Imethali 13
13
1Mwaana o irusho neewelhelha malhehero a athumwanawe,
nansho mwaana o itiamaru khaneewelhelha waamukiya.
2Ntu orera nrima noopatta moombone wo nlhattu no malhove awe,
nansho attu o woothacha nolhokelha wo ushilhilhi
3Ntu hinoolhumacha malhove o uhilhoka mu iyano awe noshunga ukumi awe,
nansho noolhumacha pufia nowiihera mariro.
4Ntu nreeshi nothanana chittu nansho khampatta ittu iriyoothe,
nansho nopanga ntheko yoyo novahia wo winchiva.
5Ntu o ikekhiaye norushiya ni malhove o woothacha,
nansho ntu o uhilhoka nopanga chittu cho ishoni ni uveehia.
6Ikekhiaye chinowashunga attu oombone,
nansho uwonya unommoriha ntu.
7Attu aneepanga o nhakhu nansho khaarina ittu iriyoothe,
akina aneechoona ashikini ni uno anri ni nhakhu mwinchi.
8Nhakhu wa ntu unowooria woopolha ukumi awe,
nansho nshikini khiiwo yo umoopopiha.
9Ntu o irusho nooparelha thoko ikhandiri inoparelha rata,
nansho attu o uhilhoka ari thoko ikhandiri inothipia.
10Itiyamaru inoowiha indewo,
nansho norumelhelha malhove ayo haana irusho.
11Nchurukhu o uhilhoka wo ikekhiaye unopotera waakuva,
nansho ntu nopatta nchurukhu vakani vakani unowiinchereria.
12Nikhulhuvelho na ntu nacherewaka nrima unowaweria,
nansho nikhulhuvelho natimiraka phi mwiri o ukumi.
13Hinorumelhelha meettuchiho newiihera mariro mwanene,
nansho norumelhelha meettuchiho anoovahiya nttuvo.
14Meettuchiho a attu o irusho phi nrapo no ukumi,
inoompanga ntu ahivire mu miriankho yo nookhwa.
15Ukhalha ni irusho unoowiha mpuha,
nansho iphiro cha attu o uhilhoka chiri cho uhuva.
16Attu o ibusara anopangacha kila ittu wo irusho,
nansho ntu hirii ni irusho nowooniha ukumbafu awe.
17Karumiya o uhilhoka noomorelha mu uhuvani,
nansho karumiya ri o uwaminika anowiiha ukumi.
18Hinorumelhelha meettuchi yoyo nopatta ushikini,
nansho ntu norumelhelha meettuchiho yoyo nothimichiya.
19Yatimiraka ittu inohuvelha inyu nrima unooteelhia,
attu akumbafu khanottuna uhiya uwonya.
20Ntu riyoothe neeta ni ntu o irusho nopatta irusho,
nansho ntu ari mpwana awe nkumbafu nopatta nttwarusho.
21Ntu o uwonya chinompwanya chittu cho uhilhoka,
nansho ntu o irusho noovahia chittu choombone.
22Ntu orera nrima nowahiyera nhakhu iyari awe,
nansho nhakhu wa ntu o uhilhoka uhoshungia.
23Imata cha attu nshikini chinookhumiha cholhia chinene,
nansho chittu chinotturulhiya chinookushia.
24Ntu riyoothe hinomwata mwaamwanawe awonyaka yoyo khanonttuna,
nansho noottuna mwaamwanawe awonyaka nomwaata.
25Ntu ari ni irusho noolhia mpaka uwona,
nansho mathunkwa a attu o uhilhoka anowolhia ithalha.
The Bible Version in Makua @The Word for The World International and Makua Language translators. All rights reserved.