PSALMEN Bindu 13
Bindu 13
Tangiang mangido haluaon sian angka musu dohot nalom ni rohana alusan ni Debata tangiangna i 2-6.
1Ende sian si Daud. 2Sadia leleng on do, ale Jahowa, sai halupahononmu ahu tongtong? Sadia leleng on do tabunihononmu bohim sian ahu? #Ps 42:10, 77:8; Hab 1:2 3Sadia leleng on sai mardondami rohangku, sai humasusa rohangku di bagasan manipat ari? Sadia leleng on sai angatan ni alongku ahu? 4Tatap tu on, jala alusi ahu, ale Jahowa, Debatangku; sai * patiur ma parnidaanku, asa unang laos + mate modom boti ahu. #* Esr 9:8; Job 33:30; Ps 27:1; Poda 29:13; Pjm 11:7; + Jer 51:39, 57 5Asa unang dohonon ni musungku: Nunga tung hupatunduk ibana, gabe marsurak angka alongku maon, molo tung reberebe ahu. #Ps 25:2 6Alai anggo ahu, marhaposan tu asi ni roham do ahu, ingkon * marolopolop rohangku mida pangurupim, marende ma ahu tu Jahowa, ai denggan do uhumna tu ahu. #* Ps 9:15
Currently Selected:
PSALMEN Bindu 13: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.