PSALMEN Bindu 14
Bindu 14
Alualu ni si Daud mangarsakkon roha mago ni manisia 1-3.
Uhum madabu tu angka parjahat. Las ni roha ni angka na daulat marroha 4-7.
(Patud. Ps 53:1-7)
I. 1Ende sian si Daud.
Ninna * na oto i do di bagasan rohana: Ndang adong Debata; jahat jala sogir do nasida marpangalaho, ndang adong sibahen na denggan. #* Ps 10:4; Jes 32:6 2* Manatapnatap do Jahowa sian banua ginjang, paidaida jolma manisia, marnida manang na adong na marroha, na + usouso di Debata. #* Ps 33:13, 102:20; + Ps 24:6 3Hape tung saluhut do nasida sumurut, tung sange do nasida marroha mago, ndang adong sibahen na denggan, nanggo sahalak. #1Mus 6:12, 8:21; Job 15:16; Rom 3:10-12
II. 4Tung na so mananda do ulaning sude angka sibahen hajahaton? Angka na manganhon bangsongku songon na mangan roti, ia Jahowa ndang dijou nasida. #Mik 3:3 5Alai tarsonggot situtu do nasida disi sogot, ai matua didongani Debata do * pinompar ni na tigor roha i. #* Ps 24:6, 112:2 6Ditungkol hamu pe tahi ni na dangol, hape sai Jahowa do parsigantunganna. #Ps 12:6; Pjm 9:16 7Ise ma ulaning sian Sion mangalehon haluaon di Israel? Molo disuhe Jahowa habuangan ni bangsona, marolopolop ma ho, ale Jakkob, marlas ni roha ma ia Israel. #5Mus 30:3; Jes 35:10; Jer 30:18; Rom 11:26
Currently Selected:
PSALMEN Bindu 14: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.