PSALMEN Bindu 7
Bindu 7
Tangiang mangido parpintoran, maradophon pangalele 2-10.
Nalom ni roha mangasahon Debata 11-18.
1Ende sian si Daud, na niendehonna tu Jahowa, ala ni hatahata ni si Kus, marga Benjamin i. #1Sam 24:10, 26:19; 2Sam 16:5-11
I. 2Ale Jahowa, Debatangku, * marhaposan tu Ho do ahu, tumpahi ma ahu maradophon sude angka na mangalele ahu, jala palua ahu! #* Ps 2:12, 16:1, 31:2 3Asa unang disoro hosangku, songon panoro ni * singa, jala diparsurage, soada na paluahon. #* Ps 10:8-9 4Ale Jahowa, Debatangku, molo tung hubahen angka indi on: Molo tung hajahatan diulahon tanganku. #Job 31:7-34 5Molo tung hubahen na roa tu angka alealengku jala hupupusi na manosak ahu, soada alana: #Ps 38:21; Poda 3:29 6Sai * dilutlut musu i ma hosangku, jala dapotsa, diluntakluntak ma dohot ngolungku tu tano, jala margulu di orbuk hamuliaonku dibahen. Sela. #* Ps 22:16, 143:3 7* Hehe ma Ho, ale Jahowa, di bagasan rimasmu! Borhat ma Ho mangalo roharoha ni angka na manosak ahu, jala dungo ma Ho mandapothon ahu, ai Ho do umpatik uhum. #* Ps 9:20, 21:14 8Sai dihaliangi luhutan ni angka bangso ma Ho sogot jala sian * atasnasida ma Ho mulak tu ginjang. #* Ps 68:19 9Jahowa do manguhum angka bangso; sai luluhon ahu, ale Jahowa, * hombar tu hatigoranku dohot halidangon ni rohangku di bagasan. #* Ps 18:21-27 10Aut mansohot ma nian * hajahaton ni angka parjahat! Sai pargogoi ma na tigor roha i! Ai + Ho do sidodo roha dohot pia, bonar do Debata. #* Ps 104:35; + 1Kron 29:17; Jer 11:20, 17:10; Pgk 2:23
II. 11Mangasahon Debata do lombulombungku, Ibana do manumpahi angka na tigor roha i. #1Mus 15:1; Ps 3:4 12* Panguhum na tigor do Debata, jala mangalumbai do Ibana ganup ari. #* Ps 9:5 13Molo so muba rohaniba, * garutonna ma podangna, + sintahonna ma dohot siorna manuju. #* 5Mus 32:41; + And 2:4, 3:12 14Angka pangalo hamatean do ditujuhon dompak iba, mantat api do angka * sumbiana i dibahen. #* Ps 38:3; Eps 6:16 15Ida ma! Dirianrianhon rohana do hajahaton; gabe dapotan hamagoan ibana, jala ditubuhon sipaotooto. #Job 15:35; Poda 26:8; Jes 33:11, 59:4 16Dihali do sada godung jala bagas dibahen, hape laos ibana sandiri madabu tu godung, na binahenna i. #Job 6:27; Ps 9:16, 35:7; Poda 26:27 17Mulak tu uluna do hamagoanna i, jala songgop tu pakpak ni uluna do hajahatonna i. #1Sam 25:39; 1Raj 8:32 18Pujionku do Jahowa hombar tu hatigoranna i, jala endehononku do Jahowa Natumimbul i.
Currently Selected:
PSALMEN Bindu 7: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.