PANURIRANG HOSEA Bindu 13
Bindu 13
Marmulia situtu Epraim najolo, gabe mardosa godang. Dibahen i pagodang uhum tu nasida do denggan basa ni Debata najolo 1-11.
Alai paluaon ni Jahowa do nasida sogot sian hamatean dohot sian banuatoru 12-15.
I. 1Molo mangkuling * Epraim, mabiar be do, timbul do ibana di Israel; alai dapotan dosa ibana dibahen Baal, jadi mate ibana. #* Pangh 8:1, 12:1 2Nuaeng pe, sai didatdati nasida do manambai dosa; * dipauli nasida do di nasida ganaganaan na tinuang sian peraknasida, angka ganaganaan tubutubu ni rohanasida, jadijadian ni angka pande saluhutna i. Tusi do nasida martonggo umpelehon jolma, angka anak ni lombu + diumma nasida. #* Jes 44:12; + 1Raj 19:18; Hos 2:10 3Dibahen i * sobokkon ombun manogot nama nasida, jala sobokkon nambur, na tibu laho, jala + sobokkon hurangkam, na hinabangkon ni habahaba sian pardegean, jala sobokkon timus sian pandiloan. #* Hos 6:4; + Ps 1:4; Dan 2:35 4Hape * ahu do nian Jahowa Debatam olat ni tano Misir, jala Debata dungkon ni ahu, ndang adong tinandam, jala ndang adong sipangolu dungkon ni ahu. #* 2Mus 20:2-3; Ps 18:32; Jes 45:21; Hos 12:10 5Ahu hian marhamaol ho di halongonan di tano na mohop situtu. #5Mus 8:15, 32:10; Hos 9:10 6Alai dung jumpangan * panjampalan nasida hubahen, bosur ma nasida, dung bosur nasida, ginjang ma rohanasida, alani dihalupahon nasida ahu. #* 5Mus 32:15 7Dibahen i hira gabe * singa ma ahu tu nasida, hira babiat ahu mangarop di dalan. #* Hos 5:14 8Manoro ma ahu di nasida, songon * ina ni gompul na agoan anak, jala parsurageonku andoranasida jala polgahongku nasida disi, songon singa boruboru, angka binatang di ladang tahe manansani nasida. #* 2Sam 17:8; Poda 17:12 9* Lonong pe ho, ala dialo ho do ahu silehon tua hian tu ho. #* Jer 2:17 10Didia nuaeng rajam? Ibana nian mangurupi ho di saluhut angka hutam! Jala didia do panguhum, angka * na pinandohanmu na sai laon mandok: Lehon di ahu sada raja dohot angka induk! #* 1Sam 8:5, 16:1 11Hulehon do tu ho sada raja di bagasan rimashu, jala buatonku ibana muse sian murukku.
II. 12Nunga pola binobok hajahaton ni Epraim, nunga pinasinok dosana. 13* Pambebeon ni parompuan na mangae posoposona ro tu ibana, hape anak na so marbisuk anggo ibana, + ala so ditopot dalan na bolon di tingkina i. #* Mik 4:10; + Jes 37:3 14* Sian tangan ni parbeguan paluaonku nasida, sian hamatean tobusonku nasida! Didia angka begu antukmu, ale hamatean? Didia hamagoanmu, ale banuatoru, tung na so hutanda do + ruhut ni solsol ni roha. #* 1Kor 15:54-55; 2Tim 1:10; Pgk 20:14, 21:4; + Jes 25:8; Rom 11:29 15Ai ibana do nian * sumopar sian angka hahaanggina; ro ma sogot + alogo sian purba, alogo sian Jahowa manaek sian halongonan, jadi marsik ma mualna dohot sumurna bahenonna; ibana ma mamupusi parpeopan ni saluhut ulaula hasoloan ni roha. #* 1Mus 41:52, 49:22; + Hos 4:19
Batak Toba Bible Revised Edition © Indonesian Bible Society, 1998.