PSALMEN Bindu 128
Bindu 128
Pujipujian di tua na masa di jabu ni na daulat marroha 1-6.
1Ende hananangkok.
Martua ma ganup na mangkabiari Jahowa, na marparange di angka dalanna i. #Ps 1:1-2, 112:1 2Sai panganonmu do na niula ni tanganmu, martua ma ho jala sonang. #5Mus 28:33 3Tudoshon hau anggur na marparbue do ianggo jolmam di bagasan angka bilut ni jabum, tudoshon tunas ni hau jetun do angka anakmu humaliang mejam. #Ps 127:3 4Ida ma, sai songon i do tongon dapotan pasupasu baoa, na mangkabiari Jahowa. 5Sai pasupasuon ni Jahowa ma ho sian Sion, asa paidaidaonmu hinadenggan ni Jerusalem ganup ari saleleng ho mangolu. #Ps 134:3 6Jala ingkon idaonmu do angka pahompum tubu ni anakmu. Hasonangan ma songgop tu Israel. #Ps 125:5
Currently Selected:
PSALMEN Bindu 128: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.