Waalhakelhiya attu 7
7
Isadaka cha ahoolhelhi wo nlhatu no uttukuria Nihema Nitakatifu
1Nihuku ashinna Musa vaamalhinhe aya weemesha Nihema, ahomiinelha makhura ni uttukuria nikhalhe Nitakatifu vamoka ni ikerero chaya chonkhaye, nkaamiinelha makhura ni uttukuria madhubahu, ni ikerero chaya chonkhaye. 2Yamalheke, ahoolhelhi a attu o Israeli ni ashulhupalhe o mahimo ni ahoolhelhi o makosho, yaakavihilhe ashinna Musa waalhakelha attu alhe, 3ahowiiha isadaka chaya wa Apwiiya Nlhuku. Mikukuta cho ukhunelhiya sita chaapurulhiya ni ashinama, ni madume o ing'ope khumi ni eelhi. Nkukuta mmoka wo kila ahoolhelhi elhi ni nd'ume nimoka wo kila nholhelhi. Yaakumihilhe chechiyo chittu chiyo umihoolho wo Nihema Nitakatifu. 4Tho, Apwiiya Nlhuku nkayeerelha ashinna Musa wiira, 5“Mpochereke isadaka chilha, wiira chipangelhiye ntheko unohalha upangiya wo nlhatu wo Nihema Nitakatifu, mwaavaheke Alawi, kila mmoka wo ulhikaana ni ntheko awe.” 6Paahi ashinna Musa nkayaakusha mikukuta ni madume o ing'ope nkaavaha Alawi. 7Achishaana a Nagershoni ahovahiya mikukuta miilhi ni madume macheshe wo nlhatu no ntheko waya, 8ni achishaana a Namerari ahovahiya mikukuta micheshe ni madume nane, chaakavihere unthekoni waya wonkhaye. Yayo aahoolhelhiya ni Naitamari, anaaya opochera ishaani Naharuni. 9Nansho ashinna Musa khayaavahilhe ittu iriyoothe achishaana a Nakohathi, ukhalhawaya yayo ntheko aya waari wo uthokoreria chittu chitakatifu chaathananiya ukushiya vamakhathani.
Isadaka cha ahoolhelhi wo nlhatu no uttukuria madhubahu
10Nihuku no uttukuriya madhubahu nno, nihuku naamiinelhiye aya makhura, ahoolhelhi ayo ahokumiha isadaka chaya umihoolho wo madhubahu ayo. 11Yamalheke, Apwiiya Nlhuku nkayeerelha ashinna Musa wiira, kila nihuku nholhelhi mmoka akumiheke isadaka awe wo nlhatu no uttukuria madhubahu.
12Paahi aakumihilhe isadaka nihuku no upacha ayo, aari Nanashoni anaaya Naaminadabu, o nikosho ni Nayuda. 13Isadaka aya yaari isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane, wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia yaathakanihiye ni makhura wo nlhatu no isadaka yo choolhia, 14ikisahani imoka yo idhahabu yo ulhemelha igramu imia imoka ni khumi, yaacharihiye ubani, 15mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 16ni nibeberu nimoka no nlhatu no isadaka yo ulhevelhelhiya uwonya, 17tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo yaari phi isadaka ya Nanaashoni anaaya Naaminadabu.
18Nihuku no nayelhi aakumihilhe isadaka aari Nanathaneli anaaya Nasuari, nholhelhi o nikosho ni Naisakari. 19Isadaka aya yaari isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane, wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia yaathakanihiye ni makhura wo nlhatu no isadaka yo choolhia, 20ikisahani imoka yo idhahabu yo ulhemelha igramu imia imoka ni khumi, yaacharihiye ubani, 21mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 22ni nibeberu nimoka no nlhatu no isadaka yo ulhevelhelhiya uwonya, 23tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Nanethaneli anaaya Nasuari.
