِغُّطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ 26رٜوْࢡٜ وَاوْࢡٜ ڢُو ࢡٜ ࢡٜرْطٜ مُوطُمْعٜنْ عُمِّنِ، مٛتِّ غَاسَ بٜعِ؞ 27عَرْدِيࢡٜ نغَدِّ کَاعٜ عٛنِکِسْ عٜ کَاعٜ تَکُّغٛ حَا طَنْشِکِيرٜ عٜ جِيبَ وِࢡّٜرٜ 28عٜ عُورْلٜ نغَمْ نٜبَّمْ ݠِتِّرْلَ عٜ نغَمْ نٜبَّمْ شٜنِرْطَمْ عٜ عُورٜتٜىٰطُمْ؞ 29إِسْرَاءِيلَعٜنْ، وٛرْࢡٜ عٜ رٜوْࢡٜ مَرْࢡٜ ࢡٜرْطٜ شَاحِيطٜ ڢُو نغَدَّنِ جَوْمِرَاوٛ دٛکَّلْ شَاحِينغَلْ نغَمْ وَطُغٛ کٛ جَوْمِرَاوٛ عُمْرِ ࢡٜ بٜى حُنْدُکٛ مُوسَى ڢُو؞
عٜوْنٜىٰکِ بٜشَلٜىٰلْ عٜ عٛحٛلِيَبُ
30مُوسَى وِعِ إِسْرَاءِيلَعٜنْ: «عَنْدٜ، جَوْمِرَاوٛ سُࢡِ بٜشَلٜىٰلْ ࢡِي عُورِ تَانِرَاوٛ حُورُ مٛ لٜࢩٛلْ يَحُودَ؞ 31عٛحٜبِّنِمٛ رُوحُ مَاکٛ عٜ حِکْمَ عٜ ڢَامُ عٜ عَنْدَلْ کُوغَلْ کٛو نغَلٜ ڢُو، 32حَا عٛسُورْطِنَ کُوجٜ، عٛحُووَ کُوطٜ کَنغّٜىٰرِ عٜ شَرْدِ عٜ نجَمْندِ مبٛطٜىٰرِ، 33عٛوِنْدَ دٛوْ کَاعٜ نغَمْ تَکُّغٛ، عٛسٜحَ لٜطّٜ، عٛتِمِّنَ کُوطٜ کٛو طٜيٜ ڢُو بٜى بَاوَلْ؞ 34کَنغْکٛ عٜ عٛحٛلِيَبُ ࢡِي عَحِسَمَکْ مٛ لٜࢩٛلْ دَنْ، جَوْمِرَاوٛ حٛکِّ ࢡٜ عَنْدَلْ نغَمْ ࢡٜعٜکِّتِنَ وٛطْࢡٜ؞ 35عٛحٛکِّ ࢡٜ عَنْدَلْ طُوطْنغَلْ، نغَمْ ࢡٜکُووَ کُوغَلْ کٛو نغَلٜ، وَاتٛ کُوغَلْ شٜحٛووٛ عٜ تُݠِّتٛووٛ عٜ شَنْࢩٛووٛ عٜ ࢩٛوتٛووٛ لِمْشٜ لٜنغْ طِغُّطٜ شَرْوِنَاطٜ عٜ بٛطٜىٰجٜ سٜطَّ عٜ بٛطٜىٰجٜ شٛيْ؞ ࢡٜمبَاوَنْ حُووُغٛ عٜ سُورْطِنغٛ کُوطٜ طٜعٜ ڢُو»؞
Currently Selected:
غُرْتَاکِ 35: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
