Imethali 15
15
1Waakhulha rata unoomalhiha indewo,
nansho nlhove noweria ninowuunchereria urushiya.
2Nlhimi o attu arii ni irusho unoolhumacha chittu cho oombone,
nansho attu akumbafu anoolhumacha pufia.
3Miitho a Apwiiya Nlhuku anowoona kila vakittu,
awehaka attu oombone ni attu o uhilhoka.
4Nlhimi a ntu oombone phi uchokholha wo ukumi,
nansho uhilhoka wawe unowutha nrima.
5Nkumbafu khannorumelhelha meettuchiho a athumwanaya,
nansho anorumelhelha meettuchiho ahana irusho.
6Unupani wa attu o ikekheene murii nhakhu mwinchi,
nansho nhakhu wa attu o uhilhoka unowaawihera nihuviho.
7Iyano yo ntu o irusho inoolhumacha chittu choombone,
nansho iyano cha attu uhilhoka chinoolhumacha ukumbafu.
8Isadaka cho attu o uhilhoka phi nrushiho wa Apwiiya Nlhuku,
nansho uvekelha wo attu wo ikekheene Apwiiya Nlhuku noochivelhia.
9Meetelho ya attu o uhilhoka phi nrusho wa Apwiiya Nlhuku,
nansho Nlhuku anowarumelhelha alhe anottwara ikekheene.
10Nttwarusho no woopiha niri wa alhe hinorumelhelha malheheriyo,
ntu riyoothe anokotta waamukiya nookhwa.
11Yakhalhaka Apwiiya Nlhuku anochuwelha chittu chiri unaminepani,
chani, mirima cha attu chinooria chani wiivitha umihoolho waya?
12Ntu ri ni mattepwa khanttuna waamukiya,
khanottuna malhove a ntu o ibusara.
13Nrima wa ntu unoshangarara unoreeriha wiitho,
nansho ichuku yo nrima inowuuntha nrima.
14Nrima wa ntu o irusho unowaavia irusho,
nansho akumbafu aneewelhelha unethi.
15Mahuku onkhaye a ntu anoonelhiya phi uhuva,
nansho mirima cha attu anoshangarera iri ni mpuha.
16Nambaya ukhalha ni chittu vakani ni unthimicha Apwiiya Nlhuku,
kuliko winchiva wo nhakhu uno uhuvaka.
17Nambaya ulhia yolhia vari ni uttuna,
kuliko ulhia inama choombone vakittu vanovengia inyu.
18Ntu o urushiya chinene noothotheria indewo,
nansho ntu o uvilhelha noomalhiha indewo.
19Ukumi wa ntu nreeshi uhochara uhuva,
nansho iphiro ya ntu o waaminika iri thoko iphiro yuulhupalhe.
20Mwaana ri ni irusho nonteelhiha athumwanawe,
nansho akumbafu noompangelha mattepwa anumwana awe.
21Ukumbafu unoonteelhiha ntu ahiri ni irusho,
nansho ntu o irusho noothanlha iphiro yoombone.
22Chittu chinootanganyaa wo uhikhalha ni ntu o uvaha malhove,
nansho akhalhaka attu o uvaha malhove enchi uhaawo mpuha.
23Waakhulha rata unooteelhiha,
nihoreera chinene nlhove nikhumilhe wo ikatema.
24Iphiro cha ntu o irusho chinoweha nchulhu uri ukumi,
ushemba ukelha unaminepani.
25Apwiiya Nlhuku anoophomolha makhalhelho ya attu o itiamaru,
nansho anolhitelhelha makhalhelho a manyathiana akhwelhiye.
26Malhove o uhilhoka yanonrusha Apwiiya Nlhuku,
nansho noochivelhiya ni malhove moombone.
27Ntu o itamaa noowiha wa ashilhoko aya nihuviho,
nansho ntu anokhota uhongiya anokhalha nkumi.
28Nrima wa ntu o irusho khunaakhulha pufia,
nansho ntu o uhilhoka wuulhumacha pufia.
nansho arii vakhiviru ni attu orera nrima wiiwelhelha.
29Yamalheke Apwiiya Nlhuku ri utayi ni attu o uhilhoka, nansho anowiiwa ulhepelha wa attu o ikekhiaye.
30Miitho a ntu o ikiriri anooteelhiha nrima, mwaha oombone unowiiha ukumi mwiiruttuni.
31Ntu neewa waamukiya anookhalha nkumi, nookhalha mmoka a attu o irusho.
32Ntu nokhota meettuchiho neepangelha niphiondo mwanene, nansho ntu nottuna waamukiya nopatta ibusara.
33Unthimicha Apwiiya Nlhuku phi wiittucha irusho, nansho uhinaya nthimicho uhothanania wiikhurusha.
The Bible Version in Makua @The Word for The World International and Makua Language translators. All rights reserved.