غُرْتَاکِ 31
31
عٜوْنٜىٰکِ بٜشَلٜىٰلْ عٜ عٛحٛلِيَبُ
1ڢَحِنْ جَوْمِرَاوٛ وِعِ مُوسَى: 2«حٜطِتَ مِسُࢡِ بٜشَلٜىٰلْ ࢡِي عُورِ تَانِرَاوٛ حُورُ، مٛ لٜࢩٛلْ يَحُودَ؞ 3مِحٜبِّنِمٛ رُوحُ عَمْ، بٜى حِکْمَ عٜ ڢَامُ عٜ عَنْدَلْ کُوغَلْ کٛو نغَلٜ ڢُو، 4حَا عٛسُورْطِنَ کُوجٜ، عٛحُووَ کُوطٜ کَنغّٜىٰرِ عٜ شَرْدِ عٜ نجَمْندِ مبٛطٜىٰرِ، 5عٛوِنْدَ دٛوْ کَاعٜ نغَمْ تَکُّغٛ، عٛسٜحَ لٜطّٜ، عٛتِمِّنَ کُوطٜ کٛو طٜيٜ ڢُو؞ 6ندَا، مِحَوْتَنِمٛ عٛحٛلِيَبُ ࢡِي عَحِسَمَکْ، مٛ لٜࢩٛلْ دَنْ؞ مِوَطِ عَنْدَلْ ندٜرْ ࢡٜرْطٜ حَکِّلْࢡٜ وٛطْࢡٜ بٛو، نغَمْ حَا ࢡٜمبَطَ کٛ مِعُمْرِ مَ ڢُو: 7لَيْمَارُ ڢٛتِّرْدٜ عٜ سُنْدُکْرُ سٜىٰدَمْکُ عٜ جٛوطٛرْدٜ نغَمْ کٜڢٜرْغَلْ وٛنْدٜ دٛوْ مَارُ عٜ کُوجٜ لَيْمَارُ ڢُو 8عٜ تَابَلْ بٜى کُوجٜ مَاغَلْ ڢُو عٜ جٛعِّنِرْطُمْ ݠِتِّرْلَاجِ کَنغّٜىٰرِ لَاࢡْندِ بٜى کُوجٜ مَاجُمْ ڢُو عٜ غُلْدُطُمْ عُورْلٜ 9عٜ حِرْسِرْدٜ بٜى کُوجٜ مَارٜ ڢُو عٜ دَارٛ بٜى جٛعِّنِرْطُمْ مَاغٛ 10عٜ لِمْشٜ دٜوَلْ، وَاتٛ لِمْشٜ شٜنِيطٜ نغَمْ هَـٰرُونَ، لِمَنْجٛ عٜ لِمْشٜ ࢡِکّٛيْ مَاکٛ نغَمْ کُوغَلْ لِمَنْکُ 11عٜ نٜبَّمْ شٜنِرْطَمْ عٜ عُورٜتٜىٰطُمْ بٜلْطُمْ نغَمْ سُودُ سٜنِيندُ؞ ࢡٜمبَطَ کٛو طُمٜ ڢُو بَنَ مِعُمْرِ مَ؞»
ࢩَلَادٜ سِوْتٛرْدٜ
12جَوْمِرَاوٛ وِعِ مُوسَى: 13«عَنْدِنْ إِسْرَاءِيلَعٜنْ عُمْرٛوجٜ طٜعٜ: سٜيْ عٛنْ کَکِّلَنَ ࢩَلْطٜ شِوْتٛرْطٜ عَمْ، نغَمْ طٜ لَاتِ عَلَامَ حَکُّندٜ عَمْ بٜى مٛوطٛنْ حَا غِدٜ مٛوطٛنْ ڢُو، نغَمْ حَا عَنْدٛنْ مِنْ وٛنِ جَوْمِرَاوٛ، شٜنٛووٛ عٛنْ؞ 14کَکِّلَنٜ ࢩَلَادٜ سِوْتٛرْدٜ، نغَمْ ندٜ سٜنِيندٜ حَا مٛوطٛنْ؞ کٛو مٛيْ سٛࢡْنِ ندٜ، عٛ مبَرٜتٜىٰطٛ؞ کٛو مٛيْ حُووِ کُوغَلْ ندٜرْ مَارٜ، عٛ غُرْتِنْتٜىٰطٛ دِغَ جَمَعَارٜ مَاکٛ، ࢡٜمبَرَ مٛ؞ 15عٛنْ کُووَ کُوطٜ مٛوطٛنْ ࢩَلْطٜ جٛوٜىٰغٛ، عَمَّا ࢩَلَادٜ جٛوٜىٰطِطَوْرٜ طُمْ ࢩَلَادٜ سِوْتٛرْدٜ سٜنَاندٜ نغَمْ جَوْمِرَاوٛ؞ کٛو مٛيْ حُووِ کُوغَلْ ندٜرْ مَارٜ، عٛ مبَرٜتٜىٰطٛ#غُرْتَاکِ 20:8-11؛ 23:12؛ 34:21؛ 35:2؛ ڢَرِلَّاجِ لٜوِعٜنْ 23:3؛ تٛوکْتَاکِ تَوْرٜىٰتَ 5:12-14؞؞ 16سٜيْ إِسْرَاءِيلَعٜنْ کَکِّلَنَ ࢩَلَادٜ سِوْتٛرْدٜ، ࢡٜمبَطَ سِوْتٛرْدٜ حَا غِدٜ مَࢡّٜ ڢُو؞ نغَمْ طُمْ عَلْکَوَلْ دُومِينغَلْ؞ 17ࢩَلَادٜ سِوْتٛرْدٜ لَاتِ عَلَامَ حَکُّندٜ عَمْ عٜ إِسْرَاءِيلَعٜنْ حَا ڢٛرٛيْ؞ نغَمْ ندٜرْ ࢩَلْطٜ جٛوٜىٰغٛ مِنْ جَوْمِرَاوٛ مِتَغِ عَسَمَنْجِ عٜ لٜسْدِ، عَمَّا ࢩَنْدٜ جٛوٜىٰطِطَوْرٜ مِسِوْتِ، مِڢٛوڢْتِ؞#غُرْتَاکِ 20:11؞»
18ندٜ جَوْمِرَاوٛ تِمِّنِ وٛلْوَنْغٛ مُوسَى دٛوْ حٛوسٜىٰرٜ سِنَ، عٛحٛکِّمٛ عَلُّحَاجٜ سٜىٰدَمْکُ طِطِ، طٜ عَلُّحَاجٜ کَاعٜ بِنْدَاطٜ بٜى حٛوندُ اَللَّه؞
Currently Selected:
غُرْتَاکِ 31: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
