غُرْتَاکِ 32
32
غَغّٜلْ کَنغّٜىٰرِ
1ندٜ إِسْرَاءِيلَعٜنْ ندَارِ مُوسَى نٜىٰࢡِ، جِݠَّاکِ دِغَ حٛوسٜىٰرٜ، ࢡٜکَوْتِ حَا هَـٰرُونَ، ࢡٜمبِعِمٛ: «عُمَّ، وَطَنْ مِنْ طٛوَنْتٜىٰࢡٜ عَرْدٛتٛوࢡٜ مِنْ! نغَمْ مُوسَى، غٛطّٛ غُرْتِنْطٛ مِنْ لٜسْدِ مِصْرَ عٛو، مِنْ عَنْدَا کٛ وَطِمٛ#کُوطٜ نٜلَاࢡٜ 7:40؞؞» 2هَـٰرُونَ وِعِ ࢡٜ: «عِتّٜ يٜرِحٛنْ کَنغّٜىٰرِ رٜوْࢡٜ مٛنْ عٜ ࢡِکّٛيْ مٛنْ، نغَدَّنٜىٰطَمْ کٛنْ!» 3ࢡٜعِتِّ يٜرِحٛنْ کَنغّٜىٰرِ مَنْ، ࢡٜنغَدَّنِ کٛنْ هَـٰرُونَ؞ 4عٛجَࢡِ کٛنْ حَا جُوطٜ مَࢡّٜ، عٛدِيدِ مِسَالُ بٜى بِنْدِرْغٛلْ، عٛࢡٛلِنِ کَنغّٜىٰرِ غٛ، عٛوَطِ غَغّٜلْ ڢٛدّٜ مِسَالُ عٛو؞ يِمْࢡٜ مبِعِ: «يِمْࢡٜ عُمَّاتٛورٜ إِسْرَاءِيلَ، کَنْجُمْ وٛنِ طٛوَنْتٜىٰطٛ مٛنْ، غُرْتِنْطٛ عٛنْ لٜسْدِ مِصْرَ#کُوطٜ نٜلَاࢡٜ 7:41؞؞#32:4 طٛوَنْتٜىٰطٛ مٛنْ، غُرْتِنْطٛ عٛنْ لٜسْدِ مِصْرَ مَلَّ بٛو طٛوَنْتٜىٰࢡٜ مٛنْ، وُرْتِنْࢡٜ عٛنْ لٜسْدِ مِصْرَ؞ » 5ندٜ هَـٰرُونَ يِعِ طُمْ، عٛمَحِ حِرْسِرْدٜ يٜىٰسٛ مَاغٜلْ؞ ندٜنْ عٛوٛويْنِ: «جَنغٛ وٛنِ جُولْدٜ نغَمْ جَوْمِرَاوٛ!» 6جَنغٛ مَاجُمْ ࢡٜندَوِ شُبْ، ࢡٜلِيعِ غُلٜتٜىٰطِ، ࢡٜمبَطِ کِرْسٜتٜىٰطِ نغَمْ کَوْتَلْ؞ يِمْࢡٜ ڢُو نجٛوطِ، طٛنْ ࢩَامَ، طٛنْ نجَرَ؞ ندٜنْ ࢡٜعُمِّ حَا ࢡٜݠِجَ#1 کٛرِنْتُعٜنْ 10:7؞؞
7جَوْمِرَاوٛ وِعِ مُوسَى: «عُمَّ، جِݠَّ حٛوسٜىٰرٜ! نغَمْ يِمْࢡٜ مَ ࢡٜ نغُرْتِنْطَ لٜسْدِ مِصْرَ، ࢡٜمبٛنِّتِ؞ 8لَوْ ࢡٜشٜلِ لَاوٛلْ نغٛلْ عُمْرُمِ ࢡٜ؞ ࢡٜمبَطَنِ کٛعٜ مَࢡّٜ غَغّٜلْ ࢡٛلِنَانغٜلْ؞ ࢡٜشُجِدَنِ نغٜلْ، ࢡٜلِيعَنِ نغٜلْ کِرْسٜتٜىٰطِ، ࢡٜمبِعِ: عُمَّاتٛورٜ إِسْرَاءِيلَعٜنْ، کَنْجُمْ وٛنِ طٛوَنْتٜىٰطٛ مٛنْ، غُرْتِنْطٛ عٛنْ لٜسْدِ مِصْرَ#32:8 لَارْ عَايَارٜ 4؞» 9جَوْمِرَاوٛ وِعِ مُوسَى: «مِيِعِ يِمْࢡٜ ࢡٜعٜ، ࢡٜسَاتَ-کٛعٜعٜنْ؞ 10کَدِ عَشَّمْ جٛنْتَ، حَا تِکّٜرٜ عَمْ سَاتَ دٛوْ مَࢡّٜ، مِحَلْکَ ࢡٜ! عَمَّا عَنْ، مِلَاتِنْتٜ عُمَّاتٛورٜ مَوْندٜ؞» 11مُوسَى تٛرِ جَوْمِرَاوٛ اَللَّه مُمْ: «يَا جَوْمِرَاوٛ، نغَمْ طُمٜ تِکّٜرٜ مَ سَاتَتَ دٛوْ يِمْࢡٜ مَ ࢡٜ نغُرْتِنْطَ لٜسْدِ مِصْرَ بٜى بَاوْطٜ مَوْطٜ عٜ جُنغٛ سٜمْبِطْنغٛ؟ 