PANURIRANG SAKARIA Bindu 3
Bindu 3
Pangungkapon paopathon: Taringot tu sintua ni malim Josua dohot pangurasonna i 1-7.
Bagabaga di hatuaon marhitehite tumbur ni Jahowa 8-10.
I. 1Dung i dipataridahon ma tu ahu * si Josua, sintua ni malim i, tindang di jolo ni suruan ni Jahowa, jala + pangasung i tindang di lambung ni siamunna, mangasungi ibana. #* Esr 2:2; Hag 1:1; + Job 1:6; Ps 109:6; Pgk 12:10 2Jadi ninna Jahowa ma tu pangasung i: * Toruan ni Jahowa ma ho, ale pangasung! Hona hata ma ho tutu bahenon ni Jahowa, na mamillit Jerusalem! Nda + sipusipu do ibana on, na tinait sian api? #* Jud 1:9; + Am 4:11 3Alai marulos angka na ramun do ianggo si Josua, songon i ibana tindang di jolo ni suruani. #Pgk 3:18 4Jadi didok ibana ma manonai angka na jongjong di jolona songon on: Tanggali hamu ma ulos angka na ramuni sian ibana! Alai anggo tu ibana didok do: * Ida ma nunga hubuat sian ho hageduhonmu, jala + solukkononku ma tu ho, angka ulos na marhadohoan. #* Ps 51:9; Jes 6:7; + Jes 61:3, 10; Luk 15:22 5Jadi ningku ma: Sapala dibahen nasida ma dohot * talitali na ias tu atas uluna. Jadi dibahen nasida ma talitali na ias tu atas uluna, jala disolukkon angka ulosi tu ibana, laos tindang anggo suruan ni Jahowa. #* 2Mus 28:39; Sak 6:11 6Dung i dihatindangkon suruan ni Jahowa ma tu si Josua songon on: 7Boti hata ni Jahowa Zebaot: * Molo mardalan ho di angka dalanku, jala diradoti ho ** na hupasahat i tu ho, ingkon dohot ho manguhum jorongki ramotanmu dohot angka alamanku, + lehononku ma tu ho angka partogi sian nasida, angka na tindang dison. #* 5Mus 11:1; ** Hes 44:5; + Ps 91:11
II. 8Ua tangihon ma, ale Josua, sintua ni malim, ho dohot alealem angka na hundul di jolomi, ai angka baoa * tudosan do nasida, ai ida ma, paroonku ma naposongku + si Tumbur. #* Jes 8:18; Hes 12:6; + Jes 4:2, 23:5, 33:15; Sak 6:12 9Ai ida ma, * batu naung hupeakhon i di jolo ni si Josua, + pitu mata di atas ni batu na sasada i; ida ma, laos ahu sandiri mangungkap ruangna, ninna Jahowa Zebaot, jala ahu mangunsat hajahaton ni tano on di ari na sasada i. #* Ps 118:22; Jes 28:16; + Jes 11:1-2; Sak 4:7-10; Pgk 5:6 10Laos di na sadari i, ninna Jahowa Zebaot, * pioonmuna, ma ganup alealemuna be marlinggom tu toru ni hau anggurna dohot tu toru ni hau antajauna. #* 1Raj 5:5; Mik 4:4; Joh 1:48
Batak Toba Bible Revised Edition © Indonesian Bible Society, 1998.