غُرْتَاکِ 34

عَلُّحَاجٜ کَاعٜ طِطَࢡٜ

1جَوْمِرَاوٛ وِعِ مُوسَى‏: «سٜحُ عَلُّحَاجٜ کَاعٜ طِطِ بَنَ عَرَنْدٜىٰجٜ غٛ؞ مِوِنْدَنْ دٛوْ مَاجٜ بٛلّٜ غٛنّٛوطٜ دٛوْ عَرَنْدٜىٰجٜ طٜ ݠُسْطَ؞ 2تَاسْکَنَ جَنغٛ ڢَجِرِ؞ ندٜنْ ڢَجِرِ عَوَعَّ دٛوْ حٛوسٜىٰرٜ سِنَ، دَرَ تٛنْ يٜىٰسٛ عَمْ حَا يٜىٰرٜىٰرٜ حٛوسٜىٰرٜ؞ 3تَا غٛطّٛ وَعّٛدَ بٜى مَ، تَا کٛو غٛوتٛ يِعٜ دٛوْ حٛوسٜىٰرٜ ڢُو؞ کٛو دَمّٛوجِ عٜ نَعِ بٛو، تَا طِ ندُرَ لٜسْ حٛوسٜىٰرٜ ندٜعٜ؞» 4مُوسَى سٜحِ عَلُّحَاجٜ کَاعٜ طِطِ بَنَ عَرَنْدٜىٰجٜ؞ جَنغٛ مَاجُمْ عٛدَوِ شُبْ، عٛوَعِّ دٛوْ حٛوسٜىٰرٜ سِنَ بَنَ جَوْمِرَاوٛ عُمْرِمٛ؞ عٛحٛوعِ عَلُّحَاجٜ کَاعٜ طِطِ غٛ حَا جُنغٛ؞

5جَوْمِرَاوٛ جِݠِّ ندٜرْ رُولْدٜ، دَرِ کٛمْبِ مَاکٛ؞ عٛعٜوْنِ عِنْدٜ جَوْمِرَاوٛ؞ 6جَوْمِرَاوٛ سَالِ يٜىٰسٛ مَاکٛ، عٛطٛنْ وٛويْنَ‏: «جَوْمِرَاوٛ، جَوْمِرَاوٛ، اَللَّه مَرْطٛ عٜنْطَمْ عٜ حِنُّيٜ، مٛ تِکَّتَا لَوْ، مٛ مبٛوطٜىٰنغَ عٜ غٛونغَاکُ مُمْ طُوطِ؞ 7مِتٛکّٛتٛ وَنغِنْغٛ مبٛوطٜىٰنغَ عَمْ حَا يٛتّٛ غِدٜ عُجِنٜىٰرٜ؞ مِيَاڢٛتٛ عَيْبٜ عٜ تُورْتٛلْ عٜ حَکّٜ؞ عَمَّا مِلَارَتَا عَيْبُطٛ بَنَ لَاࢡْطٛ سَمْ؞ مِحِيتٛتٛ عَيْبٜ بَابِرَاࢡٜ حَا ࢡِࢡّٜ عٜ تَانِرَاࢡٜ حَا يِدٜرٜ تَتَࢡْرٜ عٜ نَيَࢡْرٜ؞#غُرْتَاکِ 20‏:5‏-6؛ لِمْلٜ 14‏:18؛ تٛوکْتَاکِ تَوْرٜىٰتَ 5‏:9‏-10؛ 7‏:9‏-10؞» 8لَوْ مُوسَى تُرِ حَا لٜسْدِ، عٛسُجِدِ؞ 9عٛوِعِ‏: «يَا جَوْمِرَاوٛ، تٛ عَيٜرْدَکٜ يَمْ، يَحْ شَکَ عَمِنْ، کٛو ندٜ يِمْࢡٜ عُمَّاتٛورٜ ندٜعٜ ࢡٜسَاتَ-کٛعٜعٜنْ؞ يَاڢَ عَيْبٜىٰجِ عَمِنْ عٜ حَکّٜىٰجِ عَمِنْ؞ جَࢡْ مِنْ، مِنْ لَاتٛ مَرَلْ مَ‏!»

