JOB Bindu 29
Bindu 29
Udutna:
Dipajojor si Job hadoharonna na jolo 1-11.
Basarna tu jolma dohot bonar ni rohana 12-17.
Sangapna na jolo diida halak 18-25.
I. 1Dung i didatdati si Job muse mandok hatana songon on: 2Ise ulaning pasuang tu ahu songon di angka bulan na jolo, songon di angka ari, uju Debata mangaramoti ahu! 3Uju na marsinondang dope palitona di atas ulungku, uju na nidonganan ni hatiuronna ahu manondang haholomon. #Ps 18:29 4Songon uju di angka ari haposoonku, uju * paralealeon ni Debata dope di undungundungku. #* Ps 25:14, 55:15; Poda 3:32; Am 3:7 5Uju didongani Nasunhinagogo i dope ahu, jala * angka anakku humaliang ahu. #* Ps 127:3-5, 128:3 6Uju huburi pathu di bagasan miak susu, jala dolok batu mambaorhon di ahu angka sunge miak. #5Mus 32:13, 33:24 7Uju na ruar ahu tu bahal ni huta i, jala hupajongjong hundulanku tu partungkoan. #1Mus 23:10 8Jadi disi diida angka dolidoli ahu, pintor martabuni nasida, angka na ubanon pe * hehe do laos jongjong. #* 3Mus 19:32 9Pola sulon angka raja mandok hatana, jala * diampehon tanganna tu pamanganna. #* Job 21:5 10Pola sundat angka na sangap mandok suarana, jala * dilana lohot di langitlangit ni pamanganna. #* Ps 137:6; Hes 3:26 11Ai pinggol na umbege hatangku * marhatuahon ahu, jala mata na marnida ahu manolopi hatangku. #* Poda 31:28; Ende 6:9
II. 12Ai hupalua do halak na dangol na mangalualu dohot na tading di lampin, nang halak na so adong pangalualuanna. #2Mus 22:20-21; 3Mus 19:18; Ps 72:12, 82:3-4 13Jadi pasupasu ni halak na siol mago hian songgop tu ahu, jala roha ni parompuan na mabalu marolopolop hubahen. 14Nunga huparuloshon habonaron, gabe pangkean ni diringku do i, tudoshon ulos dohot bulangbulang di ahu uhum na hudabui. #Ps 132:9; Jes 11:5, 59:17, 61:10 15Manjadi mata do ahu di halak na mapitung, jala pat di halak na pangpang. #3Mus 19:14; 4Mus 10:31 16* Ama do ahu di halak na pogos, jala parkaro ni halak na so hutanda pe husulingkit do. #* Job 31:18; Jes 22:21 17Huropangi do ipon ni halak pangarupa, jala hurampas do sian holangkolang ni iponna ugasan naung nilaumna. #Ps 3:8, 58:7
III. 18Jadi ninna rohangku ma: Rap dohot asarhu pe ahu mate, jala patoroponku ariaringku songon horsik toropna. 19Manjarar tu lambung aek do ia urathu, jala nambur i marborngin di atas ni angka rantingku. #Job 18:16 20Sai rata do di ahu hamuliaonku jala ganda do * gogo ni siorhu di bagasan tanganku. #1Mus 49:24; * 1Sam 2:4; Ps 46:10, 76:4; Jer 49:35, 51:56 21Sai ditangihon halak do hatangku, jala hohom be do paimaimahon panuturionku. 22Ia dung hudok hatangku, ndang adong be na hum mangkuling, jala * lambok manetehi tu nasida pangkataionku. #* 5Mus 32:2; Poda 5:3; Ende 4:11 23Sai maimaima nasida di ahu songon di udan, jala dipangangang be pamanganna songon saba langit mangkalungunhon * udan. #* 5Mus 11:14; Jer 3:3, 5:24 24Basar ahu tu nasida, jumpa bohabohaon rohanasida, jala sihar ni panailingku ndang tarpasurbot nasida. #Ps 44:4; Poda 16:15 25Lomo do rohangku sauduran dohot nasida, jala hundul di julu on ahu, jala marhabangsa ahu di luhutannasida songon raja, songon halak na mangapuli angka na marsak roha.
Currently Selected:
JOB Bindu 29: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.