PSALMEN Bindu 9
Bindu 9
Pujipujian marningot hamonangan 2-13.
Tangiang mangido panumpahion tu jolo on 14-21.
1Ende sian si Daud.
I. 2Pujionku ma Jahowa sian nasa rohangku, pajojoronku ma sude halongangan angka na binahenmu. #Ps 138:1, 26:7, 66:16 3Marlas ni roha jala marolopolop ma ahu mida Ho, endehononku ma goarmu, ale Natumimbul! 4Ala naung mundar tu pudi angka masungku; martinggangan do nasida jala marragean maradophon bohim. 5Ai dipasintong Ho do uhum dohot parjambaran di ahu, hundul tu habangsa do Ho, ale * Panguhum na tigor. #* Ps 7:12; Jer 11:20 6* Mangonai hata do Ho tu angka parbegu, + diago Ho do parjahat i, siap do goarnasida dibahen Ho ro di salelenglelengna. #* Ps 68:31, 119:21; + Ps 5:7, 34:17 7Sun do hasisiap ni musu i salelenglelengna, jala tarulang do * angka huta dibahen Ho, + pesan do nasida rap dohot baritana i. #* 1Mus 19:29; + Ps 34:17, 109:15; Poda 10:7 8Alai anggo Jahowa marhabangsa do salelenglelengna, nunga dipajongjong habangsana laho manguhum. #Ps 103:19 9Jala Ibana manguhum sogot portibi on marhitehite hatigoran, pagostangonna ma uhum tu angka bangso. #Ps 96:13, 98:9; Ul 17:31 10Sai olo ma Ho, ale Jahowa, haporusan di angka tingki hagogotan! #Ps 37:39 11Asa marhaposan tu Ho angka na * tumanda goarmu, ai ndang ditadingkon Ho angka na usouso di Ho, ale Jahowa. #* Ps 91:14 12Endehon hamu ma Jahowa, na marhabangsa di Sion, baritahon hamu ma angka pambahenanna tu angka bangso. #Ps 35:18, 57:10, 74:2, 76:3, 132:13 13Ai parlulu do Ibana di * sapata ni mudar, angka dipaingotingot do, ndang dihalupahon + angguhangguk ni angka na dangol. #* 1Mus 4:10; 5Mus 32:43; + Job 34:28
II. 14Asi ma roham di ahu, ale Jahowa, tatap ma dangolhon binahen ni angka na mangkosom ahu, Ho do sihindati ahu sian * angka harbangan hamatean. #* Job 38:17; Ps 107:18 15Asa * hubaritahon sude angka baritam di angka bahal ni ** boru Sion, asa + marolopolop ahu mida hatuaonmi. #* Ps 22:23, 40:10-11; ** 2Raj 19:21; + Ps 13:6 16Nunga lonong angka parbegu tubagasan godung na binahennasida i, taralit do patnasida i tu jorgong, na buni tinaonnasida i. #Ps 7:16; Poda 26:27 17Sar do barita ni Jahowa, paboa sidabu uhum Ibana, laos di pambahenan ni tanganna sandiri do taralit parjahat i. Pingkiri ma i! Sela. #Ps 7:17 18Ingkon runsur tu banuatoru ma nian angka parjahat i, sude * parbegu, angka na mangkalupahon Debata. #* Ps 10:16 19Ai ndang tagamon tongtong halupahononna na pogos i, ndang tagamon tongtong mago na hinirimhirim ni angka na dangol. #Ps 10:17-18, 22:25 20Hehe ma Ho, ale Jahowa, asa unang mangasahon gogo jolma i, sai uhumi ma sogot di jolom angka parbegu! #Ps 7:7 21Sai ampehon ma sipasonggot tu nasida, ale Jahowa, asa ditanda angka parbegu, jolma na gale do nasida hape. Sela. #Ps 59:14
Currently Selected:
PSALMEN Bindu 9: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.