24Nihuku no neraru yaari izamu ya Naeliabu anaaya Naheloni, nholhelhi o nikosho ni Nazabuloni. 25Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chinacharihiye iphepa yo ushilhia ithakanihiye ni makhura o nlhatu no isadaka yo choolhia, 26ikisahani imoka yo idhahabu yo ulhemelha igramu imia imoka ni khumi, yaacharihiye ubani, 27mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 28ni nibeberu nimoka no nlhatu no isadaka yo ulhevelhelhiya uwonya, 29tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naeliabu anaaya Naheloni.
30Nihuku no necheshe nkayaakhalha izamu ya Naelisuri anaaya Nashedeuri nholhelhi o nikosho ni Narobeni. 31Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 32ikisahani imoka yo idhahabu yo ulhemelha igramu imia imoka ni khumi, yaacharihiye ubani, 33mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 34ni nibeberu nimoka no nlhatu no isadaka yo ulhevelhelhiya uwonya, 35tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi iyo yaari isadaka ya Naelisuri anaaya Nashedeuri.
36Nihuku no nethanu nkayaaphiya izamu ya Nashelumieli anaaya Nasurishadai, nholhelhi o nikosho ni Nasimeoni. 37Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 38ikisahani imoka yo fedha yo ulhemelha igramu imia imoka ni khumi, yaacharihiye ubani, 39mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 40ni nibeberu nimoka no nlhatu no isadaka yo ulhevelhelhiya uwonya, 41tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Nashelumieli anaaya Nasurishadai.
42Nihuku no sita yaari izamu i Naeliasafu anaaya Nadeuli, nholhelhi o nikosho ni Nagadi. 43Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 44ikisahani imoka yo idhahabu yo ulhemelha igramu imia imoka ni khumi, yaacharihiye ubani, 45mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 46ni nibeberu nimoka no nlhatu no isadaka yo ulhevelhelhiya uwonya, 47tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naeliasafu anaaya Nadeuli.
48Nihuku no saba yaari izamu i Naelishama anaaya Naamihudi, nholhelhi o nikosho ni Naefraimu. 49Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 50ikisahani imoka yo idhahabu yo ulhemelha igramu imia imoka ni khumi, yaacharihiye ubani, 51mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 52ni nibeberu nimoka no nlhatu no isadaka yo ulhevelhelhiya uwonya, 53tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naelishama anaaya Naamihudi.
54Nihuku no nane naari nihuku ni Nagamalieli anaaya Napedasuri, nholhelhi o nikosho ni Namanase ukumiha isadaka aya. 55Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 56ikisahani imoka yo idhahabu yo ulhemelha igramu imia imoka ni khumi, yaacharihiye ubani, 57mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 58ni nibeberu nimoka no nlhatu no isadaka yo ulhevelhelhiya uwonya, 59tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Nagamalieli anaaya Napedasuri.
60Nihuku no sita yaari izamu ya Naabidani anaaya Nagidioni, nholhelhi o nikosho ni Nabenyamini. 61Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura o nlhatu no isadaka yo choolhia, 62ikisahani imoka yo idhahabu yo ulhemelha igramu imia imoka ni khumi, yaacharihiye ubani, 63mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 64ni nibeberu nimoka no nlhatu no isadaka yo ulhevelhelhiya uwonya, 65tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naabidani anaaya Nagidioni.
66Nihuku no khumi nkayaakhalha izamu ya Naahiezeri anaaya Naamishadai, nholhelhi o nikosho ni Nadani. 67Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 68ikisahani imoka yo idhahabu yo ulhemelha igramu imia imoka ni khumi, yaacharihiye ubani, 69mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 70ni nibeberu nimoka no nlhatu no isadaka yo ulhevelhelhiya uwonya, 71tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naahiezeri anaaya Naamishadai.
72Nihuku no khumi ni imoka nkayaakhalha izamu ya Napagieli anaaya Naokirani, nholhelhi o nikosho ni Naasheri. 73Isadaka aya yaari, isahani imoka yo fedha yo ulhemelha ikilo imoka ni nusu, ibirika imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 74ikisahani imoka yo idhahabu yo ulhemelha igramu imia imoka ni khumi, yaacharihiye ubani, 75mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 76ni nibeberu nimoka no nlhatu no isadaka yo ulhevelhelhiya uwonya, 77tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Napagieli anaaya Naokirani.
