غُرْتَاکِ 36

1«بٜشَلٜىٰلْ عٜ عٛحٛلِيَبُ عٜ وٛرْࢡٜ وَاوْࢡٜ ڢُو ࢡٜ جَوْمِرَاوٛ وَطِ عَنْدَلْ ندٜرْ ࢡٜرْطٜ مُوطُمْعٜنْ، ݠُطِّ وَطُغٛ کٛو طُمٜ ندٜرْ سُودُ سٜنِيندُ ڢُو بَنَ جَوْمِرَاوٛ عُمْرِ طُمْ؞»

مُوسَى حَطِ يِمْࢡٜ وَدُّغٛ دٛکّٜ

2مُوسَى عٜوْنِ بٜشَلٜىٰلْ عٜ عٛحٛلِيَبُ عٜ وٛرْࢡٜ وَاوْࢡٜ ڢُو، ࢡٜ جَوْمِرَاوٛ وَطِ عَنْدَلْ ندٜرْ ࢡٜرْطٜ مُوطُمْعٜنْ، کٛو مٛيْ مٛ ࢡٜرْندٜ مُوطُمْ عُمِّنِ طُمْ عٛيَحَ حَا کُوغَلْ، عٛحُووَ نغَلْ؞ 3ࢡٜکٜࢡِ حَا مُوسَى دٛکَّلْ نغَلْ إِسْرَاءِيلَعٜنْ نغَدِّ نغَمْ حُووُغٛ کُوغَلْ سُودُ سٜنِيندُ؞ ڢَجِرِ ڢُو يِمْࢡٜ نغَدَّنِ مُوسَى دٛکّٜ شَاحِيطٜ؞ 4وٛرْࢡٜ وَاوْࢡٜ ڢُو، حُووٛوࢡٜ کُوطٜ سُودُ سٜنِيندُ ڢٜىٰرٜ ڢٜىٰرٜ، عَشِّ کُوطٜ مُوطُمْعٜنْ، نغَرِ، 5مبِعِ مُوسَى‏: «يِمْࢡٜ طٛنْ نغَدَّ طُوطُّمْ، کٛ ࢡُرِ حَاجٜ حَا تِمِّنْغٛ کُوغَلْ نغَلْ جَوْمِرَاوٛ عُمْرِ حُووُغٛ؞» 6مُوسَى عُمْرِ ࢡٜمبَطَ وٛويْنَاندُ بَنَ نِي ندٜرْ سَنغٜىٰرٜ ڢُو‏: «تَا غٛرْکٛ مَلَّ دٜبّٛ ࢡٜسْدَ وَدُّغٛ دٛکَّلْ نغَمْ کُوغَلْ سُودُ سٜنِيندُ‏!» بَنَ نٛنْ ࢡٜکَطِرِ يِمْࢡٜ، تَا ࢡٜتٛکّٛ وَدُّغٛ کُوجٜ؞ 7کُوجٜ کٜعِ نغَمْ کُوغَلْ نغَلْ ࢡٜکُووَتَ ڢُو، حَا طُمْ لُتِّ بٛو؞

بَطْکِ جٛوطٛرْدٜ سٜنَاندٜ

8وَاوْࢡٜ حُووُغٛ شَکَ حُووٛوࢡٜ مبَطِ جٛوطٛرْدٜ سٜنَاندٜ بٜى غٛدٛوجٜ سَݠّٛ طٜ غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، بٜى سُورَاجِ کٜرُبَعٜنْ طِ تُݠِّتٛووٛ بَاوْطٛ تُݠِّتِ؞ 9نجُوتِرْکَ غٛدٛورٜ وَطِ مٜىٰتِرْ سَݠّٛ عٜ نَيِ، نجَاجِرْکَ مَارٜ بٛو مٜىٰتِرْ طِطِ، غٛدٛوجٜ ڢُو ݠٛتِ کَلْ-کَلْ؞ 10بٜشَلٜىٰلْ جٛکِّنْدِرِ غٛدٛوجٜ جٛوِ، عٛࢩٛوتِ طٜ؞ نٛنْ بٛو غٛدٛوجٜ جٛوِ غٛطّٜ؞ 11عٛوَطِ ݠٜطِنِرْطٜ ࢡٛغِّ شَرْوِنَاطِ حَا سٜرَ غٛدٛورٜ رَغَرٜىٰرٜ حَا جٛکِّنْدِرَاطُمْ غٛوتُمْ؞ نٛنْ بٛو حَا سٜرَ غٛدٛورٜ عَرَنْدٜىٰرٜ حَا جٛکِّنْدِرَاطُمْ ڢٜىٰرٜ؞ 12عٛوَطِ ݠٜطِنِرْطٜ شَݠَّنْطٜ جٛوِ حَا غٛدٛورٜ وٛورٜ، عٛوَطِ بٛو ݠٜطِنِرْطٜ شَݠَّنْطٜ جٛوِ حَا سٜرَ غٛدٛورٜ وٛنْدٜ حَا جٛکِّنْدِرَاطُمْ طِطَࢡُمْ؞ ݠٜطِنِرْطٜ مَاجُمْ تِيتٛتِرِ؞ 13عٛوَطِ جٛکِّنِرْطٜ طٜ کَنغّٜىٰرِ شَݠَّنْطٜ جٛوِ؞ عٛحَوْرِتِ جٛکِّندِرَاطٜ بٜى مَاجٜ، حَا جٛوطٛرْدٜ سٜنَاندٜ ڢُو لَاتِ وٛورٜ؞