12تٛ عَوَطِ بَنَ نِي، مِصْرَعٜنْ مبِعَنْ: عٛوُرْتِنِ ࢡٜ نغَمْ سَرُّ، جَوْمِرَاوٛ وُرْتِنِ ࢡٜ نغَمْ مبَرُغٛ ࢡٜ دٛوْ کٛوسٜىٰجٜ عٜ نَتِّنْغٛ ࢡٜ دِغَ لٜسْدِ؞ وَيْلِتَ عٜ شَاتَلْ تِکّٜرٜ مَ، ڢَاسِتِتْ عُکَّنْغٛ يِمْࢡٜ مَ سَرُّ؞ 13سِڢْتٛرْ إِبْرَاهِيمَ عٜ إِسْحَاقَ عٜ إِسْرَاءِيلَ، جَغِّيࢡٜ مَ؞ کَمْࢡٜ، عَحُنٛرَنِ ࢡٜ حٛورٜ مَ، عَوِعِ ࢡٜ: مِطُطِّنَنْ دَࢩْغٛلْ مٛوطٛنْ بَنَ کٛودٜ عَسَمَ؞ لٜسْدِ ندِعِ ڢُو ندِ کُنِيمِ حٛکُّغٛ عٛنْ، مِحٛکَّنْ ندِ دَࢩْغٛلْ مٛوطٛنْ مَرَلْ حَا ڢٛرٛيْ#لَاتَانٛوجِ 22:16-17؛ 17:8؞؞» 14جَوْمِرَاوٛ ڢَاسِتِ عُکُّغٛ سَرُّ نغُ عٛوِعْنٛ عٛعُکَّنْ دٛوْ يِمْࢡٜ مَاکٛ#لِمْلٜ 14:13-19؞؞
15مُوسَى وَيْلِتِ، جِݠِّ دِغَ حٛوسٜىٰرٜ؞ عَلُّحَاجٜ سٜىٰدَمْکُ طِطِ طٛنْ حَا جُنغٛ مَاکٛ؞ طٜ بِنْدَاطٜ دٛوْ بَکٜىٰجٜ مَاجٜ طِطِ ڢُو، يٜىٰسٛ عٜ ࢡَاوٛ؞ 16عَلُّحَاجٜ طٜعٜ، اَللَّه وَطِ طٜ؞ بِنْدٛلْ نغٛعٛلْ بٛو، اَللَّه وِنْدِ نغٛلْ دٛوْ مَاجٜ؞
17يٛسُوَ نَنِ حٛولٛ عُمَّاتٛورٜ؞ عٛوِعِ: «حَرَکَ کٛنُ طٛنْ ندٜرْ سَنغٜىٰرٜ؞» 18مُوسَى وِعِ: «نَا طُمْ حٛولٛ جَالٛرْغَلْ، نَا طُمْ غٛوکَالِ جَالٜىٰکِ بٛو؞ مِطٛنْ نَنَ حٛولٛ غِمِ؞» 19ندٜ عٛࢡَدِتِ سَنغٜىٰرٜ، عٛيِعِ غَغّٜلْ غٛ عٜ غَمَرْلٜ؞ تِکّٜرٜ مُوسَى سَاتِ، عٛسَکِّنِ عَلُّحَاجٜ حَا جُوطٜ مَاکٛ غٛ، عٛڢُسِ طٜ لٜسْ حٛوسٜىٰرٜ؞ 20عٛحٛوعِ غَغّٜلْ نغٜلْ ࢡٜمبَطِ، عٛوُلِ نغٜلْ بٜى يِيتٜ، عٛنَمِ نغٜلْ حَا نغٜلْ لَاتِ بَنَ کُرٛورِ؞ عٛعُکِّ طُمْ ندٜرْ ندِيَمْ، عٛيَرْنِ طُمْ إِسْرَاءِيلَعٜنْ؞
21مُوسَى ࢨَمِ هَـٰرُونَ: «طُمٜ عُمَّاتٛورٜ ندٜعٜ وَطِ مَ حَا نغَدُّطَ حَکّٜوٛلْ مَنغٛلْ نغٛعٛلْ دٛوْ مَࢡّٜ؟» 22هَـٰرُونَ جَابِ: «جَاغٛرْطٛ عَمْ، تَا تِکّٜرٜ مَ سَاتَ! عَعَنْدِ نٛ يِمْࢡٜ ࢡٜعٜ مبٛنّٛرِ؞ 23ࢡٜمبِعِ يَمْ: وَطَنْ مِنْ طٛوَنْتٜىٰࢡٜ عَرْدٛتٛوࢡٜ مِنْ؞ نغَمْ مُوسَى، غٛطّٛ غُرْتِنْطٛ مِنْ لٜسْدِ مِصْرَ عٛو، مِنْ عَنْدَا کٛ وَطِمٛ؞ 24مبِعْمِ ࢡٜ: کٛو مٛيْ مَرْطٛ کَنغّٜىٰرِ، عِتَّ ندِ؞ ࢡٜندٛکِّ يَمْ ندِ؞ مِࢡٛلِنِ ندِ ندٜرْ يِيتٜ، غَغّٜلْ نغٜعٜلْ وُرْتِ؞»