78Ni nihuku no khumi na mbili yaari izamu ya Naahira anaaya Naenani, nlholhelhi o nikosho ni Naftali. 79Isadaka aya yaari, isahani imoka yo fedha yo ulhemelha ikilo imoka ni nusu, inyipo imoka yo fedha yo ulhemelha igramu imia nane wo ulhikaana ni maphimelhiyo o Nihema Nitakatifu, isahani ni inyipo chiyo chaari chinacharihiye iphepa yo ushilhia ithakanihiye ni makhura wo nlhatu no isadaka yo choolhia, 80ikisahani imoka yo idhahabu yo ulhemelha igramu imia imoka ni khumi, yaacharihiye ubani, 81mwand'ume o ing'ope mmoka, ikhondoro ilhopwana imoka, ni mwaakhondoro nlhopwana o iyaakha imoka, mmoka, wo nlhatu no isadaka yo upahiya vamooroni, 82ni nibeberu nimoka no nlhatu no isadaka yo ulhevelhelhiya uwonya, 83tho, madume meelhi o ing'ope, ikhondoro chilhopwana nthanu, abeberu athanu ni ashikhondoro ashilhopwana o iyaakha imoka athanu, wo nlhatu no isadaka cho upahiya cho uwiiha mpuha. Yeyo phi yaari isadaka ya Naahira anaaya Naenani.
84Chittu chonkhaye chaakumihiye isadaka ni ahoolhelhi a attu o Israeli wo nlhatu no nihuku no uttukuriya madhubahu, chaari isahani cho fedha khumi ni piilhi, ibirika cho fedha khumi ni piilhi, ni ivisahani cho idhahabu khumi ni piilhi. 85Kila isahani yo fedha yaari yo ulhemelha ikilo imoka ni nusu, ni kila ikisahani yaalhemelha igramu imia nane. Wo chiichammo ivyombo chonkhaye, ulhemelha waya waari ikilo makhumi meelhi ni saba ni igramu imia sita, wo ulhikaana ni maphimelhiyo o Nihema Nitakatifu. 86Isahani cho idhahabu khumi ni piilhi chaachanre ubani chilhe, kila imoka yaari yo ulhemelha igramu imia imoka ni khumi, wo ulhikaana ni maphimelhiyo o Nihema Nitakatifu, ni chonkhaye ulhemelha waya waari igramu imia ttaru ni makhumi meelhi. 87Ashinama onkhaye o isadaka yo upahiya aari, madume o ing'ope khumi ni eelhi, ikhondoro chilhopwana cho iyakha imoka khumi ni eelhi, vamoka ni isadaka yo choolhia ni mabeberu khumi ni eelhi, o nlhatu no isadaka yo ulhevelhelhiya uwonya. 88Ni wo nlhatu no isadaka ikumihiye wo nlhatu wo uwiiha mpuha, ashinama onkhaye aakumihiye yaari madume o ing'ope makhumi meelhi ni ncheshe, ikhondoro chilhopwana makhumi sita, mabeberu makhumi sita, ni ikhondoro chilhopwana cho iyaaka imoka makhumi sita. Yeyo yaari phi isadaka yaakumihiye wo nlhatu wo madhubahu, baada yo uhikiya makhura madhubahu ayo.
89Ikatema ashinna Musa vaakenlhe aya nhina Nihema Nitakatifu ni woolhumana Apwiiya Nlhuku, yaheewa nlhove ukhuma variyari o wuupiya o mapupha eelhi alhe, aari vachulhu ikifuniko yo Nsanduku no Malhehano, vaneehaniya nipuro no woonelhiya ikiriri valhe.
The Bible Version in Makua @The Word for The World International and Makua Language translators. All rights reserved.