Imethali 28
28
1Attu o uhilhoka anoottawacha inakhalhaka kanottawihiya ni ntu, nansho attu o irusho ahaana machiri thoko kharamu.
2Wo nlhattu no uwonya wo ilhapo, ahoolhelhi anookhalha enchi, nansho wo nhoolhelhi mmoka o irusho ilhapo inoomalha.
3Ntu o uvekelha anaahuviha ashikini, anolhikanihiya ni ipulha yuulhupalhe inotanganyaa choolhia.
4Attu anokhota uvara malheheriyo anowatotopelha attu anopanga chittu cho uhilhoka, nansho anovara malhehero khanaarumelhelha.
5Attu o uhilhoka khanochuwelha ikekhiaye, nansho attu anonthimicha Apwiiya Nlhuku anochuwelha rata.
6Nambaya amashikini anokhalha wo ikekhiaye, kuliko ntu o nhakhu anokhalha wo wiichoona.
7Mwaana anovara malhehero ahaana irusho, nansho mwaana anolhutaana ni attu unchiva ulhia pufia nonnanariha athumwane awe.
8Ntu anoonchereria nhakhu awe wo iriba yuulhupalhe chinene, nonthothokanihelha ntu nkina noonelha ikiriri amashikini.
9Ntu anokhota uvara malhehero, ata uthimicha wawe phi nrushiho umihoolho wa Apwiiya Nlhuku.
10Ntu nonthepiacha ntu o ikekhiaye ni umwoonyiha, nootumbuchira munlhikitini mwawe mwanene, attu o urumelhelha oombone nttuvo naya.
11Ntu o nhakhu neechona mwanene wiira ahaana irusho, nansho amashikini ari ni irusho nohimia thoko chiriawe.
12Ntu o ikekhiaye akhalhaka nhoolhelhi makhalhelho nookhalha moombone, nansho atawaraka attu o uhilhoka attu anowiivitha.
13Ntu novitha uwonya wawe khanopatta ibarakha, nansho ntu nokhoroma ni uhiya uwonya wawe noohiyereriya.
14Horeeriya ntu anonthimicha Apwiiya Nlhuku mahuku onkhaye, nansho nolhipiha nrima awe noottwaruwa.
15Mwene o uhilhoka naatawara amashikini, ri thoko kharamu norindima ama nannyoma wolhie nokelhelha attu.
16Mwene hirii ni irusho nowoonelha attu, nansho nokhotta nhakhu o uhilhoka nootawara wo mahuku menchi.
17Ntu nowonya wo weeva attu, nookhalha ipotta mpaka ukhwa wawe; hikhumelhelhe ntu riyoothe o unkavihera.
18Ntu o waaminika nowoopolhiya, nansho ntu o uhilhoka norimeelha wo waakuvia.
19Ntu nolhima imata awe noopatta cholhia chinchi, nansho nottwara chittu cho uhilhoka nookhalha amashikini chinene.
20Ntu o waaminika noopatta ibarakha chinchi, nansho naakuvelha ukhalha ni nhakhu noopatta ntwarusho.
21Khinolhoka unttuna ntu mmoka ni unvenga nkina, mena ntu uwonya wo ikipande yo nkatte.
22Ntu o lhipa nrima haana itama yo upatta nhakhu, mena khanochuwelha wiira uphavelha unoommwelha.
23Ntu nomwaamuka nkhunanawe noopatta nnema chinene, kuliko ntu o malhove o wiipepechera wa ntu.
24Ntu neeya nhakhu wa athumwanaya ama anumwanaya, nkeera wiira akithekilhe, yoyo phi namwiiya thoko anamwiiya akina.
25Ntu o itama nowiiha indewo, nansho noonkhulhuvelha Apwiiya Nlhuku noopatta ibarakha.
26Ntu nokhulhuvelha irusho chawe mwanene yoyo nkumbafu, nansho nokhalha wo irusho nookhalha nkumi.
27Ntu naakawelha amashikini yoyo khanowukuwelhiya, nansho nokhota waakavihera noolhaviya chinene.
28Attu o uhilhoka atawaraka attu nowiivitha, nansho akhwaaka, attu o ikekhiaye anoowanelha. iiikekhiaye aanowunchereria.
The Bible Version in Makua @The Word for The World International and Makua Language translators. All rights reserved.