PSALMEN Bindu 12
Bindu 12
Tangiang mangalualuhon halumlamon ni hatigoran dohot haburjuon 2-5.
Tangiang nalom ni roha mida Debata 6-9.
1Ende sian si Daud.
I. 2Sai manumpak ma Ho, ale Jahowa, ai nunga lam moru angka na daulat marroha i, lam otik do manisia, angka na burju marroha. #Jes 57:1; Jer 7:28; Mik 7:2 3Na so hasea i do dihata i be dohot donganna, marbibir na landit, jala * mardua roha nasida mangkatai. #* Jak 1:8 4Sai diginsir Jahowa ma sude bibir angka na landit i, dohot angka dila, na jungkat marpangkuling. 5Angka na mandok: Sai monang do hami dibahen dilanami, bibirnami do mandongani hami, tung ise ma rajanami? #Ps 73:8-9
II. 6Mida hamamago ni angka na dangol dohot mida andung ni angka na pogos, * hehe ma Ahu nuaeng, ninna Jahowa, ampehononku ma tua tu angka na mangkalungunhonsa. #* Jes 33:10 7* Na sintong do angka hata ni Jahowa, songon perak naung nilala di bagasan balanga, pola + pitu hali tinapis. #* Ps 18:31, 19:9; Poda 30:5; + Job 5:19 8Ho do, ale Jahowa, mangondingi nasida, paluaonmu do ibana sian halak na * sansundut on, ro di salelenglelengna. #Ul 2:40 9Nang pe monsong humaliang angka parjahat i dibahen panimbuk ni hajungkaton ni jolma manisia. #Poda 28:12, 30:11-14
Currently Selected:
PSALMEN Bindu 12: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.