14ندٜنْ عٛوَطِ غٛدٛوجٜ غَاسَ بٜعِ نغَمْ لَيْمَارُ دٛوْ جٛوطٛرْدٜ سٜنَاندٜ، غٛدٛوجٜ سَݠّٛ عٜ غٛعٛ عٛوَطِ؞ 15نجُوتِرْکَ غٛدٛورٜ وَطِ مٜىٰتِرْ سَݠّٛ عٜ جٛوِ، نجَاجِرْکَ مَارٜ بٛو مٜىٰتِرْ طِطِ، غٛدٛوجٜ سَݠّٛ عٜ غٛعٛ ڢُو ݠٛتِ کَلْ-کَلْ؞ 16عٛجٛکِّنْدِرِ غٛدٛوجٜ جٛوِ، عٛࢩٛوتِ طٜ، نٛنْ بٛو غٛدٛوجٜ جٛوٜىٰغٛ غٛطّٜ؞ 17عٛوَطِ ݠٜطِنِرْطٜ شَݠَّنْطٜ جٛوِ حَا سٜرَ غٛدٛورٜ رَغَرٜىٰرٜ حَا جٛکِّنْدِرَاطُمْ غٛوتُمْ؞ عٛوَطِ بٛو ݠٜطِنِرْطٜ شَݠَّنْطٜ جٛوِ حَا سٜرَ جٛکِّنْدِرَاطُمْ طِطَࢡُمْ؞ 18عٛوَطِ جٛکِّنِرْطٜ طٜ نجَمْندِ مبٛطٜىٰرِ شَݠَّنْطٜ جٛوِ نغَمْ حَوْتُغٛ لَيْمَارُ، ندُ لَاتٛ وٛورُ؞ 19عٛوَطَنِ لَيْمَارُ سُدَّارٜ بٜى لَرٜ جَوْطِ بَالِ بٛطٜىٰجٜ، دٛوْ مَارٜ بٛو سُدَّارٜ ڢٜىٰرٜ بٜى لَرٜ لِطِّ مَوْطِ؞

20عٛوَطِ کَاتَاکٛوجٜ دَرٛتٛوطٜ نغَمْ جٛوطٛرْدٜ سٜنَاندٜ طٜ لٜطّٜ غَبْدٜ؞ 21نجُوتِرْکَ کَاتَاکٛوَلْ وَطِ مٜىٰتِرْ جٛوِ، نجَاجِرْکَ مَاغَلْ بٛو مٜىٰتِرْ غٛوتٜلْ رٜىٰتِتَ وَلَا؞ 22جٛغٛرْطٜ طِطِ ݠٛتَنْطٜ حَا کَاتَاکٛوَلْ ڢُو نغَمْ جٛغٛتِرْغٛ، بَنَ نٛنْ عٛوَطِ حَا کَاتَاکٛوجٜ جٛوطٛرْدٜ سٜنَاندٜ ڢُو؞ 23عٛوَطِ کَاتَاکٛوجٜ نغَمْ جٛوطٛرْدٜ سٜنَاندٜ‏: نٛوغَسْ حَا وُتُّدُ ڢٛمْبِنَ 24عٜ کٛسْطٜ شَݠَّنْطٜ نَيِ طٜ شَرْدِ لٜسْ کَاتَاکٛوجٜ مَنْ، کٛسْطٜ طِطِ لٜسْ کَاتَاکٛوَلْ غٛوتَلْ حَا جٛغٛرْطٜ مَاغَلْ؞ 25عٛوَطِ بٛو کَاتَاکٛوجٜ نٛوغَسْ حَا وُتُّدُ جٛوطٛرْدٜ سٜنَاندٜ وٛطْندُ، وَاتٛ وُتُّدُ وٛيْلَ، 26بٜى کٛسْطٜ مَاجٜ شَݠَّنْطٜ نَيِ طٜ شَرْدِ، کٛسْطٜ طِطِ لٜسْ کَاتَاکٛوَلْ غٛوتَلْ؞ 27عٛوَطِ کَاتَاکٛوجٜ جٛوٜىٰغٛ نغَمْ وُتُّدُ ࢡَاوٛ جٛوطٛرْدٜ سٜنَاندٜ، وُتُّدُ حِيرْنَانغٜ؞ 28عٛوَطِ کَاتَاکٛوجٜ طِطِ نغَمْ شٛࢡُّلِ جٛوطٛرْدٜ سٜنَاندٜ، وُتُّدُ ࢡَاوٛ؞ 29جٛغٛرْطٜ طِطِ حَا لٜسْ، نٛنْ بٛو جٛغٛرْطٜ طِطِ حَا دٛوْ بَنغٜ حَلَغَارٜ؞ بَنَ نٛنْ عٛوَطِ کَاتَاکٛوجٜ شٛࢡُّلِ طِطِ ڢُو؞ 30وٛودِ کَاتَاکٛوجٜ جٛوٜىٰتَتِ بٜى کٛسْطٜ مَاجٜ طٜ شَرْدِ، کٛسْطٜ سَݠّٛ عٜ جٛوٜىٰغٛ، کٛسْطٜ طِطِ لٜسْ کَاتَاکٛوَلْ ڢُو؞

