Nahosea 3
3
Nahosea ni nthiyana o ishembwere
1Yamalheke Apwiiya Nlhuku ahokiirelha wiira, “Nrwee mwanttuneke nthiyaana uyo tho, inakhalha ahottuniya ni nlhopwana nkina, ni uyo ahokhalha o ishembwere. Munttuneke thoko mii Apwiiya Nlhuku kinaattunaka attu o Israeli, inakhalhaka yayo anoorukhunuwelha milhuku chikina ni uttuna mikatte cho uchiva cho izabibu cho wuuma cheesheriye miono.”
2Paahi, kahonthuma nthiyana uyo wo ivipande khumi ni nthanu cho isiliva ni majunia menchi yo shayiri. 3Yamalheke kahomwiirelha wiira, “Nnookhalha ni mii wo mahuku menchi, khannothananiya ukhalha tho ntu o ishembwere ama ukhalha ahanu a ntu nkina, ni mii kinookhalha ni inyu.” 4Wo yoyo nlhatu uyo, attu o Israeli anoolhokelha mahuku menchi wo uhikhalha ni mwene mena nhoolhelhi, wo uhikhalha ni isadaka mena malhuku matakatifu, wo uhikhalha ni ikizibau yo wiikhuneelha ikhakacha mena isinyago. 5Nansho attu o Israeli anoohokolhia ni waavia Apwiiya Nlhuku, Nlhuku aya, ni umwaavia mwene aya mu iyari i Nadaudi. Phi vavawo vanohalha aya waathimicha Apwiiya Nlhuku, ni uweherera ulhoka waya mahuku o umalhelha.
The Bible Version in Makua @The Word for The World International and Makua Language translators. All rights reserved.