1 KORINT Bindu 9
Bindu 9
Ndang dipangasahon apostel i huasona, laho manganju angka huria 1-27.
1Nda anak mata do ahu? Nda apostel ahu? Nda nunga huida Jesus, Tuhanta i? Nda hamu ulaonku di bagasan Tuhan i? #Ul 22:17, 26:16; 1Kor 15:8 2Molo so apostel ahu di na leban, sandok apostel do ahu anggo di hamu; ai hamu do sahap ni haapostelonki di bagasan Tuhan i! #2Kor 3:2-3 3On do paralusonku tu angka na ro manangkasi ahu: 4Na so marhuaso do hami mangan dohot minum? #Luk 10:8 5Nda marhuaso hami mardongan saripe jala mamboan nasida, songon binahen ni angka apostel na asing dohot angka anggi ni Tuhan i, nang si Kepas pe? #Joh 1:42 6Ai holan ahu dohot si Barnabas do, na so jadi malua sian na mulaulaon i? 7Tung ise ma dung disuru soldadu, so margaji? Tung ise ma pauli porlak anggur, so dipangan sian parbuena? Ise ma marmahan dorbia, so manganhon susu ni pinarmahanna? 8Ai hasomalan ni jolma do na hutaringoti disi; nda laos i didok patik i? 9Ai na tarsurat do di patik ni si Musa: “Ndang patut huntamonmu baba ni horbo, uju mardege!” Horbo do pinasarisari ni Debata? #5Mus 25:4; 1Tim 5:18 10Nda sandok tu hita hatana? Ai sumarihon hita do tarsurat: Patut mangkirim paninggala di na maninggala i, jala mangkirim pardege di jambarna. 11Molo husuan hami tu hamu angka partondion, tung godang ma i goaron, molo hugotil hami sian hamu na hasea tu daging? #Rom 15:27 12Gari na leban, gari martohap di gogomuna, nda lam hami ma nian! Alai ndang na hupangasahon hami huaso i, sandok hupatalu hami do rohanami, asa tung unang huambat hami barita na uli na sian Kristus. #Ul 20:34-35; 2Kor 11:9 13Nda diboto hamu, angka na mangula di bagas joro mangan sian joro i, jala angka na marhalado di langgatan i, marsaulihon sian i? #4Mus 18:8, 31; 5Mus 18:1-3 14Laos songon i do diaturhon Tuhan i tu angka parbarita na uli: Naeng sian barita i hangoluannasida. #Luk 10:7 15Alai ndang dung hupangke sada sian angka i; jala ndada husurathon on, asa masa songon i tu ahu, ai tagonan do ahu mate, asal unang disegai hasurunganki. #Ul 18:3 16Ai molo huhatahon barita na uli i, ndang hasurunganku i; utangku hian do i. Marjea do ahu, aut so hubaritahon i! #Jer 20:9 17Ai molo huula i sian lomo ni rohangku, marupa ma ahu; alai nang sian na so tarjua, tong do diampehon tu ahu tohonan i. #1Kor 4:1 18Asa aha do upangku? On do: Di na mamaritahon barita na uli i ahu, so hurugii hamu, asa unang hupangasahon huasongku di barita na uli i. #1Kor 8:9 19Ai atik pe malua ahu sian saluhutna i, hupatutoru do diringku tutoru ni saluhutna, asa tumorop nasida hutogihon. #Mat 20:26-27 20Na gabe songon Jahudi do ahu di angka Jahudi, anggiat hutogihon angka Jahudi. Di angka na ginomgoman ni patik i gabe songon na ginomgoman ni patik i ahu: Nang so tutu ginomgoman ni patik i ahu, anggiat hutogihon angka na ginomgoman ni patik i. #Ul 16:3, 21:20-26 21Asa hutogihon angka na so marpatik, gabe songon na so marpatik ahu di angka na so marpatik i; alai ndada so marpatik ahu di jolo ni Debata, tung ginomgoman ni patik ni Kristus i do ahu. #Gal 2:3 22Di angka na gale gabe songon na gale do ahu, asa hutogihon angka na gale i. Hupahombar do diringku tu sasude, anggiat hupalua nanggo deba. #Rom 11:14; 2Kor 11:29 23Alai saluhutna i huula ala barita na uli, anggiat dohot ahu partohap disi. 24Nda diboto hamu: Ia angka na maradu, saluhutna i do nian marlojong; alai sada do manjalo uli. Burju ma hamu marlojong, asa dapotan hamu! #2Tim 4:7 25Alai nasa na maradu, diorom do saluhutna i; angka ondeng tutu, asa dijalo tumpal na laho salpu, alai di hita na so olo salpu. #2Tim 2:4-5; 1Ptr 5:4 26Ia ahu, antong, ndada songon na so martujuan parlojongonku, nda tung songon na manampul alogo paraloonku. 27Hupukpuhi do dagingku jala hupatunduk, asa unang angka na asing hujamitai, hape ahu gabe bolong. #Rom 8:13, 13:14
Currently Selected:
1 KORINT Bindu 9: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.