PSALMEN Bindu 127
Bindu 127
Debata do haroroan ni nasa pasupasu, nang taringot tu anak tubu 1-5.
1Ende hananangkok sian si Salomo.
Molo so Jahowa paulihon bagas, loja sambing do angka na mamandei; molo so Jahowa marhal huta i, ndang marniula hadudungo ni parhal. 2Ndang adong labamuna dipasogot hamu hehe, dipaleleng hamu muse laho hundul manganhon roti hangaluton, songon i modom dilehon Ibana tongon tu hasianna. #1Raj 3:5-15; Ps 33:16-18, 60:13-14, 147:10-11; Poda 10:22, 21:31; Mat 6:25-34 3Ida ma, pala ni Jahowa sambing do di anak, silehonlehonna do parbue ni bortian. #1Mus 33:5; Ps 128:3-4 4Songon angka sumbia di tangan ni ulubalang, songon i do angka anak di haroro ni daging. 5Martua ma baoa na manggohi parnangkatanna sian nasida: Ndang tagamon tarurak nasida, molo marsiuaan nasida dohot angka musu di parjompahan.
Currently Selected:
PSALMEN Bindu 127: BBC
Highlight
Share
Compare
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.