1 KORINT Bindu 8
Bindu 8
Siingoton taringot tu juhut, naung pinelehon 1-13.
1Alai anggo taringot tu juhut naung pinelehon taboto be; naung adong do parbinotoan di hita saluhutna. Na paburnangkon do parbinotoan; alai na pauliulihon do ia holong ni roha. #Ul 15:29 2Na mangarimpu, naung adong binotona, ndang diboto dope pangalaho ni parbinotoan na tama. #Gal 6:3 3Alai anggo adong na mangkaholongi Debata, i do na tinanda ni Debata. #Gal 4:9 4Onpe, taringot tu na manganhon juhut naung pinelehon taboto do: Ndang tutu adong begu di portibi on, jala ndang adong Debata dungkon ni Nasasada i. #1Kor 10:19 5Ai adong do tutu digoar debata di ginjang nang di tano on pe, ai lan do dipardebata jala lan do dipartuhan. 6Alai anggo di hita holan sada do Debata, Ama i, parmulaan ni saluhut, jala hita do tu Ibana; jala sada do Tuhan, i ma Jesus Kristus, parhitean ni saluhutna, jala hita marhitehite Ibana. #1Kor 12:5-6; Kol 1:16 7Alai ndang apala saluhutna nampuna parbinotoan i. Adong dope na manganhonsa songon pelean situtu, ala somal diparhatutu begu, gabe ramun rohanasida, na hurang togu i. #1Kor 10:27 8Alai ndang dipajonok sipanganon hita tu Debata: Ndang na surut hita, anggo so tapangan, jala ndang ummangat hita, nang tapangan. #Rom 14:17 9Alai jaga ma hamu, so tung gabe partuktuhan di angka na gale i huasomuna. #Gal 5:13 10Ai adong ma na marnida ho, nampuna parbinotoan ondeng, hundul marsipanganon di parsombaonan ni begu: Nda niapoan ma disi rohana na hurang togu i, manganhon juhut na pinelehon? 11Gabe mago maon binahen ni parbinotoanmi dongan, na gale i dope na hinophop ni hamamate ni Kristus! #Rom 14:15 12Alai molo songon i hamu mardosa dompak angka dongan jala digugai hamu rohanasida na hurang togu i, na dompak Kristus do hamu mardosa disi. 13Dibahen i, antong, anggo targasip donganki siala sipanganon, na so tupa be panganonku juhut salelengna i, asa unang targasip donganki hubahen. #Rom 14:21
Currently Selected:
1 KORINT Bindu 8: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.