PSALMEN Bindu 129
Bindu 129
Panatapon ni Israel tu pudi marningot pangarupaon angka naung salpu 1-8.
1Ende hananangkok.
Jotjot situtu do disosak halak ahu sian sietehetehonku, i ma dohonon ni Israel nian. 2Jotjot situtu do tongon disosak halak ahu * sian sietehetehonku, hape ndang tarhahua nasida ahu. #2Mus 1:2, 11-12; * Jer 2:2-3; Hos 11:1 3Maninggalai pola angka paninggala di atas tanggurungku, ganjang do dibahen angka barurannasida. #Jes 50:6, 51:23 4Bonar do anggo Jahowa, nunga digotapi tali ni angka parjahat i. 5Ingkon tarurak nian jala sumurut tu pudi sude angka na mangkasomorhon Sion. 6Ingkon gabe doshon ri na tinaruphon nasida nian, ndang dope binutbut, nunga ape. #Jes 37:27 7Na so pola gohan ni panabi tanganna sian i, manang pola abingon ni panarui. 8Jala ndang pola dohonon ni angka pamolus: * Pasupasu ni Jahowa ma mandongani hamu! Hupasupasu hami ma hamu marhitehite goar ni Jahowa! #* Rut 2:4
Currently Selected:
PSALMEN Bindu 129: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.