25مُوسَى لَارِ عُمَّاتٛورٜ ندٜعٜ طٛنْ ندٜرْ جِيࢡْرٜ، عٛلَارِ بٛو نٛ هَـٰرُونَ عَشِّرِ ندٜ ندٜرْ جِيࢡْرٜ؞ جٛوندٜ ندٜعٜ وَدَّنِ عُمَّاتٛورٜ جَنْشٛورٜ شَکَ کٛنّٜعٜنْ مَارٜ؞ 26مُوسَى دَرِ حَا دَمُّغَلْ سَنغٜىٰرٜ، وِعِ: «تٛکِّيطٛ جَوْمِرَاوٛ ڢُو وَرَ حَا عَمْ!» لٜوِعٜنْ ڢُو مٛوࢡِ حَا مَاکٛ؞ 27عٛوِعِ ࢡٜ: «ندَا نِي جَوْمِرَاوٛ اَللَّه إِسْرَاءِيلَ وِعِ: کٛو مٛيْ ڢُو وَکّٛ کَاڢَحِ مُوطُمْ؞ شَالٜ شَکَ سَنغٜىٰرٜ دِغَ دَمُّغَلْ حَا دَمُّغَلْ، لٛرٜ؞ کٛو مٛيْ مبَرَ دٜىٰرْطِرَاوٛ مُمْ عٜ سٛوبَاجٛ مُوطُمْ عٜ کٜىٰدِّطِّرَاوٛ مُمْ!» 28لٜوِعٜنْ مبَطِ ڢٛدّٜ عُمْرٛورٜ مُوسَى؞ ࢩَلَادٜ مَنْ، وٛرْࢡٜ کٛ دِلَّنِ عُجِنٜ تَتٛ مَايِ؞ 29مُوسَى وِعِ لٜوِعٜنْ: «حَنْدٜ عٛنْ نَسْتِ کُوغَلْ نغَمْ جَوْمِرَاوٛ، کٛو مٛيْ مٛوطٛنْ مبَرِ ࢡِنغٜلْ مُمْ عٜ دٜىٰرْطِرَاوٛ مُمْ؞ نغَمْ مَاجُمْ جَوْمِرَاوٛ بَرْکِطِنَ عٛنْ؞»
30جَنغٛ مَاجُمْ مُوسَى وِعِ يِمْࢡٜ عُمَّاتٛورٜ: «عٛنْ مبَطِ حَکّٜوٛلْ مَنغٛلْ! مِلٛرٛتٛ دٛوْ حٛوسٜىٰرٜ جٛنْتَ حَا جَوْمِرَاوٛ، تٜىٰمَ مِحٜࢡَنَ عٛنْ يَاڢُيٜ حَکّٜ مٛوطٛنْ؞» 31مُوسَى لٛرْتِ حَا جَوْمِرَاوٛ، وِعِمٛ: «کَيْتٛ، يِمْࢡٜ ࢡٜعٜ مبَطِ حَکّٜوٛلْ مَنغٛلْ! ࢡٜمبَطَنِ کٛعٜ مَࢡّٜ طٛوَنْتٜىٰطٛ#32:31 لَارْ عَايَارٜ 4 بٜى کَنغّٜىٰرِ؞ 32عَمَّا جٛنْتَ، يَاڢَ حَکّٜ مَࢡّٜ! تٛ نَا نٛنْ، عِتُّ عِنْدٜ عَمْ دِغَ دٜڢْتٜرٜ ندٜ مبِنْدُطَ#جَبُورَ 69:29؛ وَحَيُ يُحَنَّ 3:5؞!» 33جَوْمِرَاوٛ وِعِ مُوسَى: «بَطّٛ حَکّٜ دٛوْ عَمْ ڢُو، عِنْدٜ مَاکٛ عِتَّنْمِ ندٜرْ دٜڢْتٜرٜ عَمْ؞ 34يَحْ جٛنْتَ، يَحْرُ عُمَّاتٛورٜ حَا نٛکُّورٜ ندٜ مبِعْمَامِ؞ عَنْدُ، مَلَاعِکَاجٛ عَمْ عَرْدٛتٛ يٜىٰسٛ مَ؞ عَمَّا ࢩَلَادٜ کِيتَ عَمْ مِحِيتٛتٛ ࢡٜ نغَمْ حَکّٜ مَࢡّٜ؞»
35جَوْمِرَاوٛ حِيتِ إِسْرَاءِيلَعٜنْ نغَمْ ࢡٜمبِعِ هَـٰرُونَ وَطَنَ ࢡٜ غَغّٜلْ، کَنغْکٛ بٛو عٛوَطَنِ ࢡٜ نغٜلْ؞
Currently Selected:
غُرْتَاکِ 32: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
