JOB Bindu 17
Bindu 17
Udut ni sulam ni si Job:
Diulahi muse mangandungkon parniahapanna, na so turut nian 1-9.
Turut do anggo pangandungkonna, ditariashon tu angka alealena 10-16.
I. 1Nunga mandate tondingku, nunga mintop angka ariaringku, nunga rade tanoman i di ahu. 2Hape tong dope angka reherehe humaliang ahu, nang bornginna i ingkon taon on ni matangku angka pamadaionnasida. 3Ua bahen ma * parhangkungan, Ho ma tahe mangampu ahu! Tung ise ma dungkon ni Ho na olo martopak tangan dohot ahu. #* Job 9:33, 16:19; Ps 119:122; Jes 38:14 4Ai nunga ditamondingkon Ho panimbangon sian rohanasida, dibahen i ndang tagamon pamonangonmu anggo nasida. #Job 42:7 5Manang ise na manjehehon angka alealena tabanon ni halak, * ingkon rondar mata ni angka anakna. #* 5Mus 28:65 6Nunga dibahen Ibana ahu gabe * sirehereheon ni halak situan na torop, pola luhut halak + mamursihi bohingku. #* 5Mus 28:37; Job 30:9-10; + 4Mus 12:14; 5Mus 25:9 7Dibahen i pola * lotop matangku dibahen hinamago, jala saluhutna ruashu songon halinu sambing. #* Ps 6:8, 31:10 8Pola marseto alani roha ni halak partigor, jala mangiburu halak na so marpipot mida halak parjahat. 9Alai tahe tong do * marsihohot roha ni partigor i mangihutihut dalanna, lam tamba tahe gogo ni halak na ias tangan. #* Job 27:5; Ps 73:23-26
II. 10Alai luhut hamu, datdati hamu ma mulahulak ro tu ahu, ndang tagamon jumpang ahu na marroha di tongatongamuna nanggo sahalak. 11Nunga salpu angka ariaringku, nunga pesan angka sangkaphu, angka pangidoan ni rohangku. #Job 7:7, 9:25 12Borngin i gabe arian dibahen nasida, jonok na ma hatiuron i didok, atik pe ngomngom dope haholomon. #Job 11:17 13Tung sura marpangkirimon disi ahu, tong do parbeguan gabe jabungku, jala hupahembang lagengku di bagasan haholomon. #Ps 88:19 14Joujou pe ahu mandok tu tanoman i: Damang do ho! Tu angka * gulokgulok: Dainang dohot angka ibotongku do hamu! #* Job 4:19; Poda 7:4 15Didia be adong tagamon sihirimonku, jala ise tagamon pataridahon tu ahu na huhirim i? 16Turun do i tu pargumbangan ni parbeguan, molo rap moradian di bagasan orbuk.
Currently Selected:
JOB Bindu 17: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.