کٜسْطِتِنْکِ عَلْکَوَلْ

10جَوْمِرَاوٛ وِعِ‏: «ندَا، مِحَࢡَّنْ عَلْکَوَلْ بٜى مٛوطٛنْ؞ مِوَطَنْ يٜىٰسٛ عُمَّاتٛورٜ مَ ڢُو کَايٜىٰڢِيجِ طِ مٜىٰطَايْ وَطٜىٰغٛ ندٜرْ دُنِيَارُ عٜ شَکَ عُمَّاتٛوجٜ ڢُو؞ عُمَّاتٛورٜ ندٜ نغٛنْطَ شَکَ مَارٜ يِعَنْ کُوغَلْ نغَلْ کُووَنْمِ بٜى مَ يٜىٰسٛ مَارٜ، نغَلْ کُلْنِينغَلْ؞ 11طٛوْتَنٜ کٛ عُمْرَنْ مِ عٛنْ حَنْدٜ؞ ندَا، مِرِيوَنْ عَمٛورِعٜنْ عٜ کَنَانِعٜنْ عٜ حٜتِعٜنْ عٜ ݠٜرٜزِّعٜنْ عٜ حٜوِعٜنْ عٜ يٜبُسِعٜنْ يٜىٰسٛ مَ؞ 12ندٜىٰنْتٜ، تَا کَࢡّٜ عَلْکَوَلْ بٜى جٛوطِيࢡٜ حَا لٜسْدِ ندِ عٛنْ نَسْتَتَ، نغَمْ تَا ࢡٜلَاتَنٛ عٛنْ تُوڢٛرْغٛلْ؞ 13عَمَّا نغِبِّنٜ کِرْسِرْطٜ مَࢡّٜ، ݠُسٜ کَاعٜ شِڢْتِنٛرْطٜ مَࢡّٜ عٜ ݠٜعّٜ دَنغْرَنغٜ لَبِّ عَسٜرَاجِ مَࢡّٜ#تٛوکْتَاکِ تَوْرٜىٰتَ 16‏:21؞؞

14«تَا شُجِدَنٜ طٛوَنْتٜىٰطٛ ڢٜىٰرٜ، نغَمْ جَوْمِرَاوٛ مٛ عِنْدٜ مُوطُمْ کَاجُطٛ، عٛ اَللَّه مٛ يِطَا عٛنْ تٛکّٛ طٛوَنْتٜىٰطٛ ڢٜىٰرٜ سَمْ؞ 15ندٜىٰنْتٜ، تَا کَࢡّٜ عَلْکَوَلْ بٜى جٛوطِيࢡٜ حَا لٜسْدِ ندِعِ؞ نغَمْ تٛ ࢡٜطٛنْ طَکّٛتِرَ بٜى لَبِّ مَࢡّٜ، ࢡٜطٛنْ لِيعَنٛ طِ کِرْسٜتٜىٰطِ، ࢡٜعٜوْنَنْ عٛنْ عٛنْ ࢩَامَنْ کِرْسَاطُمْ مَࢡّٜ؞ 16تٛ عٛنْ تٜعَنِ ࢡِࢡّٜ مٛوطٛنْ وٛرْࢡٜ ࢡِࢡّٜ مَࢡّٜ رٜوْࢡٜ، رٜوْࢡٜ ࢡٜعٜ عٜسْتَنْ ࢡِࢡّٜ مٛوطٛنْ وٛرْࢡٜ حَا ࢡٜزَمْبٛ يَمْ بٜى طَکّٛتِرْغٛ بٜى لَبِّ طِ رٜوْࢡٜ ࢡٜعٜ ندٜوَتَ؞

17«تَا مبَطَنٜ کٛعٜ مٛنْ لَبِّ ࢡٛلِنَاطِ#غُرْتَاکِ 20‏:4؛ لِمْلٜ 19‏:4؛ تٛوکْتَاکِ تَوْرٜىٰتَ 5‏:8؛ 27‏:15؞؞

