PSALMEN Bindu 8
Bindu 8
Pujipujian tu Jahowa, Sitompa sasudena, muba do muliana marhite sian jolma i 2-10.
1Ende sian si Daud. 2Ale Jahowa, Sigomgom hami. Mansai sangap do goarmu di liat portibi on, dipatimbul Ho do hamuliaonmu ro di atas ni angka langit. #Ps 57:12; Jes 6:3 3Gari * sian pamangan ni angka dakdanak dohot angka posoposo dijadihon Ho do paranganmu, ala ni angka na mangalo Ho, asa paonjaphon musu dohot sitahi sudolsudol. #* Mat 11:25, 21:16 4Molo * hutailihon ** langitmi, angka jadijadian ni + jarijarim, bulan dohot bintang, angka na pinaulim. #* 1Mus 15:5; Ps 19:2; ** Heb 2:5; 2Ptr 3:13; + Ps 102:26 5* Tung aha ma nian jolma i, umbahen pola ditaringoti roham ibana? Jala anak ni jolma i, umbahen pola diebati Ho? #* Job 7:17; Ps 144:3; Heb 2:6-9 6Humurang apala otik do ibana sian Debata dibahen Ho, alai ditalitalihon Ho muse hamuliaon dohot hatongamon tu ibana. #1Mus 1:27; Plp 2:8-9 7Dipabangkit Ho do ibana gumomgom angka jadijadian ni tanganmu, sude do tahe dipatunduk Ho tu ibana: #Mat 28:18; 1Kor 15:27; Eps 1:22 8Angka birubiru dohot lombu sudena ro di binatang angka na di harangan. #Jes 11:6-9; Rom 8:19-21 9Pidong angka na di toru ni langit dohot angka dengke di laut, ro di sude na manginsir di laut. #1Mus 1:28 10Ale Jahowa, Sigomgom hami, mansai sangap do goarmu di liat portibi on.
Currently Selected:
PSALMEN Bindu 8: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.