PSALMEN Bindu 11
Bindu 11
Nalom ni roha ni si Daud mangkulingi angka musuna 1-3.
Pos ni rohana mangasahon hatigoran dohot denggan basa ni Debata 4-7.
I. 1Ende sian si Daud.
* Marhaposan tu Jahowa do ahu, boasa ma tung dohononmuna mandok tondingku: “Maporus hian ma tu + dolokmuna, ale pidong, na meat di handang.” #* Ps 7:1; + Pangh 6:2; 1Sam 13:6, 24:3, 26:20; Ps 121:1; Mat 24:16 2Ai ida ma, nunga pola disintak angka parjahat sior i, nunga pola diampehon nasida sumbiana tu ihotihot i, laho maniorhon di na holom tu angka na tigor marroha. #Ps 37:14, 64:4-5 3Ai ia dung sanga marompas angka tiang ojahan, hahuaon ni partigor i be? #Ps 82:5; Jes 19:10
II. 4* Di bagasan bagasna na badia i pe Jahowa, jala ** banua ginjang habangsana, sai mangaranapi do matana, sai didodoi + imbulu ni matana do jolma manisia. #* Hab 2:20; ** Ps 33:13-14; Jes 66:1; + Poda 4:25 5Ditanda Jahowa do na tigor roha i, alai dihosom rohana do parjahat i dohot na mangkaholongi hajahaton. #Ps 5:5 6Udanudanhononna do tu angka parjahat i porhas, api, barerang dohot alogo, na mohop do jambar siinumonnasida. #1Mus 19:24; Job 20:23; Ps 140:11; Jes 24:17-18 7Ai na tigor do Jahowa, jala * dihaholongi do angka hatigoran, + idaon ni na tigor roha i ma sogot bohina. #* Ps 33:5, 45:8; + Ps 17:15
Currently Selected:
PSALMEN Bindu 11: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.