31عٛوَطِ لٜطّٜ غَاڢٛتٛوطٜ بٜى لٜطّٜ غَوَرٜ، جٛوِ نغَمْ کَاتَاکٛوجٜ وُتُّدُ جٛوطٛرْدٜ سٜنَاندٜ وٛورُ 32عٜ غَاڢٛتٛوطٜ جٛوِ نغَمْ کَاتَاکٛوجٜ وُتُّدُ جٛوطٛرْدٜ سٜنَاندٜ ندُيَ، ڢَحِنْ غَاڢٛتٛوطٜ جٛوِ نغَمْ کَاتَاکٛوجٜ وُتُّدُ ࢡَاوٛ جٛوطٛرْدٜ سٜنَاندٜ، وَاتٛ وُتُّدُ حِيرْنَانغٜ؞ 33عٛوَطِ غَاڢٛتٛونغَلْ شَکَاوَلْ دٛوْ کَاتَاکٛوجٜ، نغَلْ غٛوتَلْ دِغَ سٛࢡُّندُ ندُعُ حَا سٛࢡُّندُ ندُيَ؞ 34عٛسُدِّ کَاتَاکٛوجٜ بٜى کَنغّٜىٰرِ؞ عٛوَطِ کَلَغَاجٜ کَنغّٜىٰرِ نغَمْ جٛغَاغٛ غَاڢٛتٛوطٜ، عٛسُدِّ غَاڢٛتٛوطٜ بٛو بٜى کَنغّٜىٰرِ؞

35عٛوَطِ وِيرْندَلّٛ بٜى غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ؞ تُݠِّتٛووٛ بَاوْطٛ تُݠِّتِ نغٛ بٜى سُورَاجِ کٜرُبَعٜنْ؞ 36عٛوَطَنِ نغٛ دَنغْرَنغٜ نَيِ طٜ لٜطّٜ غَبْدٜ؞ عٛسُدِّ طٜ بٜى کَنغّٜىٰرِ؞ ࢡِلْدُطٜ مَاجٜ بٛو طٜ کَنغّٜىٰرِ؞ عٛࢡٛلْوِنِ نغَمْ مَاجٜ کٛسْطٜ نَيِ طٜ شَرْدِ؞ 37عٛوَطِ وِيرْندَلّٛ نغَمْ دَمُّغَلْ لَيْمَارُ بٜى غَارَاجِ لٜنغْ طِغُّطِ بَالَاطِ عٜ شَرْوِنَاطِ عٜ بٛطٜىٰجِ سٜطَّ عٜ بٛطٜىٰجِ شٛيْ، طُمْ تُݠِّتَاطُمْ؞ 38عٛوَطِ دَنغْرَنغٜ مَاغٛ جٛوِ عٜ ࢡِلْدُطٜ مَاجٜ عٜ غَاڢٜ مَاجٜ بٜى کَنغّٜىٰرِ؞ کٛسْطٜ مَاجٜ جٛوِ طٜ نجَمْندِ مبٛطٜىٰرِ؞

Currently Selected:

غُرْتَاکِ 36: داَ

Highlight

Copy