18«کَکِّلَنٜ جُولْدٜ تَمْسٜىٰجٜ طٜ عُڢْنَاکَ؞ ࢩَلْطٜ جٛوٜىٰطِطِ ࢩَامٛتٛنْ تَمْسٜىٰجٜ طٜ عُڢْنَاکَ، بَنَ مِعُمْرِ عٛنْ، ندٜرْ سَاعِيرٜ تَبِتِيندٜ حَا لٜوْرُ عَبِيبَ؞ نغَمْ ندٜرْ لٜوْرُ مَنْ نغُرْتِيطٛنْ مِصْرَ#غُرْتَاکِ 12‏:14‏-20؛ ڢَرِلَّاجِ لٜوِعٜنْ 23‏:6‏-8؛ لِمْلٜ 28‏:16‏-25؞؞

19«مٛ عَارْتِ دَࢩٜىٰغٛ ڢُو، مِنْ جٜيِ؞ نٛنْ بٛو عَڢِ غٛرْطِ حَا دَبَّاجِ مٛنْ ڢُو دِغَ نَعِ عٜ دَمّٛوجِ#غُرْتَاکِ 13‏:2؞؞ 20شٛوتّٜ عَڢْرٜ وَمْندٜ بٜى جَوْغٜلْ؞ تٛ عٛنْ شٛوتَّايْ ندٜ، عٛنْ نغٜوَ دَاندٜ مَارٜ؞ شٛوتّٜ بٛو عَڢْࢡٜ مٛنْ وٛرْࢡٜ ڢُو؞ تَا نغَرٜ يٜىٰسٛ عَمْ جُوطٜ مٜىٰرٜ#غُرْتَاکِ 13‏:13؞؞

21«ࢩَلْطٜ جٛوٜىٰغٛ کُووٛتٛنْ، عَمَّا ࢩَلَادٜ جٛوٜىٰطِطَوْرٜ سٜيْ عٛنْ شِوْتٛ، کٛو ندٜرْ وَکَّتِ رٜمُغٛ عٜ وَکَّتِ سٛدُغٛ بٛو#غُرْتَاکِ 9‏:9‏-10؛ 23‏:12؛ 31‏:15؛ 35‏:2؛ لِمْلٜ 23‏:3؛ تٛوکْتَاکِ تَوْرٜىٰتَ 5‏:13‏-14؞؞

22«نغَطٜ جُولْدٜ عَسَوٜىٰجٜ، وَاتٛ جُولْدٜ ࢨَامْندٜ عَلْکَمَارِ مَ عَارْتُندِ عٜ جُولْدٜ تٜࢡْکِ ࢡِࢡّٜ لٜطّٜ حَا تِمّٛودٜ حِتَاندٜ#ڢَرِلَّاجِ لٜوِعٜنْ 23‏:15‏-21‏،39‏-43؛ لِمْلٜ 28‏:26‏-31؞؞

23«حِتَاندٜ ڢُو ندٜ تَتِ، وٛرْࢡٜ ڢُو نغَرَ يٜىٰسٛ جَوْمِرَاوٛ اَللَّه إِسْرَاءِيلَ؞ 24مِرِيوَنْ عُمَّاتٛوجٜ يٜىٰسٛ مٛوطٛنْ، مِيَاجِنَنْ لٜسْدِ مٛنْ بٛو؞ وَلَا کٛنّٜىٰجٛ عُکَّنْتٛ لٜسْدِ مٛنْ، سَاعِ نغَرٛتٛنْ يٜىٰسٛ اَللَّه جَوْمِرَاوٛ مٛوطٛنْ، حِتَاندٜ ڢُو ندٜ تَتِ؞

25«تَا لِيعَنٜىٰطَمْ ࢨِيࢨَمْ کِرْسَانغَ حَوْتَادٜ بٜى تَمْسٜىٰرٜ عُڢْنَاندٜ؞ تَا شِغٜ کُسٜلْ کِرْسَانغَ جُولْدٜ ݠَسْکَ حَا جَنغٛ ڢَجِرِ#غُرْتَاکِ 20‏:8‏-11؛ 23‏:12؛ 31‏:15؛ 34‏:21؛ ڢَرِلَّاجِ لٜوِعٜنْ 23‏:3؛ تٛوکْتَاکِ تَوْرٜىٰتَ 5‏:12‏-14؞؞

