PANURIRANG SAKARIA Bindu 4
Bindu 4
Pangungkapon palimahon: Taringot tu parpalitoan sere dohot hau jetun na dua i 1-7.
Anak ni miak na dua i si Josua dohot si Serubabel 8-14.
I. 1Dung i mulak ma suruan, angkuphu mangkatai, jala disunggul ahu, songon baoa na sinunggul sian na modom. 2Dung i didok ma tu ahu: * Aha do na niidam? Jadi ningku ma: Nunga maralatan ahu, jadi huida ma sada + parpalitoan sere mamolin, jala parmiahan na di atas uluna jala pitu palitona di atasna, pitu be dangka pangindingan tu palito, angka na di atas uluna. #* Jer 1:11, 13; Am 8:2; + 2Mus 25:31-40 3Jala dua hau jetun di ginjangna, sada tungkan siamun ni parmiahan, jala sada tungkan hambirangna. 4Dung i ningku ma usouso tu suruan, angkuphu mangkatai: Aha do lapatan ni angka on, ale tuangku? 5Dung i ninna suruan, angkuphu mangkatai, mangalusi ahu: Ndang diboto ho lapatan ni angka on? Alai ningku ma: Ndang, ale tuangku. 6Dung i ninna ibana ma mangalusi ahu; on ma hata ni Jahowa tu * si Serubabel, ndada marhitehite parangan jala ndada marhitehite gogo sian diri, ingkon + marhite sian Tondingku do saut ninna Jahowa Zebaot. #* Hag 1:1; + Hag 1:14, 2:5 7Tung ise do ho, ale dolok na bolon? Ingkon gabe adaran ho, ianggo maradophon si Serubabel. Paruaronna ma batu parsuhi mardongan * suraksurak: Hinaulina i, hinaulina i! #* Ps 122:6
II. 8Dung i ro muse ma hata ni Jahowa tu ahu songon on: 9Tangan ni * si Serubabel mambahen ojahan ni joro on, ingkon laos tanganna pasunhon muse; + asa tung tandaonmu Jahowa Zebaot do marsuru ahu tu hamu. #* Esr 3:8, 6:14-16; + Sak 2:13, 15 10Ai tung ise ma na lea roha di * angka ari hametmeton on? Hape naung marlas ni roha marnida batu dodododo di bagasan tangan ni si Serubabel + sipitupitui, i ma angka mata ni Jahowa, angka na mangaliati sandok tano on. #* Hag 2:3; + 2Kron 16:9; Sak 3:9; Pgk 5:6 11Dung i ningku ma mangalusi ibana: Dia do lapatan ni na dua hau jetun on tungkan siamun ni parpalitoan dohot tungkan sihambirangna. 12Dung i ningku ma mangalusi ibana paduahalihon: Dia do lapatan ni na dua ranting ni hau jetun i, angka na masijaloan dohot na dua dangka sere, angka na mangusehon sian nasida miak sere i? 13Dung i ninna ma mandok ahu: Tung na so diboto ho do lapatan ni angka on? Jadi ningku ma: Ndang ale tuangku! 14Dung i ninna ibana ma: I ma na dua anak ni miak angka na tindang di adopan ni Tuhan sigomgom sandok tano on. #Pgk 11:4
Batak Toba Bible Revised Edition © Indonesian Bible Society, 1998.