26«نغَدّٜ ࢡُرْطُمْ وٛوطُغٛ حَا ࢨَامْندٜ مٛنْ عَارْتُندٜ ندٜرْ سُودُ جَوْمِرَاوٛ اَللَّه مٛنْ؞

«تَا ندٜڢٜ جَوْغٜلْ ندٜرْ کٛسَمْ دَادَ مَاغٜلْ؞»

27جَوْمِرَاوٛ وِعِ مُوسَى‏: «وِنْدُ بٛلّٜ طٜعٜ؞ نغَمْ دٛوْ بٛلّٜ طٜعٜ کَࢡُّمِ عَلْکَوَلْ بٜى مَاطَ عٜ بٜى عُمَّاتٛورٜ إِسْرَاءِيلَ؞» 28مُوسَى وٛنْدِ تٛنْ بٜى جَوْمِرَاوٛ ࢩَلَوْمَاجٜ عٜ جٜمَّاجٜ شَݠَّنْطٜ نَيِ؞ عٛࢩَامَايْ ࢩَامْدُ، عٛيَرَايْ ندِيَمْ؞ عٛوِنْدِ عُمْرٛوجٜ سَݠّٛ غٛ دٛوْ عَلُّحَاجٜ؞

29مُوسَى جِݠِّ دِغَ حٛوسٜىٰرٜ سِنَ، عٛطٛنْ جٛغِ عَلُّحَاجٜ عَلْکَوَلْ طِطِ؞ عٛعَنْدَا لَرَلْ يٜىٰسٛ مَاکٛ طٛنْ يَيْنَ نغَمْ عٛوٛلِدِ بٜى جَوْمِرَاوٛ؞ 30هَـٰرُونَ عٜ إِسْرَاءِيلَعٜنْ ڢُو ندَارِ مُوسَى؞ ندَا، لَرَلْ يٜىٰسٛ مَاکٛ طٛنْ يَيْنَ؞ ࢡٜکُلِ ࢡَدَاغٛ مٛ؞ 31مُوسَى عٜوْنِ ࢡٜ، هَـٰرُونَ عٜ عَرْدِيࢡٜ جَمَعَارٜ ڢُو نغَرِ حَا مَاکٛ؞ مُوسَى وٛلْوَنِ ࢡٜ؞ 32ࢡَاوٛ مَنْ إِسْرَاءِيلَعٜنْ ڢُو ࢡَدِتِ؞ عٛعُمْرِ ࢡٜ کٛ جَوْمِرَاوٛ وٛلْوَنِمٛ دٛوْ حٛوسٜىٰرٜ سِنَ ڢُو؞ 33ندٜ مُوسَى تِمِّنِ وٛلْوُغٛ بٜى مَࢡّٜ، عٛوَطِ سُدَّارٜ دٛوْ يٜىٰسٛ مَاکٛ؞ 34کٛو ندٜيْ مُوسَى وَرِ يٜىٰسٛ جَوْمِرَاوٛ نغَمْ عٛوٛلِدَ بٜى مَاکٛ ڢُو، عٛسُدِّتٛ حَا تٛ عٛوُرْتَکٜ؞ تٛ عٛوُرْتَکٜ، عٛعَنْدِنَ إِسْرَاءِيلَعٜنْ کٛ جَوْمِرَاوٛ عُمْرِمٛ؞ 35إِسْرَاءِيلَعٜنْ نغِعِ نٛ لَرَلْ يٜىٰسٛ مُوسَى يَيْنِرْتَ؞ ࢡَاوٛ مَنْ، مُوسَى وَرْتِرَ سُدَّارٜ دٛوْ يٜىٰسٛ مُوطُمْ حَا تٛ عٛيٜحِ نغَمْ وٛلِدِدْغٛ بٜى جَوْمِرَاوٛ؞

Currently Selected:

غُرْتَاکِ 34: داَ

Highlight

Copy